Urdu Poetry World

Unke ek jaa.n-nisaar ham bhii hai.n hai.n jahaa.n sau-hazaar ham bhii hai.n tum bhii bechain ham bhii hai.n bechain tum bhii ho beqaraar ham bhii hai.n ai falaq kah to kyaa iraadaa hai aish ke khvaastagaar ham bhii hai.n shahar khaalii kiye dukaa.n kaisii ek hii vaadaa-khvaar ham bhii hai.n sharm samajhe tere tagaaful ko vaah! kyaa hoshiyaar ham bhii hai.n tum agar apanii khuu ke ho maashuuq apane matalab ke yaar ham bhii hai.n jis ne chaahaa pha.nsaa liyaa hamako dil-baro.n ke shikaar ham bhii hai.n kaun saa dil hai jis me.n daag nahii.n ishq kii yaadagaar ham bhii hai.n

Sitam hii karanaa jafaa hii karanaa nigaah-e-lutf kabhii na karanaa tumhe.n qasam hai hamaare sar kii hamaare haq me.n kamii na karanaa kahaa.n kaa aanaa kahaa.n kaa jaanaa vo jaante hii nahii.n ye rasme.n vahaa.n hai vaade kii bhii ye suurat kabhii to karanaa kabhii na karanaa hamaarii mayyat pe tum jo aanaa to chaar aa.nsuu bahaa ke jaanaa zaraa rahe paas-e-aabaruu bhii kahii.n hamaarii ha.nsii na karanaa vo ik hamaaraa tariiq-e-ulfat ki dushmano.n se bhii mil ke chalanaa ye ek shevaa teraa sitamagar ki dost se dostii na karanaa

Lutf vo ishq me.n paaye hai.n ki jii jaanataa hai ra.nj bhii itane uthaaye hai.n kio jii jaanataa hai jo zamaane ke sitam hai.n vo zamaanaa jaane tuune dil itane dukhaaye hai.n ki jii jaanataa hai tum nahii.n jaanate ab tak ye tumhaare a.ndaaz vo mere dil me.n samaaye hai.n ki jii jaanataa hai i.nhii.n qadamo.n ne tumhaare i.nhii.n qadamo.n kii qasam khaak me.n itane milaaye hai.n ki jii jaanataa hai dostii me.n terii darapardaa hamaare dushman is qadar apane paraaye hai.n ki jii jaanataa hai

ranj kii jab guftaguu hone lagii aap se tum tum se tuu hone lagii chaahiye paiGaamabar dono taraf lutf kyaa jab duu-ba-duu hone lagii merii rusawaaii kii naubat aa gaii unakii shoharat quu-ba-quu hone lagii naazir ba.D gaii hai is qadar aarazuu kii aarazuu hone lagii ab to mil kar dekhiye kyaa rang ho phir hamaarii justajuu hone lagii 'DaaG' itaraaye hue phirate hai.n aap shaayad unakii aabaruu hone lagi

Khaatir se ya lihaaz se maiN maan tau gaya  jhhooTi qasam se aap ka iimaan tau gaya dil le ke muft kehte haiN kuchh kaam ka nahiN  ulTi shikaayateiN huiiN, ehsaan tau gaya Darta huN dekh kar dil-e-be_aarzoo ko maiN  sunsaan ghhar yeh kyoN na ho, mehmaan tau gaya kya aaye, raaHat aayi jo kunj-e-mazaar meiN  woh walwala, woh shauq, woh armaan tau gaya dekha hai butkaday meiN jo ai shaiKh kuchh na poochh  iimaan ki tau yeh hai, ke iimaan tau gaya afshaa-e-raaz-e-ishq meiN go zillateiN huiiN  lekin usay jataa tau diya, jaan tau gaya go naamabar se Khush na huwa, par hazaar shukr  mujh ko woh mere naam se pehchaan tau gaya bazm-e-a'duu meiN soorat-e-parwaana dil mira  go rashk se jalaa, tire qurbaan tau gaya hosh-o-hawaas-o-taab-o-tawaaN DaaGh jaa chukay  ab hum bhi jaane waale haiN, saamaan tau gaya

tuu jo ai zulf pareshaan rahaa karatii hai kis ke uja.de hue dil me.n hai thikaanaa teraa ye samajh kar tujhe ai maut lagaa rakhaa hai kaam aataa hai bure vaqt me.n aanaa teraa apanii aa.nkho.n me.n bhii kau.ndh ga_ii bijalii sii ham na samajhe ki ye aanaa hai ki jaanaa teraa [bijalii kau.ndhanaa = strike/flash of lightning] 'daag' ko yuu.n vo mitaate hai.n ye farmaate hai.n tuu badal daal huaa naam puraanaa teraa  

teraa hijr meraa nasiib hai teraa Gham hii merii hayaat hai mujhe terii duurii kaa Gham ho kyo.n tuu kahiin bhii ho mere saath hai mere vaaste tere naam par koii harf aaye nahii nahii mujhe Khauf-e-duniyaa nahii magar mere ruu-ba-ruu terii zaat hai teraa vasl ai merii dilrubaa nahii merii kismat to kyaa huaa merii mahajabii.n yahii kam hai kyaa terii hasaraton kaa to saath hai teraa ishq mujh pe hai maharabaaN mere dil ko haasil hai do jahaaN merii jaan-e-jaaN isii baat par merii jaan jaaye to baat hai  

Ghar Banana Chahta Hoon, Mera Ghar Koi Nahi, Daman-E-Kohsar Mein Ya Daman-E-Sehra Ke Paas, Oonchi Oonchi Chotiyon Mein Sarhade Sehra Ke Paas, Mushaffaq Aabadiyon Mein Wusatay Tanha Ke Paas, Roz-E-Roshan Ke Kinare Ya Shub-E-Yulda Ke Paas, Is Pareshani Mein Mera Humsfar Koi Nahi...

naqsh yadon ka mitaati he to ro parti hai wo mera khatt jo jalati he to ro parti hai khoon dikhta he mery marty hoye supno ka, khuwab ankhon main basati he to ro parti hai log poochty hen jo gehri udaasi ka sabab, baat logon se chupaati hai to ro parti hai yaad karti he mujhy toot kar us lamhe, shaam chehra jo dikhaati hai to ro parti hai wo bary zubt bhary hosly wali lerki, ghum ko tahreer banati he to ro parti hai  

Mat Tor Woh Taluk Jo Teri Zaat Se Hai, Tu Khafa Meri Kis Baat Se Hai, Tu Bhi Na Uljha Kar Mujhse Is Tarah, Jo Tu Achi Tarah Wakif Mere Jazbat Se Hai, Main Kaise Ji Lon Tumse Rooth Kar, Meri Har Saans Wabasta Teri Yaad Se Hai, Mera Taluk Jura Hai Kuch Is Tarah Tumse, Jaise Insan Ka Rishta Khud Apnay Ap se Hai……!!!!

Meri jaa.n sochti hon main Agar tum mil na paay tu Tumhaari yaad ko dill sey Bhala kaise bhulaao.n gi! Jo mousam sang terey beetey unhain kaise bhulaao.n gi!! Andheri raat main jugnu bhala kaise jalaoo.n gi!!! meri jaa.n sochti hon main Tumhain kaise bhulaao.n gi! Likha jo naam hay dill per Usey kaise mitaaoo.n gi! Jo aadhi um’r jeeni hay Wo main kaise bitaao.n gi!! Meri jaa.n sochti hoon main Tumhain kaise bhulaaoo.n gi! Teri yaadai.n jo aae.n gi Mujhe pal pal rulai.n gi Merey Anchal ko kainchai.n gi Mujhe kutch gud-gudai.n gi Meri jaa.n sochti hoon main Tumhain kaise bhulaao.n gi!! Jo baatai.n tum sey karti hon bhala kis ko bataao.n gi! Naya jab sher likhoo.n gi Tu main kis ko sunaao.n gi!! meri jaa.n sochti hoon main Tumhain kaise bhulaaoo.n gi! Meri jaa.n Jaan lo tum bhi

Woh hijar thehra, Visaal thehra Kya aadmi tha kamaal thehra Afsurdgi ke har ik nagar mein Woh Kehkahon ki misaal thehra Woh kis ki hatir guzar geya hai Sab ki hatir sawaal thehra Haan us ke lehje ki taazgi se Jo khawb tha woh khayal thehra Kahan se layen rafeeq tujh sa Mohabbat mein zawaal thehra Tu ne hum ko yeh dukh diya hai Ke ab tu jeena muhaal thehra

