Nama bar unn se yeh kehna zara tafseer se sath

نامہ بر اُن سے یہ کہنا ذرا تفسیر کے ساتھ
اک دھڑکتی ہوئی شے ہے مری تحریر کے ساتھ

جاوداں کرب کو میرے ، اے مصور کردے
کھینچ دے درد بھی میرا ، مری تصویر کے ساتھ

ہوں اندھیرا ، ہے مرے حلقۂ آغوش میں نور
میں نہیں رکھتا عداوت کوئی تنویر کے ساتھ

ایک جھونکے کی ضرورت ہے بکھر جانے کو
بندشِ دست و ہنر ہے کوئی تعمیر کے ساتھ

دل کی تسکین کی خاطر ہے لبوں پر اے دعا
ورنہ معلوم ہے نسبت تری تاثیر کے ساتھ

دوست ، دشمن کی نہیں اُس کو ہے پہچان کوئی
کھیل اتنا نہیں اچھا کبھی شمشیر کے ساتھ

ہے غزل میری حسن ، طرزِ سخن میرا ہے
کب ہے دعویٰ کہ تقابل میں ہوئی میر کے ساتھ

Gham-e-hayat ke her imtihan se guzray

 
غمِ حیات کے ہر امتحان سے گزرے
ورق ورق کی طرح داستان سے گزرے

خیال و فکر کے کتنے نشان سے گزرے
کبھی زمیں تو کبھی آسمان سے گزرے

قرار کرکے نہ آنا تمہاری فطرت ہے
نہ جانے کتنے مگر ہم گمان سے گزرے

نظر جھکا کے وہ ہولے سے مسکرا دینا
تری ادا ہی سہی ، ہم تو جان سے گزرے

فریب کھانے کا کچھ یوں بھی شوق ہے مجھ کو
ہیں دوست میرے بھی کچھ مہربان سے گزرے

جنونِ عشق میں سجدے کا ہوش کھو بیٹھے
سفر میں بارہا یوں تو اذان سے گزرے

بنا ہے سنگِ گراں ، سنگِ راہ سے آتش
زمانے جانے کئی درمیان سے گزرے

Apni hasti ko wafa ke naam dekho kar gya ,main mar gya

                       
اپنی  ہستی  کو  وفا  کے  نام  دیکھو  کرگیا،میں  مرگیا
بے وفائی  کا  مگر  الزام  میرے  سر  گیا،  میں مرگیا

شب کی تاریکی تھی ہر سو  او ر  میں خائف  نہ  تھا،نہ فکر 
تھی
دیکھ  کر  دن  کا  اُجالا  آج  لیکن  ڈ ر گیا، میں  مرگیا

ایک ہی  پتھر  اُچھالا  تھا کسی نے بھیڑ میں ،  تقصیر  سے
تھا شناسا  سر  کا میرے  وہ مرے  ہی  سرگیا،میں مرگیا

وسعتوں میں آسماں کے اُڑنے سے مجبور ہوں،معذور ہوں
میری  آزادی کے  بدلے  میں  مر ا  شہپرگیا،میں مرگیا

ساعتوں  کا  تھا سمندر،  وقت کا گرداب  تھا،ہستی بھی تھی
زیست  کے  مدوجزر  میں  صبر کا  لنگر  گیا،میں  مرگیا

مدتوں پہلے  ہوا  تھا  رقص  اک  شیطان کا،  حیوان  کا
میری نظروں سے نہ  اب تک خونچکاں منظرگیا،میں مرگیا

نوکِ خامہ کرتی  نہ  تشنہ مری  فکرِ معاش،آتش  ؔکہ کاش
فکروفن  کا  اور  تخیل  کا  مر  ا جوہر  گیا،میں  مرگیا