faisla yeh to kar waqt-e- safar se pehlay

faisla yeh to kar waqt-e- safar se pehlay
aao gay shaam se pehlay ke sehar se pehlay

husan taqseem kya jaye kidhar se pehlay
her taraf se sada aai idhar se pehlay

tere qadmoom ke nishan hein meri chahat pe faqt
koi guzra na tha iss rah-e-guzar se pehlay

mujh per ilzam-e- wafa theek per aye waja-e-wafa
husan maloom na tha husan-e-nazar se pehlay

is ki sorat bhi to subha ki sorat hai adem
dekh li hum ne sehar waqt-e-sehar se pehlay

aya hoon sang-o-khasht ke anbar dekh kar

aya hoon sang-o-khasht ke anbar dekh kar
khuf aa raha hai saya-e-dewar dekh kar

aankhin khuli rahi hein meri intazar mein
aaye na khawb deda-e-bedar dekh kar

kya ilm tha phesalnay lagin gay mere qadam
main tu chala tha rah ko humvaar dekh kar

her koi parsai ki umda misaal tha
dil khush hua hai eik gunahgar dekh kar

yeh behissi bhi waqt-e-madad dekh li adem
katra gya hai yaar ko bhi yaar dekh kar