Poochnay Walay Tujhey Kaisay Bataaein Akhir Dukh Ibarat To Nahi Jo Tujhey Likh Ker Bhaijein Ye Kahani Bhi Nahi Hai K Sunaein Tujh Ko Na Koi Baat Hi Aisee K Bataein Tujh Ko Zakham Gar Ho To Teray Naakhun K Hawalay Ker Dein Aaina Bhi To Nahi K Dikhaein Tujh Ko Tu Ne Poocha Hai Magar Kaisay Bataein Tujh Ko Ye Koi Raaz Nahi Jis Ko Chupaen To Wo Raaz Kabhi Chehray Kabhi Aankhon Se Chalak Jata Hai Jaisay Aanchal Ko Sambhalay Koi Aur Teiz Hawa Jab Bhi Chalti Hai To Shaano Se Dhalak Jata Hai Ab Tujhey Kaisay Bataein K Humein Kia Dukh Hai Jism Mai Reengti Rehti Hai Musafat Ki Thakan Phir Bhi Kaandhon Pe Uthayae Huwe Halat Ka Bojh Apnay Qadmon Se Hatatay Huwe Saya Apna Jis Ko Bhi Dekhiye Chup Chap Chala Jata Hai Kabhi Khud Se Kabhi Raston Se Ulajhta Hai Magar Janay Wala Kisi Awaz Pe Rukta Hi Nahi Dhoondna Hai Naya Peraya-E-Izhar Humein Istiaron Ki Zaban Koi Samajhta Hi Nahi Dil Grifta Hain Talismat-E-Gham-E-Hasti Se Saans Lenay Se Fusoon Kariy-E-Jaan Tootti Hai Ik Taghayyur Pas-E-Her Shay Hai M

Teray Hisaar se Bahir nikal gaya hon Main Tu theek kehta hay Shayed Badal gaya hon Main Tujhe khabar nahi kaisay Sarab Rasstay the Khuda ka shukr k phir bhi Sambhal gaya hon Main “MERE ilawa bhi TUJH ko Azeez hay KOI Zara si bat pe aise hi Jal gaya hun Main” Yeh paon jante hain Waqt e Hijr kaisa hay Qadam Qadam kisi pathar mein dhal gaya hon main Utha liya hay Sitaron ne Asman sar par Zraa jo Chand ki khatir Machal gaya hun Main

Ghar se yeh soch k nikla hon k Mar jana hai Ab koi Raah dikha de k kidhar jana hai Jism se sath nibhane ki mat umeed rakho Is musafir ko to Rastay mein theher jana hai Mout lamhay ki sada Zindagi umron ki pukar Mei yehi soch k zinda hon k Mar jana hai Nasha aesa tha k Maikhanay ko duniya samjha Hosh aaya to khayal aaya k ghar jana hai Mere jazbay ki bari qadar hai logon mei magar Mere jazbay ko mere sath he mar jana hai…….

uske sath rehte rehte uski chahat c hogae… Us sy baat krty krty hamein adat c hogae Aik pal na miley tu bechani c lagti hy.. Dosti nibhaty nibhaty us sy mohabbat c hogae

Hussn-e-Kirdaar say Noor-e-Mujassim Ho Ja, Ky iblees Bhi Tujhay Dehkay to Musalmaan Ho Jaey…..! apnay mann mein doob kar paa ja suragh-e-zindagi_ Tuu agar Mera nahi banta tou na ban, apna tou ban….

Tumhen kisne kaha pagli Mujhy tum yad aati ho Bohat khush faham ho tum b Tumharai khush gumani he Meri ankhon ki surkhi me …Tumhari yad ka matlab? Mere shab bhar k jagnay me Tmharay khwaab ka matlab? Ye ankhien to hameesha se hi Meri surkh rehti hen Tumhin malom hi hoga Is shahar ki faza kitni aloda he Tu yah sozish,ussi fiza k bayes he Tumhain kisne kaha pagli K me shab bhar nah sota Mujhy is nokri k sab jhamelon se Kabhi fursat milay to tab hai na Meri baaton main larzash hai??? Main aksar kho sa jata hon?? Tumhain kis nay kaha pagli Mohabbat kay ilawa aur bhi to dard hotay hain Fikar-e-muaash,sukh ki tlaash, Aisay aur bhi gham hain Aur tum Un sab ghamon kay baad aati ho Tumhin kis nay kaha pagali Mujhy tum yaad aati ho Ye dunya walay pagal hain Zara si baat ko yah to afsaana samjhtay hain Mujhy ab bhi yah pagal tera dewana samjhaty hain Tumhain kis nay kaha pagli!!! Magar shayed!!!!!!! Magar shayed main jhhota hon Main reeza reeza ,toota hon

      Ek Ghazal Apki Nazar Jab Tere Sheher Me Raha Karte Thy, Hum Bhi Chup CHaap Jiya Karte Thy, Aankhon Me Piyas Huwa Karti Thi, …Dil Me Toofan Utha Karte Thy, Log Aate Thy Ghazal Sunne, Hum Teri Baat Kiya Karte Thy, Ghar Ki Diwaar Sajane Ki Khatir, Hum Tera Naam Likha Karte Thy, Aaj Teri Tasveer Dekhi To Yad Aaya, Kabhi Hum Bhi MOHABBAT Kiya Karty Thy,

“Ussay kehna! Bahir to hawain badli badli hain Chaman b badla badla hy …Magar dil main Tumhri yad ka mosam nahi badla! Teri chaht k pholon ki! Abhi khushbu nahi bhikri! Mere andar tumhri zaat ka! Ehsas baqi hy! Tumhre dum se meri zindgi ki! Sans baqi hy! Usay kehna! K mosam to badlty rehty hain yunhi! Kabhi mosam badlnay se! Y ankh namm nahi hoti! Mohabbat kam nahi hoti! Usay kehna muhabbat kam nahi hoti..!!!

Vada to kar lete hai Nibhana Bhul Jate Hain Laga k Aag Seene Me Bujhana Bhul Jate hain. Bhulana To Aadat ho gayee hai logo ki. Rulate hai phir manana bhul jate hain.

Ek jazba khak hua dil ki gehrayion me kahin ta’ajjub hai maut par uski koi roya tak nahin, sahil se to chale the sath me hamsafar banker sagar ne duboya hum hi ko unhe to bhigoya tak nahin, ankhon me zinda khuwab thay ya khuwab me zinda ankhen, …tutne k bad hi jana ki unhone to sanjoya tak nahin, nadani me jinki khatir sab lutane nikle the hum dekho humare na rehne per bhi unka kuch khoya tak nahin.

ik shaks k kho janey ka dar kiyoun nahi jata yeh boojh merey dil se utar kiyoun nahi jata manzil pe pounch kar bhi usey kho dena hai yeh teh hay to phir shouq e safar kiyoun nahi jata .

Ek jazba khak hua dil ki gehrayion me kahin ta’ajjub hai maut par uski koi roya tak nahin, sahil se to chale the sath me hamsafar banker sagar ne duboya hum hi ko unhe to bhigoya tak nahin, ankhon me zinda khuwab thay ya khuwab me zinda ankhen, tutne k bad hi jana ki unhone to sanjoya tak nahin, nadani me jinki khatir sab lutane nikle the hum dekho humare na rehne per bhi unka kuch khoya tak nahin.

Neend Aankhon Main Nahin, Khwaab Kho Gaye Tanha Hi The, Kuch Aur Tere Bin Hum Ho Gaye Dil Kuch Tadap Utha, Zuban Bhi Ladkhadai Teri Yaad Main Do Aansu Chupke Se Beh Gaye

Faqat aik TUM mery hoty mera sara jahan hota… Meri jannat meri dunya mera yeh aashiyan hota… bhatkti yun na phirti main akely gham ki galiyon mein… Koi manzil meri hoti koi Naam-o-nishan hota… Mujhy ab yaad aati hain teri chahat bhari batein… Meri dunya sanwar jati agar ik TUM sirf mery hoty….!!!

ab bhalaa chhoR ke ghar kyaa karte shaam ke vaqt safar kyaa karte terii masruufiyateN jaante the apne aane kii Khabar kyaa karte jab sitaare hii nahiiN mil paaye le ke ham shams-o-qamar kyaa karte vo musaafir hii khulii dhuup kaa thaa saaye phailaa ke shajar kyaa karte Khaak hii avval-o-aaKhir thahrii kar ke zarre ko gauhar kyaa karte

zara si baat dair tak rulati rahi Hansi me bhi aankhe aansu bahati rhi, Koi kho k mil gya,koi mil K kho gya,, Zindagi hamko bas aise Hi aazmati rahi..!!

Hum jo tum se mile hain koi ittefaq thori hai. Mil k tmko chor den koi mazak thori hai. Agar hota tum se pyar ek had tak to chor dete. … Par humara tum se pyar ka koi hisab thori hai.

