Halaat ke qasmoon pe qalandar nahin girta

 

Garmi e hasrat e nakam se jal jate hein

 

Tumhari anjuman se uth ke dewane kahaan jatay تمہاری انجمن سے اٹھ کے دیوانے کہاں جاتے

 

Nigaahon mein khumaar aata hua mehsoos hota hai,

Nigaahon mein khumaar aata hua mehsoos hota hai,
tasawwur jaam chhalakaata hua mehsoos hota hai.

Khiraam-e-naaz aur un ka khiraam-e-naaz kya kehna,
zamana thokaren khaata hua mehsoos hota hai.

Tasawwur ek zehni justujoo ka naam hai shayad,
dil un ko dhoond kar laata hua mehsoos hota hai.

Kisi ki nuqrai paazeb ki jhankaar ke sadqe,
mujhe saara jahaan gaata hua mehsoos hota hai.

Qateel’ab dil ki dhadkan ban gayi hai chaap qadmon ki,
koi meri taraf aata hua mehsoos hota hai. !!

Ghum-e-hijr se na dil ko kabhi hum-kinaar karna,

Ghum-e-hijr se na dil ko kabhi hum-kinaar karna,
main phir aaunga palat kar mera intezaar karna.

Mujhe dar hai mere aansoo teri aankh se na jhalken,
zara soch kar samajh kar mujhe sogwaar karna.

Usey dhoond sab se pehle jo mila nahin hai tujh ko,
ye sitaare aasmaan ke kabhi phir shumaar karna.

Mere shehar ki fiza mein koi zehar bhar gaya hai,
tere husn par hai laazim usey khushgawaar karna.

Main uthaaungaa na ehsaan tere baad na-khuda ka,
mujhe tu ne hi duboya mujhe tu hi paar karna.

Mere badnaseeb saathi teri zindagi hi kya hai,
na kisi se dil lagaana na kisi se pyaar karna.

Kabhi iqtidaar bakhshe jo khuda ‘qateel tujh ko,
jo rawish hai qaatilon ki woh na ikhtiyaar karna. !!

Sham ke sanwale chehre ko nikhara jaye,

Sham ke sanwale chehre ko nikhara jaye, 
kyo'n na sagar se koi chand ubhara jaye, 

Raas aya nahi taskin ka sahil koi, 
phir mujhe pyas ke dariya may utara jaye, 

Meharaban teri nazar, teri adaye'n qatil, 
tujhko kis naam se ai dost pukara jaye, 

Mujhko dar hai tere wade pe bharosa karke, 
muft may ye dil e khush faham na mara jaye, 

Jiske dam se tere din rat darakhshan the "qateel", 
kaise ab us ke bina waqt guzara jaye.

Tuune ye phuul jo zulfoN meN sajaa rakhaa hai,

Tuune ye phuul jo zulfoN meN sajaa rakhaa hai,
ek diyaa hai jo andheroN meN jalaa rakhaa hai,
(zulf : tresses;  jalaa : lighted)

jiit le jaaye koii mujhko nasiiboN vaalaa,
zindagii ne mujhe daaNv pe lagaa rakhaa hai,
(nasiib : destiny; daaNv : at stake)

jaane kab aaye koii dil meN jhaaNkne vaalaa,
is liye maiN ne girebaan khulaa rakhaa hai,
(girebaan : collar)

imtehaaN aur mere zabt kaa tum kyaa loge,
maiN ne dhaRkan ko bhii siine meN chhupaa rakhaa hai,
( zabt : restrain; dhaRkan : heart-beat)

dil tha ek sholaa magar biit gaye din vo Qateel,
ab kuredo na ise raakh meN kyaa rakha hai.
(sholaa : ball of fire; kurednaa : to scratch or scrape; raakh : ashes)

Haath diyaa usne mere haath meiN,

Haath diyaa usne mere haath meiN,
maiN to valii ban gayaa ek raat meiN,
(valii : master)

ishq karoge to kamaaoge naam,
tuhmateN baNTtii nahiiN Khairaat meiN,
(tuhmateN : blemishes)

ishq burii shai sahii par dostoN,
daKhl na do tum merii har baat meiN,

mujh pe tajavvoh hai sab aafaat kii,
koii kashish to hai merii zaat meiN,

rabt baRhaayaa na Qateel is liye,
farq thaa donoN ke Khayaalaat meiN.
(rabt : contact, relationship

