ye jo hai hukm mere paas na aaye ko_ii

ye jo hai hukm mere paas na aaye ko_ii 
is liye ruuTh rahe hai.n ki manaaye ko_ii 

taak me.n hai nigah-e-shauq Khudaa Khair kare 
saamane se mere bachataa huaa jaaye ko_ii 

haal afalaaq-o-zamii.n kaa jo bataayaa bhii to kyaa 
baat vo hai jo tere dil kii baataaye ko_ii 
[afalaaq=sky] 

aapane 'Daag' ko muu.Nh bhii na lagaayaa afsos 
us ko rakhataa thaa kaleje se lagaaye ko_ii 

ho chukaa aish kaa jalasaa to mujhe Khat bhejaa 
aap kii tarah se mehamaan bulaaye ko_ii 

uzr aane me.n bhii hai aur bulaate bhii nahii.n

uzr aane me.n bhii hai aur bulaate bhii nahii.n 
baais-e-tark-e-mulaaqaat bataate bhii nahii.n 

[uzr=hesitate; bais-e-tark-e-mulaqat=basis for terminating acquaintanceship] 

Khuub pardaa hai ke chilaman se lage baiThe hai.n 
saaf chhupate bhii nahii.n saamane aate bhii nahii.n 

ho chukaa qata ta'lluq to jafaaye.n kyo.n ho.n 
jinako matalab nahii.n rahataa wo sataate bhii nahii.n 

ziist se ta.ng ho ae DaaG to jiite kyo.n ho 
jaan pyaarii bhii nahii.n jaan se jaate bhii nahii.n 

a'jab apnaa Haal hotaa jo wiSaal-e-yaar hotaa

a'jab apnaa Haal hotaa jo wiSaal-e-yaar hotaa
kabhee jaan Sadqe hotee kabhee dil nicaar hotaa!

koyee fitnah taa-qiyaamat nah phir aashkaar hotaa
tire dil peh kaash z^aalim mujhe iKhtiyaar hotaa!

jo tumhaaree t^araH tum se koyee jhooTe wa'de kartaa
tumheeN munSifee se keh do, tumheN e'tibaar hotaa

Gham-e-i'shq meN mazaa thaa jo use samajh ke khaate
yeh woh zehr hai keh aaKhir mai-e-Khushgawaar hotaa

nah mazaa hai dushmanee meN, nah hee lut^f dostee meN
koyee Ghair Ghair hotaa, koyee yaar yaar hotaa!

yeh mazaa thaa dil-lagee kaa keh baraabar aag lagtee
maj tujhe qaraar hotaa, nah mujhe qaraar hotaa

tire wa'deh par sitamgar! abhee aur Sabr karte
agar apnee zindagee kaa hameN e'tibaar hotaa

yeh woh dard-e-dil naheeN hai keh ho chaarah-saaz koyee
agar ek baar miTtaa to hazaar baar hotaa

gaYe hosh tere zaahid! jo woh chashm-e-mast dekhee
mujhe kyaa ulaT nah detee jo nah baadah-Khwaar hotaa?

mujhe maante sab aisaa keh u'doo bhee sajdah karte
dar-e-yaar Ka'bah bantaa jo miraa mazaar hotaa

tumheN naaz ho nah kyoN kar keh liyaa hai "Dagh" kaa dil
yeh raqam nah haath lagtee, nah yeh iftiKhaar hotaa!

Phir shab-e-Gham ne mujhe shakl dikhaaii kyo’nkar

Phir shab-e-Gham ne mujhe shakl dikhaaii kyo’nkar
ye balaa ghar se nikaalii huii aaii kyo’nkar

tuu ne kii Ghair se merii buraaii kyo’nkar
gar na thii dil me’n to lab par tere aaii kyo’nkar

tum dilaazaar-o-sitamgar nahii’n mai’n ne maanaa
maan jaayegii ise saarii Khudaaii kyo’nkar

aaiinaa dekh ke vo kahane lage aap hii aap
aise achchho’n kii kare koii buraaii kyo’nkar

kasarat-e-ranj-o-alam sun ke ye ilzaam milaa
itane se dil me’n hai itano’n kii samaaii kyo’nkar

daagh kal tak to duaa aap kii maqabuul na thii
aaj muu’nh maa’ngii muraad aap ne paaii kyo’nkar