”Dard ki wardaat hy pyaray dastaan e hayaat hy pyaray teri aankhon ka bhi kia bharosa aalam e hadsaat hy pyaray kon is silsalay ko khatam karay teri zulfoon ki bat hy pyaray aankh ki har haseen nadani! ronq e kainaat hy pyaray subha e mehsher tuo aa hi jaey gi raat khatam hony ki bat hy pyaray zindagi ky sitam ko kaya kahiye soorat e waaqiat hy pyaray baat sun le tuo tera bhala ho ga dardmandon ki bat hy pyaray mustaqil maut ki tamana hy arzoo e hayat pyaray hum addm aur bada paymaai kehnay sun’ney ki baat hy pyaray”

Kabhi jo waqt par jaye, Tumhein mujh se bicharna ho, Tumhein waday se phirna ho, To beshak dair mat karna, Mujay naraaz kar dena, Tum apna rukh badal lena, Tum apni simt chal dena, Magar jab lot k ana, Tumhein mitti k teelay par, Main shayad na dikhai dun, Magar heran mat hona, Wahin do char qadmon par, Mazaar-e-bekaraan hoga, Wahan ik phool rakh dena, Aur ik shama jala dena, Aur apna rukh badal lena, Aur apni simt chal dena…

raat hotey hi aik panchi roz mjy kehta hai dost, dehk mera aashyana b khali hai tery dil ki tarha

jo bhi jhoota tha wohi khowab dakhya khud ko barhaa mai nay banya tha tamsha khood ko jo na maloom tha pahly wo maloom kya phir bohat deear taak jaalya khood ko mujhy maloom hay muj mai bari khamya han kabhi samjha bhi nahi mai nay KHUDA sa khod ko.

Ik baar kar ke aitbaar likh do. Kitna hai mujh se pyar likh do. Kat ti nahi yeh zindagi,ab tere bin. Kitna karoon aur intzaar likh do. Taras rehy hain bari mudat se. Iss bar apni mohabbat ka izhaar likh do. Deewanay ho jayein jisay parh ke hum. Kuch aisa tum mere naam likh do. Zayada nahi likh sktay to mat likho. Mohabbat bharay lafz 2,4 likh do. Ik baar likho mohabbat hai tum se. Phir yehi jumla baar baar likh do

main khudd zamee’n hoo’n magar zarf asman ka hai k toot karr bhi mera hausla chattan ka hai bura na maan merey harf zehr zehr sahii main kya karoo’n k yahi zaayeqa zabaan ka hai bichharhte waqt se mai ab talak nahii roya wo keh gaya tha yahi waqt imtehaan ka hai harr aik ghar pe musallat hai dill ki veeraani tamam shehr pe saya merey makaan ka hai ye aur baat adalat hai be-khabar warna tamam shehr mai charcha merey bayaan ka hai asar dikha na saka uskey dill mai ashk mera ye teer bhi kisi tutii hui kamaan ka hai qafas tau khair muqaddar mai tha magar MOHSIN hawa mai shaur abhi tak meri urrhan ka hai

Main Shayer Hoon Toa Aksar Laog Mujh Se Poochtay Hain Is Haseen Israar Kay Baray main Batain Toa Bhala Kiya Hai…? Mohabbat Akhirish Hai Kiyaa…..?” Wasi Main Hans Kay Kehta Hoon Kisi Piyasay Ko Apnay Hissay Ka Pani Pilana Bhi.. Mohabbat Hai! Bahnwar Mai Doobtay Ko Sahil Tak Lai Kay Jana Bhi.. Mohabbat Hai! Kisi Kay Wastay Nanhi Si Qurbani.. Mohabbat Hai! Kaheen Hum Raaz Saray Khoal Saktay Hoan Magar Phir Bhi, Kisi Ki Babasi Ko Daikh Ker Khamosh Hojana Bhi… Mohabbat Hai! Ho Dil Mai Dard, Veraani Magar Phir Bhi Kisi Kay Wastay Jabran Hi Hoantaon Pe Hansi Lanaa Zabardasti Hi Muskana… Mohabbat Hai! Kaheen Barish Mai Sehmay, Bheegtay Billi Kay Bachay Ko Zara Si Dair Ko Ghar Lai Kay Anaa Bhi Mohabbat Hai! Koi Chirya Jo Kamray Mai Bhatakti Aan Nikli Ho Toa Us Chirya Ko Pankhaa Band Kar Kay Rastaa Bahir Ka Dikhlana Mohabbat Hai! Kisi Kay Zakham Sehlanaa Kisi Rotayhuay Dil Ko Behlana.. Mohabbat Hai! Kay Metha Boal, Methi Baat, Methay Lafz, Sab Kiya Hhai? Mohabbat Hai! Mohabbat Aik Hi Bas Aik Hi

Woh Mujh Ko Mil Gaya Main Ussey Khojta Raha Uss Mein Hi Ussi Shaks Ko Dhoondta Raha Dasht-E-Dil Mein Yaadon Ki Baarishein Honey Say Banjar Zameen Say Bhi Sabza Phoot-ta Raha Aawaazon Ka Ik Hujoom Aas Paas Tha Magar Sannata Mairey Wajood Mein Sada Bolta Raha Woh To Bicharr Ke Duniya Ki Bheerr Mein Gum Ho Gaya Aur Ye Main Hoon Ke Umer Bhar Ussey Sochta Raha Gar Mil Gaya Kabhi Woh To Poochoon Ga Ye Sawal Kyun Mohabbat Ikk Bharam Hai Jo Sada Toot-ta Raha Dil Mein Basaya Tha Jissey Mainey Woh Dilruba Ban Ke Rahzan Qadam Qadam Mujhi Ko Loot-ta Raha….!!

Bichar gaya hai jo ab us ka malaal kya karna,  Ab us ki yaad mein jeena muhaal kya karna, Mein janta hoon ke woh bewafa na maaney ga,  Wohi jawab miley ga, Sawal kya karna, Tu hijar de gaya aur pyar ko bhula betha,  Woh bewafa tha ab us ka khayal kya karna, Usey bhulana hi Arshad teri bhalayi hai,  Dil-e-tabaah ko ab hasta haal kya karna..  

Waqt rukhsat kahi tary, kahi jugno ay haar pehnany mujhe phol se bazo ay Bas gy hy mery ehsas may ye kesi mehak koi khosbo may lagaon teri khusbo ay May ny din raat khuda sy ye dua mandi hy koi ahat na ho mery dar pay or to ay Os ki baten ke gul-o-lala pay shabnam barsy sab ko apnany ka es shokh ko jado ay en dino ap ka alam bhi ajab alam hy shokh khaya howa jesy joi hawa ay Os ny choo kar muje phattar sy insan kia muddaton bad meri aknho mein anso ay

    Boht Din Se Muje Kuch An Kahe Alfaz Ne Bechain Rakha Hy, Muje Sone Nahi Dete, Muje Hansne Nahi Dete, Muje Rone Nahi Dete, Yun Lagta Hy K Jese Sans Seene Main Kahi Thehri Hui Si Hy, Yun Lagta Hy K Jese Garmi Main…… Zra Si Der Ko Barish Baras K Ruk Gyi Ho…. Ghutan Charoo Taraf Pheli Hui Ho, Boht Din Se Meri Ankhoon Main Sapnoo Ki Koi Doli Nahi Utri…. Boht Din Se Khyaloo Main Dabe Paoon Koi Apna Nahi Aya, Boht Din Se Mere Jazbaat. Jo Meri Shairi K Mosmoon Main Rang Bharte Hain…….. Kahin Khoye Hue Se Hain, Mere Alfaz Bi Soye Hue Hain….. Main Un Ko Dhoondne Is Zindagi K Dasht Main Nikla To Hoon Lekin……. Muje Maloom Hy Jazbey Agr Ik Bar Kho Jayen, To Phir Wapis Nahi Milte…… Muje Maloom Hy Phir Bi…. Abi Ik Aas Baki Hy….. Main Ab Is Aas Ki Ungli Pakarr K Chal Raha Hoon, Bazahir Shabnami Thandak Muje Ghere Hue Hy…….. Magar Main Jall Raha Hoon….. Main Ab Tak Chal Raha Hoon………

ye bhii nahii.n biimaar na the itane junuu.N aasaar na the logo.n kaa kyaa zikr kare.n ham bhii kam ayyaar na the ghar me.n aur bahut kuchh thaa sirf dar-o-diivaar na the sab par ha.Nsanaa shevaah thaa jab tak Khud us paar na the terii Khabar mil jaatii thii shahar me.n jab aKhbaar na the pahale bhii sab kuchh bikataa thaa Khvaabo.n ke baazaar na the maut kii baate.n pyaarii thii.n marane ko tayyaar na the

zamaanaa yaad teraa ai dil-e-naakaam aataa hai Tapak pa.Date hai.n aa.Nsuu jab vafaa kaa naam aataa hai vafaa tum se kare.nge dukh sahe.nge naaz uThaaye.nge jise aataa hai dil denaa use har kaam aataa hai akele karavaTe.n hai.n raat bhar Bistar pe aur ham hai.n kahaa.N pahaluu ko Khaalii dekh kar aaraam aataa hai hasiino.n me.n basar kar dii javaanii ‘Arzoo’ ham ne lagaanaa dil kaa siikhe hai.n yahii ik kaam aataa hai

avval-e-shab vo bazm kii raunaq shamaa bhii thii paravaanaa bhii raat ke aaKhir hote hote Khatm thaa ye afasaanaa bhii qaid ko to.D ke nikalaa jab mai.n uThake baguule saath hue dasht-e-adam tak jangal jangal bhaag chalaa viiraanaa bhii haath se kis ne saaGar paTakaa mausam kii bekaifii par itanaa barasaa TuuT ke baadal Duub chalaa maiKhaanaa bhii Khuun hii kii shirkat vo kyo.n na ho shirkat chiiz hai jhaga.De kii apano.n se vo dekh rahaa huu.N jo na kare begaanaa bhii ek lagii ke do hai.n asar aur dono.n hasb-e-maraatib hai.n lau jo lagaaye shammaa kha.Dii hai raqs me.n hai paravaanaa bhii

har goshaa gulistaa.N thaa kal raat jahaa.N mai.n thaa ek jashn-e-bahaaraa.N thaa kal raat jahaa.N mai.n thaa   naGme.n the havaao.n me.n jaduu thaa fizaao.n me.n har saa.ns Gazalfaa.N thaa kal raat jahaa.N mai.n thaa   dariyaa-e-mohabbat me.n kashtii thii javaanii kii jazbaat kaa tuufaa.N thaa kal raat jahaa.N mai.n thaa   mahataab thaa baaho.n me.n jalve the nigaaho.n me.n har simt charaaGaa.N thaa kal raat jahaa.N mai.n thaa

