Sunaa karo meri jaaN in se un se afsaane

Sunaa karo meri jaaN in se un se afsaane 
sab ajnabii hai.n yahaaN kaun kis ko pehchaane. 

yahaaN se jald guzar jaao qaafile waalo.n 
hai.n meri pyaas ke phooNke huye ye veeraane. 

meri junoon-e-parastish se tang aa gaye log 
sunaa hai ba.nd kiye jaa rahe hai.n but-khaane. 

jahaaN se pichhale pahar koyii tashnaa-kaam uthaa 
wahii.n pe toRe hai.n yaaro.n ne aaj paimaane. 

bahaar aaye to mera salaam keh dena 
mujhe to aaj talab kar liya hai sehraa ne. 

sivaa hai huqm ki 'Kaifi' ko sang-saar karo 
maseehaa baithe hai.n chhup ke kahaaN Khudaa jaane.

Dile-naadaa.n ko sa.mbhaaluu.n to chale jaaiyega

Dile-naadaa.n ko sa.mbhaaluu.n to chale jaaiyega
ik zaraa hosh me.n aa luu.n to chale jaaiyega.

abhi raaho.n me.n a.ndhera hii a.ndhera hoga
aur a.ndhero.n me.n chhupaa koyii luteraa hoga
har taraf deep jalaa luu.n to chale jaaiyega.

jaan pehchaan, mulaaqaat huyi, khoob huaa
meri duniya me.n nayii baat huyi, khoob huaa
baat se baat banaa luu.n to chale jaaiyega.

rok luu.n aap ko dil me.n nahii.n armaa.n aise
meri duniya me.n kahaa.n aaye hai.n mehmaa.n aise
apnii duniya ko sajaa luu.n to chale jaaiyega.

Mile na phool to kaa.nto.n se dosti kar lee

Mile na phool to kaa.nto.n se dosti kar lee
kisii tarah se basar humne zindagii kar lee.

ab aage jo bhii ho anjaam dekhaa jaayega
Khuda talaash liyaa aur bandagii kar lee.

nazar milii bhii na thii aur unko dekh liyaa
zubaa.n khulii bhii na thii aur baat bhii kar lee.

wo jinko pyaar hai chaa.ndii se, ishq sone se
wahii kahe.nge kabhii humne khudkashii kar lee.

Tumhaari zulf ke saaye me.n shaam kar luu.nga

Tumhaari zulf ke saaye me.n shaam kar luu.nga
safar ik umr ka pal me.n tamaam kar luu.nga.

nazar milaayii to poochhuu.ngaa ishq ka anjaam
nazar jhukaayii to khaalii salaam kar luu.nga.

jahaane-dil pe hukuumat tumhe.n mubaarak ho
rahii shikast to wah apne naam kar luu.nga.

Ya dil kii suno duniya waalo

Ya dil kii suno duniya waalo
ya mujhko abhi chup rehne do
mai.n gham ko khushii kaise keh duu.n
jo kehte hai.n unko kehne do.

ye phool chaman me.n kaisa khilaa
maali kii nazar me.n pyaar nahii.n
ha.nste huye kya kya dekh liyaa
ab behte hai.n aa.nsoo behne do.

ik khwaab khushii ka dekhaa nahii.n
dekhaa jo kabhii to bhool gaye
maa.ngaa huaa kuchh tum de na sake
jo tumne diyaa wo sehne do.

kya dard kisii ka lega koyii
itnaa to kisii me.n dard nahii.n
behte huye aa.nsoo aur bahe.n
ab aisii tasallii rehne do.

Bahaaro mera jeevan bhii sa.nvaaro

Bahaaro mera jeevan bhii sa.nvaaro
koyii aaye kahii.n se, yuu.n pukaaro.

tumhii.n se dil ne seekhaa hai taRapnaa
tumhii.n ko dosh duu.ngii ay nazaaro.

rachaao koyii kajraa, laao gajraa
lachaktii daaliyo tum phool vaaro.

lagaao mere in haatho.n me.n meh.ndii
sajaao maa.ng meri ya sidhaaro.

na jaane kiskaa saayaa dil se guzraa
zaraa aawaaz dena, raazdaaro.

Hoke majboor mujhe usne bhulaaya hoga

Hoke majboor mujhe usne bhulaaya hoga
zehar chupke se davaa jaan ke khaaya hoga.

dil ne kuchh aise bhi afsaane sunaaye ho.nge
ashk aa.nkho.n ne piye aur na bahaaye ho.nge
ba.nd kamre me.n jo khat mere jalaaye ho.nge
eik eik harf jabii.n par ubhar aaya hoga.

usne ghabraake nazar laakh bachaayii hogi
mitke ik naqsh ne sau shakl dikhaayii hogi
mez se jab meri tasveer hataayii hogi
har taraf mujhko taRaptaa huaa paaya hoga.

chheR kii baat pe armaa.n machal aaye ho.nge
gham dikhaave kii ha.nsii me.n ubal aaye ho.nge
naam par mere jab aa.nsoo nikal aaye ho.nge
sar na kaa.ndhe se saheli ke uthaaya hoga.

zulf zid karke kisii ne jo banaayii hogi
aur bhi gham kii ghataa mukhRe pe chhaayii hogi
bijlii nazaro.n se kayi din na giraayi hogi
rang chehre par kayii roz na aayaa hoga.

Woh bhi sarahnay lagay

وہ بھی سراہنے لگے ارباب _ فن کے بعد 
داد _ سخن ملی مجھے ترک _ سخن کے بعد 
اعلان _ حق میں خطرہ _ دار و رسن تو ہے 
لیکن سوال یہ ہے کہ دار و رسن کے بعد 
دیوانہ وار چاند سے آگے نکل گئے 
ٹھہرا نہ دل کہیں بھی تیری انجمن کے بعد
انسان کی خواہشوں کوئی انتہا نہیں 
دوگز  زمیں بھی چاہیے دو گز کفن کے بعد 
غربت کی ٹھنڈی چھاؤں میں یاد آئی اس کی دھوپ 
قدر _ وطن ہوئی مجھے ترک _ وطن کے بعد 

Ab Jis Taraf Se Chahay Guzer Jaye Karwan'an *

Ab Jis Taraf Se Chahay Guzer Jaye Karwan'an
Veeranian'an Tu Sab Meray Dil Maien Uttar Gayen
Paya Bhi Unko Kho Bhi Dya Chup se Horahay
Ik Mukhtasar Si Raat Maien Sadyan Guzar Gayen