jo ashk palkon pe aa gaye thay sambhal dete

yehi to tum se kaha tha jana!

Ho gai un se mulaqat ghari bhar ke liye

muqaddar phir se aade aa gya na

raste ki qaid mein ghum karwan honay ko hai

raste ki qaid mein ghum karwan honay ko hai
aur musafir bhuli bisri dastaan honay ko hai

zulmat-e-shab kis liye chehron pe phir mal di hai
loog kitnay khush thay qismat meharban honay ko hai

dhoop aankhon mein utar kar roh tak jhulsa gai
hum ne to socha tha aanchal sayeban honay ko hai

jab hawaon ki suno sargoshiyan to jaan lo
ab ke kashti ka mukhalif badban honay ko hai

saz-e-dil ke tar ab to tootnay ko hein batool
dard dharti se nikal kar aasman honay ko hai