Hijr kii pahalii shaam ke saaye duur ufaq tak chhaaye the

Hijr kii pahalii shaam ke saaye duur ufaq tak chhaaye the 

ham jab us ke shahar se nikale sab raaste sanvalaaye the

jaane vo kyaa soch rahaa thaa apane dil men saarii raat 

pyaar kii baaten karate karate us ke nain bhar aaye the

mere andar chalii thii aandhii Thiik usii din patajhad kii 

jis din apane juude men usane kuchh phool sajaaye the

usane kitane pyaar se apanaa kufr diyaa nazaraane men 

ham apane iimaan kaa saudaa jis se karane aaye the

kaise jaatii mere badan se biite lamhon kii Khushbuu 

Khvaabon kii us bastii men kuchh phuul mere ham-saaye the

kaisaa pyaaraa manzar thaa jab dekh ke apane saathii ko 

ped pe baithii ik chidiyaa ne apane par phailaaye the

rukhsat ke din bhiigii aankhon us kaa vo kahanaa haae "Qateel"

tum ko laut hii jaanaa thaa to is nagarii kyuun aaye the

Zindagii men to sabhii pyaar kiyaa karate hain

Zindagii men to sabhii pyaar kiyaa karate hain 
main to mar kar bhii merii jaan tujhe chaahuuNgaa

tuu milaa hai to ye ehasaas huaa hai mujhako 
ye merii umr mohabbat ke liye thoDii hai 
ik zaraa saa Gham-e-dauraan kaa bhii haq hai jis par
main ne wo saans bhii tere liye rakh chhodii hai 
tujh pe ho jaauungaa qurabaan tujhe chaahuungaa

apane jazbaat men naghmaat rachaane ke liye 
main ne dhadakan kii tarah dil men basaayaa hai tujhe
main tasavvur bhii judaaii kaa bhalaa kaise karuuN 
main ne qismat kii lakiiron se churaayaa hai tujhe 
pyaar kaa ban ke nigehabaan tujhe chaahuungaa

terii har chaap se jalate hain Khayaalon men chiraagh
jab bhii tuu aaye jagaataa huaa jaaduu aaye 
tujhako chhuu luun to phir ae jaan-e-tamannaa mujhako
der tak apane badan se terii Khushbuu aaye 
tuu bahaaron kaa hai unawaan tujhe chaahuungaa

Ye mojazaa bhii muhabbat kabhii dikhaaye mujhe

Ye mojazaa bhii muhabbat kabhii dikhaaye mujhe

ki sang tujhape gire aur zakhm aaye mujhe

vo maharabaan hai top iqaraar kyuun nahiin karataa

vo badagumaan hai to sau baar aazamaaye mujhe

main apane paanv tale raundataa huun saaye ko

badan meraa hii sahii dopahar na bhaaye mujhe

main ghar se terii tamannaa pahan ke jab nikaluun

barahanaa shahar men koii nazar na aaye mujhe

vo meraa dost hai saare jahaan ko hai maaluum

daGaa kare vo kisii se to sharm aaye mujhe

main apanii zaat men niilaam ho rahaa huun 'Qateel'

Gham-e-hayaat se kah do Khariid laaye mujhe

Pareshaan raat saarii hai sitaaron tum to so jaao

Pareshaan raat saarii hai sitaaron tum to so jaao 
sukuut-e-marg taarii hai sitaaron tum to so jaao

hanson aur hansate-hansate Duubate jaao Khalaaon men 
hamen ye raat bhaarii hai sitaaron tum to so jaao

tumhen kyaa aaj bhii koii agar milane nahiin aayaa 
ye baazii ham ne haarii hai sitaaron tum to so jaao

kahe jaate ho ro-roke hamaaraa haal duniyaa se 
ye kaisii raazadaarii hai sitaaron tum to so jaa

hamen to aaj kii shab pau phate tak jaaganaa hogaa 
yahii qismat hamaarii hai sitaaron tum to so jaao

hamen bhii niind aa jaayegii ham bhii so hii jaayenge 
abhii kuchh beqaraarii hai sitaaron tum to so jaao

Youn lage dost teraa mujh se Khafaa ho jaanaa

Youn lage dost teraa mujhase Khafaa ho jaanaa 

jis tarah phool se Khushbuu kaa judaa ho jaanaa

ahal-e-dil se ye teraa tark-e-ta'alluq 

vaqt se pahale asiiron kaa rihaa ho jaanaa

yon agar ho to jahaan men koii kaafir na rahe 

mo'ajuzaa tere vaade kaa vafaa ho jaanaa

zindagii main bhii chaluungaa tere piichhe-piichhe

tuu mere dost kaa naqsh-e-kaf-e-paa ho jaanaa

jaane vo kaun sii kaifiyat-e-GhamKhvaarii hai 

mere piite hii "Qateel" us ko nashaa ho jaanaa

Vafaa ke shiish mahal men sajaa liyaa main ne

Vafaa ke shiish mahal men sajaa liyaa main ne 

vo ek dil jise patthar banaa liyaa main ne

ye soch kar ki na ho taak men Khushii koii 

Ghamon ki ot men Khud ko chhupaa liyaa main ne

kabhii na Khatm kiyaa main ne roshanii kaa muhaaz 

agar chiraagh bujhaa, dil jalaa liyaa main ne

kamaal ye hai ki jo dushman pe chalaanaa thaa

vo tiir apane kaleje pe khaa liyaa main ne

'Qateel' jisakii adaavat men ek pyaar bhii thaa 

us aadamii ko gale se lagaa liyaa main ne

Kiyaa hai pyaar jise hamane zindagii kii tarah,

Kiyaa hai pyaar jise hamane zindagii kii tarah,
vo aashanaa bhii milaa hamase ajanabii kii tarah ,