Chaandani kaif_asar Rooh_Afzaa hotee thi, Abr Aataa thaa to badmast bhi ho Jaate the. Din me shorish bhi huaa karati thi Hangaame bhi, Raat ki godh me munh Dhaanp ke so Jaate the. Narm Rau Waqt ke dhaare pe Safiine the ravaan, Saahil-o-Bahr ke Aaiin na badalate the kabhi. naakhudaaon pe Bharosaa thaa Muqaddar pe yaqeen, Chaadar-e-Aab se tuufaan na ubalate the kabhi. Ham ke tuufaanon ke Paale bhi Sataaye bhi hain, Barq-o-Baaraan me vohi shamen jalaayen kaise. Ye jo Aatish_kadaa Duniyaa me bhadak Utthaa hai, Aansuon se use har baar bujhaayen kaise. kar Diyaa barq-o-bukhaaraat ne mahashar Barpaa, Apane daftar me litaafat ke sivaa kuchh bhii nahin. Ghir gaye Waqt ki Beraham kashaakash me magar, Paas tahazeeb ki Daulat ke siva kuchh bhi nahin.

Kis Liye Ab Udaas Baithi Ho.. Jab Woh Eik Shakhs Dastaras Main Tha…. Uss Se Milna Tumharay Bus Main Tha…… Uski Aankhain Tumhari Aankhain Thien… Uski Baatain Tumhari Baatain Thien…. Uska Chehra Tumhara Chehra Tha…. Uskay Dil Par Tumhara Pehra Tha…. Uski Har Saans Main Basi Thien Tum… Uskay Har Lafz Main Khili Thien Tum… Uskay Sapnon Main Bhi Rachi Thien Tum…. Uski Neendon Main Jaagti Thien Tum… … Woh Jo Kehta Tha Beqarari Hai… Meri Saari Wafa Tumhari Hai… Sirf Tum Se Mujhe Mohabbat Hai… Sirf Tum Se Meri Haqeeqat Hai… Kitni Baatain Main Keh Nahi Sakta… Door Tum Se Main Reh Nahin Sakta… Tab Tum Uskay Har Eik Jumlay Ko… Tab Tum Uskay Har Eik Jazbay Ko… Ek Hansi Main Urraya Karti Thien… Sun Kay Tum Bhool Jaya Karti Thien…. Uss Ki Aankhon Ko Daikhti Jab Wo… Woh Be’niyazi Kay Dard Sehta Tha…. Bhool Jana Tumhari Aadat Thi…. Phir Bhi Kitna Malool Rehta Tha…. Apni Tanhaai Kay Galay Lag Kar…. Saray Aansu Woh Roo Gaya Eik Din…. Eik Pat’thar Se Dil Lagi Kar Kay…. Khud Bhi Pat’thar Ka Hogaya Ei

Mainne dekha tha un dino mai usy, Jb wo khilty gulab jasa tha, Uski palko se neend chanti thi, Uska lehja sharab jaisa tha, Uski zulfo se bhegti thi ghataa, Uska rukh mahtaab jasa tha, Log partey they khal~o~khad usky, Wo adab ki kitaab jasa tha, Bolta tha zubaan khushbu ki, Log suntay thay dharkano mai usy, Maine dekha tha un dino ma usy… Sari Aakhain thi aaina uski, Saray chehro ma intekhaab tha wo, Sb se ghul mil kar ajnabi rehna, Ik darya noma saraab tha wo, Khuwaab ye hai k wo haqeeqat tha, Ye haqeeqat hai koi khawaab tha wo, Dil ki dharti pe aasman ki tarah, Surat-e-saya -e sahaab tha wo, Apni neendain usi ki nazar hoien, Maine paya tha rutjago ma usy, Maine dekha tha un dino mai usy… Jab wo hansS hansS k baat karta thaaa, Dil k khaimey mai raat karta tha, Rang party thay achalon mai usky Maine Dekha tha un dino mai usay… Ye magar dair ki kahani hai, Ye magar door ka fasana hai, Usky mery milaap ma hayil ab to sadyon bhara zamana hai, Ab to yun hai haal apna bhi Dasht-e-hijraan

Rukhsat hua to baat meri maan kar gaya jo us k pas tha woh mujhay daan kar gaya bichhra kuch is ada se k rut hi badal gayee aik shakhs saray shahar ko veeran kar gaya dilchasp waqiya hay k kal aik aziz dost apnay mafad par mujhay qurban kar gaya kitni sudhar gayee hay judayee main zindagi han woh jafa se mujh pe to ehsan kar gaya khalid main baat baat pe kehta tha jis ko jaan woh shakhs akhir mujhay bejan kar gaya

Us Ka Apna He Karishma Hai, Fasoon Hai, Yoon Hai Yoon To Kehney Ko Sabhi Kehtey Hein Yoon Hai, Yoon Hai Jesey Koi Dar-E-Dil Per Ho Satada Kab Se Aik Saaya Na Daroon Hai, Na Baroon Hai, Yoon Hai Tum Ne Dekhi He Nahi Dash-e-Wafa Ki Tasweer Nook-e-Her Khaar Pe Ik Qatra-E-Khoon Hai, Yoon Hai Tum Muhabbat Me Kahaan Sood-O-Ziyaa’n Ley Aaye Ishq Ka Naam Khirad Hai, Na Janoo’n Hai, Yoon Hai Ab Tum Aye Ho Meri Jaan Tamasha Kerney Ab To Darya Me Talatum, Na Sakoon Hai, Yoon Hai Nasihaa Tujh Ko Khaber Kia K Muhabbat Kia Hai Rooz Aa Jata Hai, Samjhata Hai, Yoon Hai, Yoon Hai Shairy Taza Zamanoon Ki Hai Memaar Faraz Yeh Bhe Ik Silsila-E-Kunn Faya koo’n Hai, Yoon Hai

guzre dinon ki yad barsati ghata lage guzrun jo us gali se to thandi hawa lage mehman banke aye kisi roz agar wo shakhs us roz bin sajaye mera ghar saja lage main is liye manata nahin wasl ki khushi mere raqib ki na mujhe baddua lage wo qahat dosti ka para hai k in dinon jo muskura k bat kare ashna lage tark-e-wafa k bad ye us ki ada ‘Qateel’ mujhko sataye koi to us ko bura lage

Teri Yaad Hai Andhere Mein Ujalay Ki Tarah Kisi Haseena Ke Bikhray Howay Baalon Ki Tarah Ghabra Jata Hun Jub Bhe Chup Rahon Isi Lye Mein Bolta Rehta Hun Duniya Waalon Ki Tarah Apne Hissay Ke Dukh Bunti Rehti Hai Zindagi Band Kamray Mein Lagay Howay Jaalon Ki Tarah Wo Mujhe Har Haal Mein Apnaana Chahti Thi Magar Raddi Mein Biktay Howay Risaalon Ki Tarah Tanhaayian Chup Chaap Dabooti Raheen Aur Mein Shor Machata Reh Gaya Nadi Naalon Ki Tarah Ek Chehra Sadaa Mere Saath Raha…. Kubhi Lamhay Ki Tarah Kubhi Saalon Ki Tarah….!

Zahir kisi surat bhi kahin naam na karna,  Hain log bohat khaas humain aam na karna, Janey ki ijazat to diye dete hain lekin,  Raste main kahin aate huye shaam na karna, Kuch roz se yeh haal hai chahat mein tumhari,  Bekaar parre rehna koi kaam na karna, Main bhi na dikhaon ga sar-e-raah girebaan,  Tum bhi mere waadon ko sar-e-aam na karna, Is shart pe hai tark-e-taluq ki ijazat,  Badnaam zamane mein mera naam na karna, Hum log palat aaney ki haatir nahin jate,  Wa sham ke baad apne dar-o-baam na karna, Yadon ka nasha hosh urra deta hai Arshad,  Saaqi se kaho samne ab jaaam na karna..

