Har ek baat na kyon zehar si humari lage,

Har ek baat na kyon zehar si humari lage,
ki hum ko dast-e zamana se zakhm kaari lage.

Udaasiyan hon musalsal toh dil nahin rota,
kabhi kabhi ho toh ye kaifiyat bhi pyaari lage.

Bazaahir ek hi shab hai firaaq-e yaar magar,
koi guzaarne baithe toh umar saari lage.

Ilaaj iss dil-e dard-aashna ka kya kijiye,
ki teer ban ke jise harf-e ghumgusaari lage.

Humare paas bhi baitho bas itna chaahte hain,
humare saath tabiyat agar tumhari lage.

‘Faraz tere ghum ka khyaal hai warna,
ye kya zaroor woh soorat sabhi ko pyaari lage. !!

Woh dushman-e jaan, jaan se pyara bhi kabhi tha

Woh dushman-e jaan, jaan se pyara bhi kabhi tha
ab kis se kahen koi humara bhi kabhi tha.

Utra hai ragg-o-pai mein toh dil kat sa gaya hai,
ye zehar-e judaai ki gawaara bhi kabhi tha.

Har dost jahan abr-e gurezaan ki tarah hai,
ye shehar kabhi shehar humara bhi kabhi tha.

Titli ke taaqub mein koi phool sa bachcha,
aisa hi koi khwaab humara bhi kabhi tha.

Ab agle zamane ke milen log toh puchhen,
jo haal humara hai tumhara bhi kabhi tha.

Har bazm mein hum ne usey afsurda hi dekha,
kahte hain ‘faraz kabhi anjuman-aara bhi tha. !!

kaha tha kis ne tujhe abru gawanay jaa

kaha tha kis ne tujhe abru gawanay jaa
faraz aur ussay haal-e-dil sunane jaa

kal eik fakeer ne kis sadagi se mujh se kaha
teri  jabin ko bhi tarsein gay aastanay jaa

usay bhi hum ne gawa dia teri khushi ke liye
tujhe bhi dekh liya hai are zamane jaa

bohat hai doulat-e-pendar phir bhi dewanay
jo tujh se roth chuka hai usay mananay jaa

suna hai uss ne soyembar ki rasam taza ki
faraz tu  bhi muqaddar ko azmane ne jaa

Her shakh chaman ki jal rahi hai

le uda phir koi kheyal humhee

Chandni raat ko seher kahna

Chandni raat ko seher kahna
 Dostoo! yun naheen magar kahna

 Ab kahan woh bahar pohloon ki 
Gul_e_nargis ko chasham_e_tar kahna

 Bujh chuke hain mohabtoon k cheraag 
 In deyaroon ko ab khandar kahna

 Rahh main lot k bathne walo
 Ab kisi ko na hamsafar kahna

 Khud ujagar karo hunar apna
 Dusaroon ko na kam nazar kahna

 Ham ko aawargi k parde main
 Dil ki bateen edhar udhar kahna

 Zekar tera gali gali karna
 Haal apna nagar nagar kahna

 Lab_e_goya azaab_e_jaan hay"Fraz"
 Jo bhi kahna ho,soch kar kahna

Faqeeh-e-shehr ke majlis say kuch bhala na hua

Chand se mein ne kaha aye meri raaton ke rafeq

Yaad aata hai to kyun iss se gila hota hai

Aaj kyun meri rafaqat bhi geran hai tujhko

waraftgi mein dil ka chalan intaha ka tha

Yeh kya keh sab se bayan dil ki halatein karni

chalay thay yaar bade zam mein hawa ki tarah

Laga kar zakhm badan per qabahin deta hai

Apan hissa shumar karta tha,

Apan hissa shumar karta tha,
Mujhse itna woh pyar kerta tha,

Woh banata tha meri tasveerain,
Unse bataen hazaar karta tha,

Mera dukh bhi khuloos-e-niyat se,
Apna dukh he shumar karta tha,

Such samajhta tha jhoot bhi mera,
Yun mera aitbaar karta tha,

Pehle rakhta tha phool rastay main,
Phir mera intazaar karta tha,

Aaj pehlu main woh nahi Faraz!
Jo mujh pe jaan nisaar karta tha.

