ye bhii nahii.n biimaar na the

ye bhii nahii.n biimaar na the
itane junuu.N aasaar na the


logo.n kaa kyaa zikr kare.n
ham bhii kam ayyaar na the


ghar me.n aur bahut kuchh thaa
sirf dar-o-diivaar na the


sab par ha.Nsanaa shevaah thaa
jab tak Khud us paar na the


terii Khabar mil jaatii thii
shahar me.n jab aKhbaar na the


pahale bhii sab kuchh bikataa thaa
Khvaabo.n ke baazaar na the


maut kii baate.n pyaarii thii.n
marane ko tayyaar na the