Yeh Kaisi Judai Hai Jisne Hamein Shayar Bana Diya, Yeh Kaisa Gam Hai Jisne Hamein Bebas Bana Diya, Socha Nahi Tha Juda Ho Jaoge Humse Kabhi, Karte Bhi Kya Jab Apne He Gair Bana Diya

Karta raha fareb koi saadgi ke saath, Itna bada mazak meri zindagi ke saath, Shyad mili saza iis jurm ki mujhe, Ho gaya tha pyaar mujhe ek ajnaabi ke saath ….

Gehri thi raat, lakin hum khoye nahi, Dard bahoot tha dil mein, lakin hum roye nahi, Koi nahi hamara jo puche humse, Jag rahe ho kisi ke liye, ya kisi ke liye soye hi nahi..!!

Samjha Na Koi Dil Ki Baat Ko, Dard Duniya Ne Bina Soche Hi De Diya, Jo Sah Gaye Har Dard Ko Hum Chupke Se, To Humko Hi Patthar-Dil Kah Diya…  

Kabhi Na Aaye Mere Saath Chalke.. Hamesha Gaye Mujhe Barbaad Karke.. Agar Kabhi Aa Jao Meri Mayaat Pe.. To Keh Dena Abhi Soya Hain Tuje Yaad Karke…

Bohat Socha Buhat Samjha Buhat Hi Der Tak Parkha...!! Ke Tanha Ho Ke Jee Lena ... Mohabbat Se To Behtar Hai...!!

Toote Huye Pemaane Me Jaam Nahi Aata, Pyar Ke Mareez Ko Aaram Nahi Aata, Mera Dil Todne Wale zara Soch To Liya Hota, Toota Hua Dil Kisi Ke Kaam Nahi Aata

mujarim huu.N teraa aa mujhe jo chaahe sazaa de is dil me.n muhabbat kii sanam aag lagaa de jazbaat kaa dil me.n ko_ii tuufaan uThaa ke kahate hai.n jise pyaar zamaane ko dikhaa de duniyaa se kabhii pyaar kaa shikavaa na karuu.Ngaa le haath me.n Khanjar merii gardan ko u.Daa de in mast nigaaho.n se sar-e-shaam pilaakar diivaane ko kuchh aur hii diivaanaa banaa de ab pyaar kii is raah se kaa.NTo.n ko haTaakar dushman ko jalaane ke liye phuul bichhaa de ab husn-e-tajallii se jale 'Baaz' hai teraa ruKhsaar pe apane zaraa parde ko giraa de

subah raato.n me.n bikhar jaatii hai shaam baaho.n me.n utar jaatii hai din sulag uThataa hai chandan kii tarah raat naagan sii lipaT jaatii hai kisii gumbad kii sadaa kii maanind fikr ko fikr hii doharaatii hai [gumbad = dome; sadaa = call] [maanind = like/similar to; fikr = worry] qaafile se mujhe rahane do alag bhii.D me.n ruuh bikhar jaatii hai [qaafilaa = caravan; bhii.D = crowd; ruuh = soul] laajavantii hai kisii shoKh kii yaad dil bhii dha.Dake to simaT jaatii hai Dolii aa.Nkhon kii hai suunii "Hurmat" niind mahabuub (se/sii?) sharmaatii hai

dekhanaa hai vo mujh par meharabaan kitanaa hai asaliyat kahaa.N tak hai aur gumaan kitanaa hai [asaliyat = reality; gumaan = doubt] kyaa panaah detii hai aur ye zamii.n mujh ko aur abhii mere sar par aasamaan kitanaa hai [panaah = shelter] kuchh Khabar nahii.n aatii kis ravish pe hai tuufaa.N aur kaTaa phaTaa baaqii baadabaan kitanaa hai [baadabaan = sail] to.D pho.D karatii hai.n roz Khvaahishe.n dil me.n tang in makaano.n se ye makaan kitanaa hai kyaa uThaaye phirataa hai baar-e-aashiqii sar par aur dekhane me.n vo dhaan-paan kitanaa hai [baar = weight/burden] harf-e-aarazuu sun kar jaa.nchane lagaa yaanii is me.n baat kitanii hai aur byaan kitanaa hai phir udaas kar degii sarsarii jhalak us kii bhuul kar ye dil us ko shaadamaan kitanaa hai [shaadamaan = happy]

nahii.n ki milane milaane kaa sil_silaa rakhanaa kisii bhii satah pe ko_ii to raabtaa rakhanaa [satah=level; raabtaa=relationship] madad kii tum se tavaqqo to Khair kyaa hogii Gariib-e-shahar-e-sitam huu.N meraa pataa rakhanaa [madad=help; tavaqqo=expectation] mare.nge aur hamaare sivaa bhii tum pe bahut ye jurm hai to phir is jurm kii sazaa rakhanaa naye safar pe ravaanaa huaa hai az-sar-e-nau jab aa_uu.Ngaa to meraa naam bhii nayaa rakhanaa [az-sar-e-nau=a fresh start] hisaar-e-shauq uThaanaa 'Zafar' zaruur magar kisii taraf se nikalane kaa raastaa rakhanaa [hisaar-e-shauq=bonds of desire]

kyaa bhalaa mujhako paraKhane ke natiijaa nikalaa zaKhm-e-dil aap kii nazaro.n se bhii geharaa nikalaa to.Dakar dekh liyaa aaiinaa-e-dil tuune terii suurat ke sivaa aur bataa kyaa nikalaa tishnagii jam gaii patthar kii tarah ho.nTo.n par Duub kar tere dariyaa me.n mai.n pyaasaa nikalaa

lab-e-Khaamosh se izhaar-e-tamannaa chaahe baat karane ko bhii tasviir kaa lahajaa chaahe tu chale saath to aahaT bhii na aaye apanii daramiyaa.N ham bhii na ho yuu.N tujhe tanhaa chaahe zaahiirii aa.Nkho.n se kyaa dekh sakegaa ko_ii apane baato.n pe bhii ham faash honaa chaahe jism-poshii ko mile chaadar-e-aflaak hame.n sar chhupaane ke liye vusa'at -e-seharaa chaahe Khvaab me.n roye to ehasaas ho sairaabii kaa ret par soye.n magar aa.Nkh me.n dariyaa chaahe bhe.NT cha.D jaauu.N na mai.n apane hii Khair-o-shar kii Khuun-e-dil zabt kare zaKhm tamaashaa chaahe zindagii aa.Nkh se ojhal ho magar Khatm na ho ek jahaa.N aur pas-e-pardaa-e-duniyaa chaahe aaj kaa din to chalo kaT hii gayaa jaise bhii kaTaa ab Khudaa-ba.nd se Khairiyat-e-fardaa chaahe aise tairaak bhii dekhe hai.n 'Muzaffar' hamane Garq hone ke liye bhii jo saharaa chaahe

maanaa ke musht-e-Khaak se ba.Dakar nahii.n huu.N mai.n lekin havaa ke raham-o-karam par nahii.n huu.N mai.n i.nsaan huu.N dha.Dakate huye dil pe haath rakh yuu.N Duubakar na dekh samu.ndar nahii.n huu.N mai.n chehare pe mal rahaa huu.N siyaahii nasiib kii aa_iinaa haath me.n hai sika.nder nahii.n huu.N mai.n Gaalib terii zamii.n me.n likkhii to hai Gazal tere kad-e-suKhan ke baraabar nahii.n huu.N mai.n

merii tasviir me.n rang aur kisii kaa to nahii.n gher le.n mujhako sab aake mai.n tamaashaa to nahii.n zindagii tujhase har ik saa.Ns pe samajhautaa karuu.N shauq jiine kaa hai mujhako magar itanaa to nahii.n ruuh ko dard milaa dard ko aa.Nkhe.n na milii tujhako mahasuus kiyaa hai tujhe dekhaa to nahii.n sochate sochate dil Duubane lagataa hai meraa zahan kii tah me.n 'Muzaffar' koii dariyaa to nahii.n

merii zindagii kisii aur kii, mere naam kaa koii aur hai mera aks hai sar-e-aaiinaa, pase aaiinaa koii aur hai merii dha.Dakano.n me.n hai chaap sii, ye judaaii bhii hai milaap sii mujhe kyaa pataa, mere dil bataa, mere saath kyaa koii aur hai na gae dino.n ko Khabar merii, na shariik-e-haal nazar terii tere des me.n, mere bhes me.n, koii aur thaa koii aur hai vo merii taraf nigaraa.N rahe, meraa dhyaan jaane kahaa.N rahe merii aa.Nkh me.n kaii suurate.n, mujhe chaahataa koii aur hai

