Raas aai tan pe apne qabaa-e-barah_nagi,
Baaqi libaas chhote hue ya bare hue.
Author : Aatish
Shah-e-be-khudi ne ita kiya mujhe ab libaas-e-barah_nagi,
Na khirad ki bakhia gari rahi, na janoo_n ki parda dari rahi.
Author : Siraj Aurangabadi
Tum jism ke khush rang libaaso_n pe ho naazaa_n,
Mai_n rooh ko muhtaaj-e-kafan dekh raha hoo_n.
Author : Sahir
Munim ke paas qaaqum-o-sinjaab tha tau kya,
Us rind ki bhi raat kati jo ke oor tha.
Author : Mir Taqi Mir
Dhaanpa kafan ne daagh-e-ayoob-e-barah_nagi,
Warna mai_n har libaas mei_n nang-e-wajood tha.
Author : Mirza Ghalib
