Dhuup hai kyaa aur saayaa kyaa hai ab maaluum huaa

Dhuup hai kyaa aur saayaa kyaa hai ab maaluum huaa
ye sab khel tamaashaa kyaa hai ab maaluum huaa

hansate phuul kaa cheharaa dekhuun aur bhar aaii aankh
apane saath ye qissaa kyaa hai ab maaluum huaa

ham barason ke baad bhii un ko ab tak bhuul na paaye
dil se un kaa rishtaa kyaa hai ab maaluum huaa

saharaa saharaa pyaase bhatake saarii umr jale
baadal kaa ik Tukadaa kyaa hai ab maaluum huaa

Mere baad kidhar jaayegii tanhaa_ii,

Mere baad kidhar jaayegii tanhaa_ii,
mai.n jo maraa to mar jaayegii tanhaa_ii ,

mai.n jab ro ro ke dariyaa ban jaa_uu.Ngaa,
us din paar utar jaayegii tanhaa_ii ,

tanhaa_ii ko ghar se ruKhsat kar to do,
socho kis ke ghar jaayegii tanhaa_ii ,

viiraanaa huu.N aabaadii se aayaa huu.N,
dekhegii to Dar jaayegii tanhaa_ii ,

yuu.N aao ki paao.n kii bhii aavaaz na ho,
shor huaa to mar jaayegii tanhaa_ii .

Majabuurii ke mausam me.n bhii jiinaa pa.Dataa hai,

Majabuurii ke mausam me.n bhii jiinaa pa.Dataa hai,
tho.Daa saa samajhautaa jaanam karanaa pa.Dataa hai ,

kabhii kabhii kuchh is had tak ba.Dh jaatii hai laachaarii,
lagataa hai ye jiivan jaise bojh ho ko_ii bhaarii,
dil kahataa hai roye.n lekin ha.Nsanaa pa.Dataa hai 

kabhii kabhii itanii dhundhalii ho jaatii hai.n tasviire.n,
pataa nahii.n chalataa qadamo.n me.n kitanii hai.n zanjiire.n,
paa.Nv ba.Ndhe hote hai.n lekin chalanaa pa.Dataa hai ,

ruuTh ke jaane vaale baadal TuuTane vaalaa taaraa,
kis ko Khabar kin lamho.n me.n ban jaaye kaun sahaaraa,
duniyaa jaisii bhii ho rishtaa rakhanaa pa.Dataa hai .

Kyaa ummiid kare ham un se jin ko vafaa maaluum nahii.n,

Kyaa ummiid kare ham un se jin ko vafaa maaluum nahii.n,
Gam denaa maaluum hai lekin Gam kii davaa maaluum nahii.n ,

jin kii galii me.n umr ga.Nvaa dii jiivan bhar hairaan rahe,
paas bhii aake paas na aaye jaan ke bhii a.njaan rahe,
kaun sii aaKhir kii thii hamane aisii Khataa maaluum nahii.n ,

ai mere paagal armaano.n jhuuThe ba.ndhan to.D bhii do,
ai merii zaKhmii ummiido.n dil kaa daaman chho.D bhii do,
tum ko abhii is nagarii me.n jiine kii sazaa maaluum nahii.n ,

Jab merii yaad sataaye to mujhe Khat likhanaa,

Jab merii yaad sataaye to mujhe Khat likhanaa,
tum ko jab niind na aaye to mujhe Khat likhanaa,

niile pe.Do.n kii ghanii chaa.Nv me.n ha.Nsataa saavan,
pyaasii dhartii me.n samaane ko tarasataa saavan,
raat bhar chhat pe lagaataar barasataa saavan,
dil me.n jab aag lagaaye to mujhe Khat likhanaa,

jab pha.Dak uThe kisii shaaKh pe pattaa ko_ii,
gud_gudaaye tumhe.n biitaa huaa lamhaa ko_ii
jab merii yaad kaa bechain safiinaa ko_ii
jii ko rah rah ke jalaaye to mujhe Khat likhanaa,

jab nigaaho.n ke liye ko_ii nazaaraa na rahe,
chaa.Nd chhip jaaye gagan par ko_ii sahaaraa na rahe,
log ho jaaye.n paraaye to mujhe Khat likhanaa,

