Mar denay ki mujhe dhamki na do

Neendon ka ahtasab hua ya nahin hua

shehad se khawab zeher si tabeer

Her qadam inko bhaj kar namay

Raat to khatam hoi subah ke tare ne kaha

iski aadat hai bhula deta hai wada kar ke

sab hanste hain ek tabassum tum de do

ab k barsat ki rut aur bhi bharkili hai

ab k barsat ki rut aur bhi bharkili hai
jism se ag nikalti hai, qaba gili hai

 

sochta hun k ab anjam-e-safar kya hoga
log bhi kanch k hain, rah bhi pathrili hai

 

shiddat-e-karb main to hansna karb hai mera
hath hi sakht hain zanjir kahan dhili hai

 

gard ankhon main sahi dag to chehre pe nahi
lafz dhundhale hain magar fikr to chamkili hai

 

ghol deta hai samaat main wo mitha lahja
kis ko malum k ye qind bhi zahrili hai

 

pahle rag-rag se meri khun nichora us ne
ab ye kahata hai k rangat hi meri pili hai

 

mujhko be-rang hi na karde kahin rang itne
sabz mausam hai, hawa surkh, fiza nili hai

 

meri parwaz kisi ko nahi bhati to na bhaye
kya karun zehan "Muzaffar" mera jibraili ha