sholaa huu.N bhadakane kii guzaarish nahii.n karataa sach muu.Nh se nikal jaataa hai koshish nahii.n karataa giratii hui diivaar kaa ham_dard huu.N lekin cha.Date hue suuraj kii parastish nahii.n karataa [parastish=worship] maathe ke pasiine kii mahak aaye to dekhe.n vo Khuun mere jism me.n gardish nahii.n karataa hamdardii-e-ahabaab se Darataa huu.N 'Muzaffar' mai.n zaKhm to rakhataa huu.N numaaish nahii.n karataa [ahabaab=dear ones, friends (plural of habiib); numaaish=display, exhibit]

zaKhm-e-tanhaa_ii me.n Khushbuu-e-hinaa kisakii thii saayaa diivaar pe meraa thaa sadaa kisakii thii uskii raftaar se lipaTii rahii merii aa.Nkhe.n us ne mu.D kar bhii na dekhaa ki vafaa kis kii thii vaqt kii tarah dabe paa.Nv ye kaun aayaa hai mai.n a.Ndheraa jise samajhaa vo qabaa kis kii thii aa.Nsuo.n se hii sahii bhar gayaa daaman meraa haath to mai.n ne uThaaye the duaa kisakii thii merii aaho.n kii zabaa.n koii samajhataa kaise zindagii itanii dukhii mere sivaa kisakii thii aag se dostii us kii thii jalaa ghar meraa dii ga_ii kis ko sazaa aur Khataa kisakii thii mai.n ne biinaa_iyaa.N bo kar bhii a.ndhere kaaTe kis ke bas me.n thii zamii.n abr-o-havaa kis kii thii chho.D dii kis liye tuu ne "Muzaffar" duniyaa justjuu sii tujhe har vaqt bataa kisakii thii

qariib maut kha.Dii hai zaraa Thahar jaao qazaa se aa.Nkh la.Dii hai zaraa Thahar jaao [qazaa=death] thakii thakii sii fazaaye.N bujhe bujhe taare ba.Dii udaas gha.Dii hai zaraa Thahar jaao nahii.n ummiid ki ham aaj kii sahar dekhe.n ye raat ham pe ka.Dii hai zaraa Thahar jaao abhii na jaao ki taaro.n kaa dil dha.Dakataa hai tamaam raat pa.Dii hai zaraa Thahar jaao phir is ke baad kabhii ham na tum ko roke.nge labo.n pe saa.Ns a.Dii hai zaraa Thahar jaao dam-e-firaaq me.n jii bhar ke tum ko dekh to luu.N ye faisale kii gha.Dii hai zaraa Thahar jaao [dam-e-firaaq=moment of separation]

is se pahale ki terii chashm-e-karam maazarat kii nigaah ban jaaye pyaar Dhal jaaye mere ashko.n me.n aarazuu ek aah ban jaaye mujh pe aa jaaye ishq kaa ilzaam aur tuu begunaah ban jaaye mai.n teraa shahar chho.D jaauu.Ngaa is se pahale ki saadagii terii lab-e-Khaamosh ko gilaa kah de terii majabuuriyaa.N na dekh sake aur dil tujhako bevafaa kah de jaane mai.n beKhudii me.n kyaa puuchhuu.N, jaane tuu beruKhii se kyaa kah de mai.n teraa shahar chho.D jaauu.Ngaa is se pahale ki tere hoTho.n se Gair hoTho.n ke jaam Takaraaye is se pahale ke zulf ke baadal ajanabii baazuyo.n pe laharaaye aur terii bebasii ke nazaare merii aa.Nkho.n pe aag barasaaye mai.n teraa shahar chho.D jaauu.Ngaa chho.D kar saahil-e-hayaat chalaa ab safiinaa meraa kahii.n Thahare zahar piinaa meraa muqaddar hai aur tere ho.nTh dil-nashii.n Thahare kis tarah tere aastaa.N pe rukuu.N jab na paa.Nv tale zamii.n Thahare mai.n teraa shahar chho.D jaauu.Ngaa mujh ko itanaa zaruur kahanaa hai vaqt-e-ruKhsat salaam se pahale

merii daastaan-e-hasarat vo sunaa sunaa ke roye mere aazamaane vaale mujhe aazamaa ke roye [daastaan-e-hasarat=tale of desire] ko_ii aisaa ahal-e-dil ho ke fasaanaa-e-muhabbat mai.n use sunaa ke rouu.N vo mujhe sunaa ke roye [ahal-e-dil=resident of the heart; fasaanaa=tale] merii aarazuu kii duniyaa dil-e-naatavaa.N kii hasarat jise kho ke shaadamaa.N the use aaj paa ke roye [naatavaa.N=weak; shaadamaa.N=happy] terii bevafaa_iyo.n par terii kaj_adaa_iyo.n par kabhii sar jhukaa ke roye kabhii muu.Nh chhupaa ke roye [bevafaa_ii=infidelity; kaj-adaa_ii=crudity/lack of gentility] jo sunaa_ii anjuman me.n shab-e-Gam kii aap_biitii ka_ii ro ke muskuraaye ka_ii muskuraa ke roye [anjuman=gathering; aap-biitii=first hand experience]

ham ko to gardish-e-haalaat pe ronaa aayaa rone vaale tujhe kis baat pe ronaa aayaa kaise mar-mar ke guzaarii hai tumhe.n kyaa maaluum raat bhar taaro.n bharii raat pe ronaa aayaa kitane betaab the rim_jhim me.n piiyenge lekin aa_ii barasaat to barasaat pe ronaa aayaa kaun rotaa hai kisii aur ke Gham kii Khaatir sab ko apanii hii kisii baat pe ronaa aayaa 'Saif' ye din to qayaamat kii tarah guzaraa hai jaane kyaa baat thii har baat pe ronaa aayaa

jab tere shahar se guzarataa huu.N dil bhii karataa hai yaad chhup ke tujhe naam letii nahii.n zubaa.N teraa ye bhii nahii.n mujhe maaluum kis mohalle me.n hai makaa.N teraa kaun sii shaaKh-e-gul pe raqsaa.N hai rashk-e-firdaus aashiyaa.N teraa jaane kin vaadiyo.n  me.n Theharaa hai Girat-e-husn kaaravaa.N teraa kis se puuchhuu.Ngaa mai.n Khabar terii kaun batalaayegaa nishaa.N teraa terii rusvaa_iiyo.n se Darataa huu.N jab tere shahar se guzarataa huu.N haal-e-dil bhii na kah sakaa garche tuu rahii muddato.n qariib mere kuchh terii azmato.n kaa Dar bhii thaa kuchh Khayaalaat the ajiib mere aaKhir kaar vo gha.dii aa_ii baar-e-dar ho gaye raqiib mere tuu mujhe chho.D ke chalii bhii ga_ii Khair qismat merii nasiib mere ab mai.n kyo.n tujh se pyaar karataa huu.N jab tere shahar se guzarataa huu.N vo zamaanaa terii muhabbat kaa ek bhuulii hu_ii kahaanii hai tere kuuche me.n umr bhar na gaye saarii duniyaa kii Khaak chhaanii hai lazzat-e-qarb ho ke zaKhm-e-firaaq jo bhii hai terii meharaba

aaj ashko.n kaa taar TuuT gayaa rishtaa-e-intazaar TuuT gayaa yuu.N vo Thukaraa ke chal diye goyaa ik khilaunaa thaa pyaar TuuT gayaa roye rah-rah kar hich_kiyaa.N lekar saaz-e-Gam baar baar TuuT gayaa [saaz = musical instrument] aap kii beruKhii kaa shikavaa kyaa dil thaa naapaa_idaar TuuT gayaa [naapaa_idaar = weak/delicate] dekh lii dil ne besabaatii-e-gul phir tilism-e-bahaar TuuT gayaa [besabaatii-e-gul = mortality/short life span of a flower] [tilism-e-bahaar = (magic)spell of spring] 'Saif' kyaa chaar din kii ranjish se itanii muddat kaa pyaar TuuT gayaa

raah aasaan ho ga_ii hogii jaan pahachaan ho ga_ii hogii phir palaT kar nigaah nahii.n aa_ii tujh pe qurabaa.N ho ga_ii hogii terii zulfo.n ko chhe.Datii thii sabaa Khud pareshaa.N ho ga_ii hogii maut se tere dard_mando.n kii mushkil aasaan ho ga_ii hogii un se bhii chhiin loge yaad apanii jin kaa imaan ho ga_ii hogii dil kii taskiin puuchhate hai.n aap haa.N merii jaan ho ga_ii hogii marane vaalo pe 'Saif' hairat kyo.n maut aasaan ho ga_ii hogii

ab aksar chup-chup se rahe hai.n yuu.N hii kabhuu lab khole hai.n pahale "Firaq" ko dekhaa hotaa ab to bahut kam bole hai.n din me.n ham ko dekhane vaalo apane apane hai.n auqaat jaao na tum in Khusk aa.Nkho.n par ham raato.n ko ro le hai.n fitarat merii ishq-o-muhabbat qismat merii tanhaa_ii kahane kii naubat hii na aa_ii ham bhii kasuu ke ho le hai.n baaG me.n vo Khvaab-aavar aalam mauj-e-sabaa ke ishaaro.n par Daalii Daalii nauras patte sahas sahaj jab Dole hai.n uf vo labo.n par mauj-e-tabassum jaise karavaTe.n le.n kau.nde.n haay vo aalam jumbish-e-mizagaa.N jab fitne par tole hai.n in raato.n ko hariim-e-naaz kaa ik aalam hoye hai nadiim khalvat me.n vo narm u.ngaliyaa.N ba.nd-e-qabaa jab khole hai.n [hariim-e-naaz=; khalvat=solitude; ba.nd-e-qabaa=buttons of the dress] Gam kaa fasaanaa sunane vaalo aaKhir-e-shab aaraam karo kal ye kahaanii phir chhe.De.nge ham bhii zaraa ab so le hai.n [aaKhir-e-shab=end of night] ham log ab to paraaye se hai.n kuchh to bataao haal-e-