baDaa ke pyaas merii us ne haath chhod diyaa,
vo kar rahaa thaa muravvat bhii dillagii kii tarah ,

kise Khabar thii baDegii kuchh aur taariikii chhupegaa,
vo kisii badalii men chaandanii kii tarah ,

kabhii na sochaa thaa hamane "Qateel" us ke liye ,
karegaa ham pe sitam vo bhii har kisii kii tarah.
   

Pahale to apane dil kii razaa jaan jaaiye

Pahale to apane dil kii razaa jaan jaaiye
phir jo nigaah-e-yaar kahe maan jaaiye

pahale mizaaj-e-raahaguzar jaan jaaiye 
phir gard-e-raah jo bhii kahe maan jaaiye

kuchh kah rahii hai aap ke siine kii dhaDakane 
merii sunen to dil kaa kahaa maan jaaiye

ik dhuup sii jamii hai nigaahon ke aas paas 
ye aap hain to aap pe qurbaan jaaiye

shaayad huzuur se koii nisbat hamen bhii ho
aaNkhon men jhaank kar hamen pahachaan jaaiye

Kya ishq tha jo baaas e ruswaayi ban gaya

Kya ishq tha jo baaas e ruswaayi ban gaya
Yaaro tamaam shahr  tamaashaayi ban gaya

Bin mange mil gaye meri aankhoN ko rat jaggay
MaiN jab say aik chand ka shaidaayi ban gaya

Dekha jo uska dast-e-hinaaee qareeb se
Ehsas goonjti hooyi shahnaayi ban gaya

Barham huaa tha meri kisi baat par koyi
Woh haadsa hi wajh-e-shanasayi ban gaya

Karta raha jo roz mujhay us say bad gumaan
Woh shakhs bhi ab usska tamannayi ban gaya

Woh teri bhi to pahli muhabbat na thi Qateel
Phir kya hoowa agar koyi harjaayi ban gaya
***

Kab talak shama jali, yaad naheeN

Kab talak shama jali, yaad naheeN
Sham-e-gham kaise dhali, yaad naheeN

Is qadar yaad hai apne the sabhi
Kisne kya chaal chali, yaad naheeN

Hum zamane mein kuch aise bhatkay
Ab to unki bhi gali yaad naheen

Abr tha, jaam tha, per aap na thay
Woh ghaRi kaise tali yaad naheeN

Kat gayi umr kisi tarh  Qateel
Woh buri thee k bhali yaad naheeN
***

Pehlay To Wohi Dushman, Phir Uski Ada Dushman

Pehlay To Wohi Dushman, Phir Uski Ada Dushman
Darkar Nahi Hm Ko, Ab KOi Naya Dushman

Har Shakhs Mukhalif Tha, Jb Uss Sy Marasim Thay
Ab Uss K Bichartay He, KOi Na Raha Dushman

Tauba To Nahi Mushkil, Mushkil Hay To Bus Ye Hay
Hum Jaam Agar TOrain,Ban Jayai Ghata Dushman

Kiya Husn-e-Zan Apna Tha, Uss Shakhs K Baray Main
Js Doost Nay Samjaya , WO Hm Ko Laga Dushman

KOi B Qateel Un Ki Pehchan Na Kar Paayai
Kiya Rang Badaltay Hain, Ye Doost Numa Duhman
(Qateel Shifai)

Raqs karne kaa milaa hukm jo dariyaaoN meiN

Raqs karne kaa  milaa hukm jo  dariyaaoN meiN
Ham ne Khush hoke bhaNvar baaNdh liye paaoN meiN

Un ko bhi hai kisi bhige hue manzar ki talaash
Boond tak bo na sake jo kabhii saharaaoN meiN

Ae mere ham-safaro tum  bhii thaake-haare ho
Dhuup ki tum to milaavaT na karo chaaoN meiN

Jo bhi aataa hai bataataa hai nayaa koi ilaaj
Bat na jaaye teraa biimaar masiihaaoN meiN

Hausalaa kis meN hai Yusuf ki Kharidaari kaa
Ab to mahNgaayi ke charche haiN zuleKhaaN meiN

Jis barahman ne kaha hai k ye saal achchha hai
Us ko dafnaao mere haath ki rekhaaoN meiN

Woh khuda hai kisi tootay hue dil me hoga
MasjidoN me use dhoondho na kalissaaoN meiN

Hum ko aapas me muhabbat nahi karne dete
Ik yahi aib hai is shehr k daanaaoN meiN

Mujh se karte haiN Qateel is liye Kuch log hasad
KyuN mere sher hain maqbool haseenaaoN meiN