Hameshaa hai vasl-o-judaa_ii kaa dhandhaa,

Hameshaa hai vasl-o-judaa_ii kaa dhandhaa,
buto.n kii hai ulfat Khudaa_ii kaa dhandhaa ,

agar baiThe rindo.n kii sohabat me.n zaahid,
to de.n chho.D sab paarasaa_ii kaa dhandhaa ,

[rind = one who drinks; sohabat = company]
[zaahid = preacher/religious man; paarasaa_ii = self-restraint]

jo honaa hai aaKhir vo hokar rahegaa,
kare kaun baKht_aazamaa_ii kaa dhandhaa ,

[baKht_aazamaa_ii = testing ones fate/luck]

pareshaa.N rahii umr bhar par na chho.Daa,
terii zulf ne kaj_adaa_ii kaa dhandhaa ,

[kaj_adaa_ii = crookedness (curliness)]

mubaarak ra_iiso.n ko kaar-e-riyaasat,
gadaa ko hai kaafii gadaa_ii kaa dhandhaa ,

[gadaa = beggar; gadaa_ii = begging]

nahii.n Khizr ke piichhe gar aur jhaga.De,
to hai saath ik rah_numaa_ii kaa dhandhaa ,

[rah_numaa_ii = guidance/to show the path]

Zafar is se bahatar hai naa_aashanaa_ii,
ki mushkil hai ye aashanaa_ii kaa dhandhaa .

Din ko bhii itanaa a.Ndheraa hai mere kamare me.n,

Din ko bhii itanaa a.Ndheraa hai mere kamare me.n,
saayaa aate hue Darataa hai mere kamare me.n ,

Gham thakaa haaraa musaafir hai chalaa jaayegaa,
kuchh dino.n ke liye Thaharaa hai mere kamare me.n ,

subah tak dekhana afasaanaa banaa Daalegaa,
tujh ko ek shaKhs ne dekhaa hai mere kamare me.n ,

dar_ba_dar din ko bhaTakataa hai tasavvur meraa,
haa.N magar raat ko rahataa hai mere kamare me.n ,

chor baiThaa hai kahaa.N soch rahaa huu.N mai.n Zafar
kyaa ko_ii aur bhii kamaraa hai mere kamare me.n .

Mausam ko isharo'n se bula kyu'n nahin lete,

Mausam ko isharo'n se bula kyu'n nahin lete, 
Rootha hai agar wo to mana kyu'n nahin lete, 

Deewana tumhara koi ghair nahin hai,
Machla bhi to seene se laga kyu'n nahin lete, 

Khat likh kar kabhi aur kabhi khat ko jala kar, 
Tanhayi ko rangeen bana kyu'n nahin lete, 

Tum jaag rahe ho mujh ko achha nahin lagta, 
Chupke se meri neend chura kyu'n nahin lete. 

Mile kisi se nazar tu samjho Ghazal hui

Mile kisi se nazar tu samjho Ghazal hui 
Rahe apani Khabar tu samjho Ghazal hui 

Mila ke nazron ko wo haya se phir 
Jhuka le koi nazar tu samjho Ghazal hui 

Idhar machal kar unhain pukare junoon mera 
Bharak uthe dil udhar tu samjho Ghazal hui 

Udas bistar ki silwatain jab tumhain chubhain 
Na so sako rat bhar tu samjho Ghazal hui 

Wo badguman ho tu shair soojhe na shayari 
Wo maharban ho `Zafar` tu samjho Ghazal hui 

Booye gul ke baare me'n chandni ke baare me'n

Booye gul ke baare me'n chandni ke baare me'n
Baat achchi lagti hai zindagi ke baare me'n

Us ke roop ka saagar char simt chhalka hai
Mera tabsara yeh hai roshni ke baare me'n

Aur bhi to chehre hai'n jin se dil ka rishta hai
Saari guftagu aakhir kyo'n usi ke baare me'n

Khush to ho gaye lekin dil me'n khauf bhi jaagaa
Jab bhi hamne socha hai dosti ke baare me'n

Zindagi se milte to tum pe zindagi khulti
Tum ne sirf socha hai zindagi ke baare mei'n

Ishq me'n "Zafar" sahab ho'nge karobari log
Aap aisa na soche'n har kisi ke baare me'n