Bhulaataa laakh huuN lekin baraabar yaad aate hain Ilaahii tark-e-ulfat par wo kyonkar yaad aate hain Na chhaD ae ham-nashiin kaifiat-e-sahabaa ke afsaane Sharaab-e-beKhudii ke mujh ko saaGar yaad aate hain Rahaa karate hain qaid-e-hosh men ae wai naakaamii Wo dasht-e-Khud faraamoshii ke chakkar yaad aate hain Nahiin aatii to yaad unakii mahiinon bhar nahiin aatii Magar jab yaad aate hain to aksar yaad aate hain Haqiiqat khul gaii 'Hasrat' tere tark-e-mohabbat kii Tujhe to ab wo pahale se bhii baD kar yaad aate hain

Ra'naa-ii men hissa hai jo Qabras ki pari ka        Nazzaara hai mas'hoor isi jalwa~gari ka             Raftaar-e-qiyaamat yuN'hi kya kam thi ke us par Ik turfa hai fit'na tiri naazuk~kamari ka             Poshaak men kya kya shajari naqsh haiN dil~kash Baa'is na yeh hi shauq ki hoN jaama~dari ka             La~rayb ke is husn-e-sitam~gaar ki surKHi Moojib hai mire zuh'd ki 'is'yaaN~nazari ka             Baa~wasf-e-talaash in ki KHabar kuchh bhi na paa kar Kya kahiye jo hai haal meri be~KHabari ka             Jab se yeh suna hai ke woh saakin haiN yaheeN ke 'Aalam hai 'ajab 'ishq ki aashufta~sari ka             Saath un ke jo aaye the hum Beirut se Hasrat Yeh rog nateeja hai usi hum~safari ka

Labb-e-khaamosh se  izhaar-e-tamanna chaahein Baat karne ko bhi tasveer ka lehja chaahein. tu chale saath toh aahat bhi na aaye apni darmiyaan hum bhi na hon yun tujhe tanha chaahein. zaahiri aankh se kya dekh sake ga koi apne baatin pe bhi hum faash na hona chaahein. jism poshi ko mile chaadar aflaak hamein sar chupaane ke liye was'at-e-sehra  chaahein. khwaab mein royein toh ehsaas ho sairaabi ka rait per soyein magar aankh mein darya chaahein. bhaint chadh jaawon na main apne hi khair-o-shar ki khoon-e-dil zabt kare zakhm-e-tamasha chaahein. zindagi aankh se aujhal ho magar khatam na ho ek jahaan aur pas-e-parda-e-duniyaan chaahein. aaj ka din toh chalo kat gaya jaise bhi kata ab khudawand se khairiyat-e-farda chaahein. aise tairaak bhi dekhe hain muzaffar humne gharq hone ke liye bhi jo sahaara chaahein.  

Mohabbat may yeh kya muqaam aa rahe hain ke manzil pe hain aur chale jaa rahe hain yeh keh keh ke hum ab dil ko behla rahe hain woh ab chal chuke hain, woh ab aa rahe hain. woh az khud hi naadim howe jaa rahe hain khuda jaane kya kya khayaal aa rahe hain. hamare hi dil se mazey unke poocho woh dhokey jo daansta hum kha rahe hain. jafa karne waalon ko kya ho gaya hai wafa karke bhi hum toh sharma rahe hain. woh aalam hai ab yaar-o-aghyaar kaise hameen apne dushman howe jaa rahe hain. mizaaj-e-giraami ki ho khair yaarab kayi din se woh aksar yaad aa rahe hain.  

Safar bhi door ka hai raah aashna bhi nahi chala udhar hoon ke jis simt ki hawa bhi nahi. guzar raha hoon khadam rakh ke apni aankhon per gaye dinon ki taraf mu'dh ke dekha bhi nahi. mera wajood meri zindagi ki hudd na sahi kabhi jo tai' hi na ho main woh faaslabhi nahi. fiza main phail chali meri baat ki khushbu abhi toh main ne hawaawon se kuch kaha bhi nahi. hai zindagi teri mehfil mein kis qadar arzaan rawa hai qatal bhi dastoor-e-khoon baha bhi nahi. samajh raha hoon muzaffar usey shareek-e-safar jo mere saath qadam do qadam chala bhi nahi.  

koi jeeta raha, koi marta hi raha ishq apna kaam karta hi raha. jam'a khaatir koi karta hi raha dil ka sheeraaza bikharta hi raha. ghum woh maikhaana kami jis may nahi dil woh paimaana, ke bharta hi raha. husn toh thak bhi gaya, laikin yeh ishq kaar-e-maashooqaana karta hi raha. woh mitaatey hi rahe, laikin yeh dil naqsh ban ban kar ubharta hi raha. dhadkane dil ki sabhi kuch keh gayein dil ko main khaamoosh karta hi raha. tum ne nazar phair lein toh kya howa dil may ek nashtar utar ta hi raha.  

Baraabar se bach kar guzar jaane wale yeh naale nahi be-asar jaane waale. nahi jaante kuch ke jaana kahaan hai chale jaa rahe hain magar jaane wale. mere dil ki betaabiyaan bhi le jaa dabey paawon moh phair ke jaane waale. tere ek ishaarey pe saakit khadey hain "nahi" keh ke sab se guzar jaane waale. mohabbat mein hum toh jiye hain, jiyein gey woh hon gey koi aur marjaaney waale.  

Dil ko sukoon, rooh ko aaraam aa gaya maut aa gayi ke dost ka paigham aa gaya. jab koi zikar gardish-e-ayyaam aa gaya be-iqtiyaar lab pe tera naam aa gaya. ghum mein bhi suroor, woh hungaam aa gaya shayad ke daur baada-e-gulfaam aa gaya. deewaangi ho, aql ho, umeed ho ke yaas apna wohi hai waqt pe jo kaam aa gaya. dil ke maamlaat mein naaseh! shikast kya sau baar husn per bhi yeh ilzaam aa gaya. saiyyad shaadmaan hai magar yeh toh soch le main aa gaya ke saaya teh daam aa gaya. dil ko naa pooch maureka-e-husn-o-ishq mein kya jaaniye ghareeb kahaan kaam aa gaya. yeh kya muqaam-e-ishq hai ke zaalim ke in dinon aksar tere baghair bhi aaraam aa gaya. ahbaab mujhse qata-e-taalukh karein jigar ab aaftaab-e-zeest labb-e-baam aa gaya.  

Woh jo roothien toh yun manaana chahiye Zindagi se rooth jaana chahiye Himmat-e-qaatil baddhaana chahiye Zair-e-khanjar muskuraana chahiye Zindagi hai naam jaddo-jehed ka Maut kya hai? Bhool jaana chahiye Hai inhein dhookon se dil ki zindagi Jo haseen dhoka ho khaana chahiye Lazzatein hain dushman-e-auj-e-kamaal Kulfaton se jee lagaana chahiye Un se milne ko kya kahiye jigar Khud se milne ko zamaana chahiye.  

Tu ne hi khuch bhi na kaha ho jaise Mere hi dil ki sada ho jaise Yun teri yaad se jee ghabra gaya Tu mujhe bhool gaya ho jaise Is tarha tujhse kiye hain shikwey Mujh ko apne se gila ho jaise Yun her ek naqsh pe jhukti hai jabeen Tera hi naqhs kaff-e-paa ho jaise Tere honton ki khafi larzish Ek haseen shair howa ho jaise.

Aalam na poochiye jo hamaara hai aaj kal Kashti bhanwar may door kinaara hai aaaj kal Tere hi ghum ka dil ko sahara hai aaj kal Bekaif zindagi bhi gawaara hai aaj kal Allah re inqalaab ke ek baada’ khwaar ka Do chaar aansoonwon pe guzaara hai aaj kal Yeh daur-e-mahtaab yeh rang-e-shab-e-bahaar Fitrat ne gaisoowon ko sanwaara hai aaj kal Ek baar keh ke phir yeh zabaan se na keh sakey Hum jiss ke hogaye, woh hamaara hai aaj kal Baqi raha tha zinda dilon mein bas ek shakeel Woh bhi ghum-e-firaaq ka maara hai aaj kal.  