Na ravaa kahiye na sazaa kahiye

Na ravaa kahiye na sazaa kahiye
kahiye kahiye mujhe buraa kahiye

dil me’n rakhane kii baat hai Gham-e-ishq
is ko hargiz na barmalaa kahiye

vi mujhe qatl kar ke kahate hai’n
maanataa hii na thaa ye kyaa kahiye

aa gaii aap ko masihaaii
marane vaalo ko marhabaa kahiye

hosh udane lage raqiibo’n ke
"Daagh" ko aur bevafaa kahiye

Rahe ga ishq tera khaak mein mila ke mujhe,

Rahe ga ishq tera khaak mein mila ke mujhe,
Ke ibtidaa mein huye ranj intihaa ke mujhe,

Diye hain hijar mein dukh dard kis balaa ke mujhe,
Shab-e-firaaq ne maara litaa litaa ke mujhe,

Baghair maut ke kis tarah koi marta hai,
Mera raqeeb bhi roya galey laga ke mujhe,

Har ik shakhss ko haasil judaa hai kefiyat,
Jafaa ke lutf tujhe hain, mazey wafaa ke,

Ghazab ki aah meri, Daagh naam hai mera,
Tamaam sheher jalaao ge kya jalaa ke mujhe..

Dil Gaya Tum Ne Liya Ham Kya Karen

Dil Gaya Tum Ne Liya Ham Kya Karen
 Janevali Chiz Ka Gam Kya Karen

Pure Honge Apne Arman Kis Tarah
 Shauq Behad Waqt Hai Kam Kya Karen

Baksh Den Pyar Ki Gustakhiyan
 Dil Hi Qabu Main Nahin, Ham Kya Karen

Tund Khu Hai Kab Sune Vo Dil Ki Bat
 Aur Bhi Baraham Ko Baraham Kya Karen

Ek Sagar Par Hai Apni Zindagi
 Rafta Rafta Is Se Bhi Kam Kya Karen

Kar Chuke Sab Apni-Apni Hikmaten
 Dam Nikalta Hai Ai Mere Hamadam Kya Karen

Dil Ne Sikha Sheva-E-Beganagi
 Aise Namuharim Ko Muharim Kya Karen

Mamala Hai Aj Husn-O-Ishq Ka
 Dekhiye Vo Kya Karen Ham Kya Karen

Kah Rahe Hain Ahal-E-Sifarish Mujhse "Dag"
 Teri Qismat Hai Buri Ham Kya Karen
 

Butan-E-Mahvash Ujri Hui Manzil Main Rahte Hain

Butan-E-Mahvash Ujri Hui Manzil Main Rahte Hain
 K Jis Ki Jan Jati Hai Usi K Dil Main Rahte Hain

Hazaron Hasraten Vo Hain K Rok Se Nahin Ruktin
 Bahot Arman Aise Hain K Dil K Dil Main Rahte Hain

Khuda Rakhe Muhabbat K Liye Abad Donon Ghar
 Main Un K Dil Main Rahta Hun Vo Mere Dil Main Rahte Hain

Zamin Par Panv Nakhvat Se Nahin Rakhte Pari-Paikar
 Ye Goya Is Makan Ki Dusari Manzil Main Rahte Hain

Koi Nam-O-Nishan Puche To Ai Qasid Bata Dena
 Takhallus "Dag" Hai Aur Ashiqon K Dil Main Rahte Hain

Ranj Ki Jab Guftaguu Honay Lagi

Ranj Ki Jab Guftaguu Honay Lagi
 Aap Se Tum Tum Se TU Honay Lagi

Chahye Paighambar Dono Taraf
 Lutf Kia Jab Du-Ba-Du Honay Lagi

Meri Ruswayi Ki Naubat Aagayi
 Unki Shohrat Qu-Ba-Qu Honay Lagi

Bay Niazi Badh Gayi Hai Is Qadar
 Aarzoo Ki Aarzoo Honay Lagi

Ab Tou Mil Kar Dekhye Kya Rang Ho
 Phir Hamari Justajuu Honay Lagi

“Daagh” Itraaye Howay Phirtay Hain Aaj
 Shaayad Unki Aabruu Honay Lagi

Falak Deta Hai Jin Ko Aish Un Ko Gham Bhi Hote Hain,

Falak Deta Hai Jin Ko Aish Un Ko Gham Bhi Hote Hain,
Jahaan Bajte Hain Naq'qaare Wahaan Maatam Bhi Hote Hain,