Har aashna mein kahaN khooy-e-mahramaana woh​

Har aashna mein kahaN khooy-e-mahramaana woh​
K be-wafaa tha magar dost tha puraanaa woh​

KahaN se layein ab aaNkhein use K rakhta tha​
AdaawatoN mein bhi andaaz mukhlisaana woh​

Jo abr tha to use tooT kar barasnaa tha​
Yeh kya K aag laga kar hua rawaanaa woh​

Pukaarte hain mah-o-saal manziloN ki tarah​
Laga hai tosan-e-hasti ko taziyaanaa woh​

Hamein bhi Gham-talabi ka nahi raha yaaraa​
Tere bhi rang nahi gardish-e-zamaana woh​

Ab apni khaahishein kya kya use rulaati haiN​
Yeh baat hum ne kahi thi magar na maana woh​

Yehi kaheiNge K bus soorat-aashnaayi thi​
Jo ahd tooT gaya! yaad kya dilaana woh​

Us ek shakl mein kya kya na sooratein dekhiN​
Nigaar tha nazar aayaa nigaar khaana woh​

‘Faraz’ khaab si ghaflat dikhaayi deti hai​
Jo log jaan-e-jahaaN the hue fasaana woh​

vahashat-e-dil silaa-e-aabalaa_paa_ii le le

vahashat-e-dil silaa-e-aabalaa_paa_ii le le
mujh se yaa rab mere lafzo.n kii kamaa_ii le le

[vahashat-e-dil = terrified heart; silaa-e-aabalaa_paa_ii = result of wandering]

aql har baar dikhaatii thii jale haath apane
dil ne har baar kahaa aag paraa_ii le le

mai.n to us subah-e-daraKhshaa.N ko tavangar jaanuu.N
jo mere shahar se kashkol-e-gadaa_ii le le

[subah-e-daraKhshaa.N = luminous dawn; tavangar = rich]
[kashkol-e-gadaa_ii = darkness in alms]

tuu Ganii hai magar itanii hai.n sharaayat merii
ye mohabbat jo hame.n raas na aa_ii le le

[Ganii = wealthy; sharaayat = conditions (plural of shart)]

apane diivaan ko galiyo.n me liye phirataa huu.N
hai ko_ii jo hunar-e-zaKhm_numaa_ii le le

pech rakhate ho bahut saaj-o-dastaar ke biich

pech rakhate ho bahut saaj-o-dastaar ke biich
mai.n ne sar girate hue dekhe hai.n baazaar ke biich

[pech = anger; saaj-o-dastaar = turban]

baaG_baano.n ko ajab ranj se takate hai.n gulaab
gul_farosh aaj bahut jamaa hai.n gul_zaar ke biich

[ranj = sorrow; gul_farosh = flower sellers]

kaj adaao.n kii inaayat hai ki ham se ushshaaq
kabhii diivaar ke piichhe kabhii diivaar ke biich

[kaj - crooked; ushshaaq = lovers]

tum ho naa_Khush to yahaa.N kaun hai Khush phir bhi 'Faraz'
log rahate hai.n isii shahar-e-dil-e-aazaar ke biich

Tere hote hue mehfil mein jalaate hain charagh

Tere hote hue mehfil mein jalaate hain charagh
Log kya saada hain sooraj ko dikhate hain charagh

Apni mehroomi k ehsas se sharminda hain
Khud nahi rakhte to auron k bujhate hain charagh

Bastiyan door ho jaati hain rafta rafta
Dam badam aankhon se bujhte chale jaate hain charagh

Kya khabar un ko k daaman bhi bharak uthte hain
Jo zamaane ki hawaaon say bachaate hain charagh

Go syaah bakht hain hum log par raoshan hai zameer
Khud andhere mein hain duniya ko dikhaate hain charagh

Bastiyan chand sitaaron ki basane waalo
Kurra e arz pe bujhte chale jaate hain charagh

Aisay be dard hue hum bhi k ab gulshan pe
Barq girti hai to zindaan main jalatey hain charagh

Aisi tareekiyan aankhon mein basi hain k Faraz
Raat to raat hum din ko jalaate hain charagh...

Faraz dil ko nigahon se ikhtelaaf raha

Faraz dil ko nigahon se ikhtelaaf raha
Wagarna shehr mein ham shakl suraten thi bohot