Seeney may jalan aankhon may toofaan sa kyun hai Is shehr may her shaqs pareshaan sa kyun hai. Dil hai toh dhadakne ka bahana koi dhoondey Pathar ki tarha behis-o-bejaan sa kyun hai Tanhayi ki yeh kaunsi manzil hai rafeeqon? Tahad nazar ek bayabaan sa kyun hai Hum ne toh koi baat nikaali nahi ghum ki Woh zod pashemaan, pashemaan sa kyun hai Kya koi nayi baat aayi hai nazar hum may Aayeena hamein dekh ke hairaan sa kyun hai.  

jab bhi mila qafa mila humko Waqt kya chand sa mila humko Ghair toh reham dil nahi hote Yaar bhi kaj ada mila humko Chand rangeen tohmaton ke siwa Teri chahat may kya mila humko Hum ne yeh raah chod di thi magar Tera darbaan aa mila humko Chaara saazon ka koi jurm nahi Dard hi la dawa mila humko Saltanat mill gayi  a’dam jis shabb Ghar may ek boriya mila humko.

Aye qafeela-e-shauq mere dil se guzar ja Manzil ki tamanna liye manzil se guzar ja Perwarda-e-toofan hai toh aye mauj-e-mohabbat Saahil bhi jo aa jaye toh saahil se guzar ja Phir dekh jo ho kashmakash-e-husn ka aalam Neechi kiye nazron ko muqaabil se guzar ja Dil dhoond raha koi jaan soz tajalli Aye barq-e-nazar seena-e-bismil se guzar ja Her gosha hasti hai abhi dar khoor-e-taameer Ek baar phir ujdi howi mehfil se guzar ja.

Zinda rahein toh kya hai, jo marr jaayein hum toh kya Duniya se khamushi se guzar jaayein hum toh kya Hasti hi apni kya hai zamaane ke saamney Ek khwaab hain jahaan may, bikhar jaayein hum toh kya Ab kaun muntazar hai hamaarey liye wahaan Shaam aa gayi hai laut ke ghar jaayein hum toh kya Dil ki khalish toh saath rahe gee tamaam umr Darya-e-ghum ke paar utar jaayein hum toh kya

Dil dhadakne ka sabab yaad aaya Wo teri yaad thi ab yaad aaya Aaj mushkil tha sambhalna aye dost Tu museebat may ajab yaad aaya Din guzra tha badi mushkil se Phir tera wada-e-shab yaad aaya Haal-e-dil hum bhi sunaatey laikin Jab wo rukhsat howa tab yaad aaya Bayth kar saya-e-gul may naasir Hum buhat roye wo jab yaad aaya

Kismat hi muqaalif hai faqt ishq apni Ne yaar muqaalif hai na aghyaar muqaalif Kyun waadi-e-wehshat may na khatka rahe mujhko Her jhaad hai dushman mera her qaar muqaalif Ho sulah kul aye dil ke sabb uth jaye ladayi Kaafir na muqaalif ho na deendaar muqaalif Bargashta zamana zafar aisa howa humse Jo yaar muwafiq thay woh hain yaar muqaalif  

    Nahi parvaaz ki saiyyaad bal-o-per may jab taaqat Quffs se hum aseeron ki rihaayi garr hoyi toh kya. Pohanch sakti nahi faryaad us mehwish ke kaanon tak Falak tak aah ko mere risaayi garr hoyi toh kya.

Dil ki baat labon per laa ker ab tak hum dukh sehtey hain Hum ne suna tha is basti may dilwaale bhi rehtey hain Beet gaya saawan ka mahina mausam ne nazrein badlein Laykin in pyasi aankhon se ab tak aansoon behtey hain Ek hamein aawara kehna koi bada ilzaam nahi Dunya waale dil waalon ko aur bahut kuch kehtey hain Jinn ki khatir shehar bhi chod’ha jinn ke liye badnaam howey Aaj wohi humse begaaney begaaney se rehtey hain Woh jo abhi is rah guzar se chaak garaibaan guzra tha Uss aawara deewane ko jaalib jaalib kehtey hain.

Lagta nahin hai jee mera ujray dayar mein Kis ki bani hai aalam-e-na-payedar mein Bulbul ko passbaan se na sayyaad se gila kismat may qaid likhi thi fasl-e-bahaar mein in hasarataun se kehdo kahin aur jaa basein Itni jagah kahaan hai dil-i daaghdaar mein Ek shaaq gull pe baith ke bulbul kaante bichadetey hain dil-e-lalazaar mein Umr-i daraaz maang ke laaye they chaar din Do aarzu mein kat gaye do intezaar mein Din zindagi ke khatm ho gaye, shaam hogayi Phaylaake paawon soyein gay kanj mazaar mein Hai kitna badd naseeb Zafar dafn ke liye Do gaz zamiin bhii na milii ku-ye yaar mein

Perde may hai rashq maah mera Kyun kar na ho din siyaah mera Kya marne ke baad paawon phailaayein Hai muqbara khwaabgaah mera Is sadd sikandari ko todo Aaina hai sang-e-raah mera Bus aap may aawo tum ke shaayad Ho dil may guzaar-gaah mera Mein kashta shaheed be-dait hoon Hai shauq-e-sitam gawaah mera Dekha tu n eke rang badla Aai shaukh fasun nigaah mera Merna nahi iqtiyaar ki baat Khud gurm hai uzr-khwaa mera Aye dost haath se chala mein Qaaboo may nahi dil aah mera Aye chaaragar ab toh phainkh tabreed Hai haal bahut tabaah mera Naaseh insaaf tu hi kar yaar Dil de ne may kya gunaah mera

      Jaan se jaate hain hum aur tumhein perwaah hi nahi Ho gaye aise ke goya kabhi kuch tha hi nahi

Her ek bahaane se mujhe jalwaa dikha jaaye Her aan nayi aan se bus rubaru aa jaaye Her lehza mere saamne se hans ke chala jaaye Her waqt sharaarat se nayi aag laga jaaye Her shauq isharat se mere dil ko luta jaaye Yeh shair sada mere sunane ku padhajaaye Kya kije hamein naaz uthana nahi aata Roothe ko manate pe manana nahi aata

Ibtadaae ishq hai rota hai kya, Aage aage dekhiye hota hai kya. Qafile mein subah ke ek shor hai, Yaani ghaafil ham chale sota hai kya. Sabz hoti hi nahin yeh sar zamin, Tukhm-e-khwahish dil mein tu bota hai kya. Yeh nishaan-e-ishq hain jaate nahin, Daagh chhaati ke abas dhota hai kya. Ghairat-e-Yousaf hai yeh waqt-e-aziz, Mir isko raigaan khota hai kya.

Jise ishq ka tir kaari lage, Use zindagi kyon na bhaari lage.   Na chhore mahabbat dam-e-marg lag, Jise yaar jaani son yaari lage. Na hoe use jag mein hargiz qaraar, Jise ishq ki beqaraari lage.   Har ik waqt mujh aashq-e-paak kon, Piare teri baat piari lage. Wali kon kahe tu agar ek bachan, Raqibaan ke dil mein kataari lage.

Uskon haasil kyonke hoe jag mein faraagh-e-zindagi, Gardash-e-iflaak hai jis kon ayaag-e-zindagi. Ai azizaan sair-e-gulshan hai gul-e-daagh-e-alam, Suhbat-e-ahabaab hai maani mein baagh-e-zindagi. Lab hain tere filhaqiqat chashma-e-aab-e-hayaat, Khizr-e-khat ne us son paaya hai suraagh-e-zindagi. Jab son dekha nain nazarbhar kaakul-e-mushkin-e-yaar, Tab son jion sumble pareshaan hai dimaagh-e-zindagi.   Aasmaan meri nazar mein kuba-e-taarik hai, Gar na dekhun tujkon ai chashm-o-chiraagh-e-zindagi.   Lala-e-khunin kaffin ke haal son zaahir hua, Bastgi hai khaal son khubaan ke daagh-e-zindagi.   Kyon na howe ai Wali roshan shab-e-qadar-e-hayaat, Hai nigah-e-garam-e-gul ruan chiraagh-e-zindagi.

Yaad karna har ghari us yaar ka Hai wazifa mujh dil-e-bimaar ka. Aarzoo-e-chasma-e-kausar nahin Tishna-lab hun sharbat-e-didaar ka. Aakbat kya howega maalum nahin Dil hua hai mubtla dildaar ka. Kya kahe tarif dil, hai be nazir, Harf harf us makhzan-e-israar ka. Gar hua hai taalib-e-aazadgi, Band mat ho subba-o-zunnaar ka. Masnad-e-gul manzil-e-shabanam hui, Dekh rutba dida-e-bedaar ka. Ai Wali hona srijan par nisaar, Mudda hai chashm-e-gohar baar ka.