Gile Shikwe Kahaan Tak Hon Ge Aadhi Raat To Guzri,
Parishaan Tum Bhi Hote Ho Parishaan Ham Bhi Hote Hain,


Hamaare Aansuon Ki Aab-Daari Aur Hi Kuch Hai,
Ki Yun Hone Ko Raushan Gauhar-E-Shabnam Bhi Hote Hain


Hamaare Saath Hi Paida Hua Hai Ishq Are Naaseh,
Judaayi Kis Tarah Se Ho Judaa Ho Ham Bhi Hote Hain,


Tabiyat Ki Kazi Hargiz Mitaaye Se Nahi Mit'ti,
Kabhi Seedhe Tumhaare Gesu-E-Pur-Kham Bhi Hote Hain ...

Lutf Wo Ishq Mein Paye Hain K Jee Janta Hai

Main Aur Harf -e- Shikwa, Ghalt , Ay Sanam Ghalt

Usi Ki DaastaaneiN HaiN, Usi Ki Qissa Khwani Hai

Hidayat Nama

Aafat Ki Shokiyaan Hain Tumhari Nigaahein

وں چلئے راہِ شوق میں جیسے ہوا چلے

وں چلئے راہِ شوق میں جیسے ہوا چلے 
ہم بیٹھ بیٹھ کر جو چلےبھی تو کیا چلے

بیٹھے اُداس اُٹھے پریشان خفا چلے
پوچھے تو کوئی آپ سے کیا آئے کیا چلے

آئینگی ٹوٹ ٹوٹکر قاصد پر آفتیں
غافل اِدھر اُدھر بھی ذرا دیکھتا چلے

ہم ساتھ ہو لئے تو کہا اُس نے غیر سے
آتا ہے کون اس سے کہو یہ جُدا چلے

بالیں سے میرے آج وہ یہ کہہ کے اُٹھے گی
اس پر دوا چلے نہ کسی کی دعا چلے

موسیٰ کی طرح راہ میں پوچھی نہ راہ راست
خاموش خضر ساتھ ہمارے چلا چلے

افسانہء رقیب بھی لو بے اثر ہوا
بگڑی جو سچ کہے سے وہاں جھوٹ کیا چلے

رکھا دل و دماغ کو تو روک تھام کر
اس عمر بیوفا پہ مرا زور کیا چلے

بیٹھا ہے اعتکاف میں‌کیا داغ روزہ دار
اے کاش میکدہ کو یہ مردِ خدا چلے !!!

ذرا وصل پر ہو اشارا تمہارا

ذرا وصل پر ہو اشارا تمہارا
ابھی فیصلہ ہے ہمارا تمہارا

دین و دنیا میں کافی ہے مجھ کو
خدا کا بھروسا، سہارا تمہارا

اُن آنکھوں کی آنکھوں سے لوں میں بلائیں
میسر ہے جن کو نظارا تمہارا

محبت کے دعوے ملے خاک میں سب
وہ کہتے ہیں کیا ہے اجارا تمہارا

رُکاوٹ نہ ہوتی تو دل ایک ہوتا
تمہارا ہمارا، ہمارا تمہارا

برائی جو کی تم نے غیروں کی ہم سے
ہوا حال سب آشکارا تمہارا

نکل کر مرے گھر سے یہ جان لو تم
نہ ہوگا کسی گھر گذارا تمہارا

سُنا ہے کسی اور کو چاہتاہے
وہ دُشمن ہمارا، وہ پیارا تمہارا

کریں گے سفارش ہم اے داغ اُن سے
اگر ذکر آیا دوبارا تمہارا ...