Terii talaash me.n ham jab kabhii nikalate hai.n

Terii talaash me.n ham jab kabhii nikalate hai.n,
ik ajanabii kii tarah raaste badalate hai.n,

daraaz ho Gham-e-hijraa.N ki haasil-e-hijraa.N,
vo hausale.n hai.n jo aaGhosh-e-Gham me.n palate hai.n,

[daraaz = long; haasil-e-hijraa.N = result of separation]
[aaGhosh = embrace]

ravaa nahii.n hai Gham-e-ishq is qadar bhii Gharuur,
tere baGhair bhii duniyaa ke kaam chalate hai.n,

[ravaa = proper; Gharuur = pride]

kabhii jo had se ba.Dhii un kii yaad to samajhe,
ki un ke dil me.n bhii kuchh val-vale machal-te hai.n,

shab-e-firaaq kuchh aisii bhii tiiragii to nahii.n,
kabhii kabhii sar-e-mizgaa.N charaaGh jalate hai.n,

[shab-e-firaaq = night of separation; tiiragii = darkness]
[sar-e-mizgaa.N = on the eyelashes]

ab un ke Gham se bhii maharuum ho na jaaye.n kabhii,
vo jaanate hai.n ki is Gham se dil bahalate hai.n,

Mohabbat karanevaale kam na ho.nge,

Mohabbat karanevaale kam na ho.nge,
terii mahafil me.n lekin ham na ho.nge ,

zamaane bhar ke Gham yaa ik teraa Gham,
ye Gham hogaa to kitane Gham na ho.nge, 

dilo.n kii ulajhane.n ba.Datii rahe.ngii,
agar kuchh mashvare baaham na ho.nge, 

agar tuu ittafaaqan mil bhii jaaye,
terii furqat ke sadame.n kam na ho.nge, 

�Hafeez� un se mai.n jitanaa bad_gumaa.N huu.N,
vo mujh se is qadar barham na ho.nge. 

Kuchh is tarah se nazar se guzar gayaa koii,

Kuchh is tarah se nazar se guzar gayaa koii,
ki dil ko Gam kaa sazaavaar kar gayaa koii, 

dil-sitam-zadaa ko jaise kuchh huaa hii nahii.n,
Khud apane husn se yuu.N beKhabar gayaa koii, 

nigaah-e-shauq kii maharuumiyo.n se naavaaqif,
nigaah-e-shauq pe ilzaam dhar gayaa koii, 

ab unake husn me.n husn-e-nazar bhii shaamil hai,
kuchh aur merii nazar se sa.Nvar gayaa koii, 

kisii ke paa.Nv kii aahaT, ki dil kii dha.Dakan thii
hazaar baar uThaa suu-e-dar gayaa koii, 

nasiib-e-ahal-e-vafaa ye sukuun-e-dil to na thaa,
zaruur naalaa-e-dil be-asar gayaa koii

judaaii kaa samaa hai aaj tak apnii nigaahoN meN

judaaii kaa samaa hai aaj tak apnii nigaahoN meN,
na koii baat kii tumne, na koii baat kii hamne,
(judaaii : separation; samaa : environment)
kisii ke jalvaa haaye nau-ba-nau jab yaad aaye haiN,
to ashkoN se bujhayii hai nazroN kii tashnagii hamne,
( tashnagii : thirst)
vo kuch kahne ko the ham paa gaye, vo muskuraa uThThe,
koii to baat thii jo munh se chhiin lii hamne,
hameN maaluum hai majbuuriyoN kii intihaa kyaa hai,
ke dekhii hai nigaah-e-husn kii bechaargii hamne,
( bechaargii : desperateness)
bas ek zauq-e-nazar par naaz thaa vo bhii nahiiN baaqii,
Hafeez unke taGhaaful ko ye daulat saunp dii hamne,
(zauq : taste;  naaz : pride;  taGhaaful : neglect; saunp : gave away)

Aghaz-e-muhabbat ki baatein hain ajab baatein

Aghaz-e-muhabbat ki baatein hain ajab baatein
Tamheed-e-alam baatein, unwaan-e-tarab baatein

Kya tum ko batayein hum kyuun khoe se rehte hein
Hoti hain muhabbat mein kuch ghor-talab baatein

Ya ronaq-e-mehfil hai us jaan-e-tamanna se
Ya apne hi dil se hein ta-aakhir-e-shab baatein

Phir kaam para ham ko khamosh nigaahon se
Phir rukne lageen aa kar ta-had-e-adab baatein

Jo dil mein hai muddat se woh baat na reh jaaye
Phit Hon gee "Hafeez" un se kab jaaniyay ab baatein

Dipak Rag Hai Chahat Apni Kahe Sunayen Tumhen

Dipak Rag Hai Chahat Apni Kahe Sunayen Tumhen
Hum To Sulagte Hi Rahte Hain Kyon Sulgayen Tumhen


Tark-E-Muhabbat, Tark-E-Tamanna Kar Chukne K Bad
Ham Pe Ye Mushkil An Pari Hai Kaise Bulayen Tumhen


Sannata Jab Tanhai K Zahar Mein Bujhta Hai
Wo Ghariyan Kyon Kar Katti Hain Kaise Batayen Tumhen


Jin Baton Ne Pyar Tumhara Nafrat Mein Badla
Dar Lagta Hai Wo Baten Bhi Bhul Na Jayen Tumhena

Kahin Dekhi Hai Shayad Teri Surat Is Se Pahle Bhi

Kahin Dekhi Hai Shayad Teri Surat Is Se Pahle Bhi
K Guzri Hai Mere Dil Pe Ye Halat Is Se Pahle Bhi


Na Jane Kitne Jalwe Pesh-Rau The Tere Jalwon K
Tujhi Se Barha Ki Hai Mohabbat Is Se Pahle Bhi


Sunati Hain Koi Afsana Teri Sahmagin Nazaren
Hui Hai Mujhse Gustakhana Jurat Is Se Pahle Bhi


Meri Qismat K Main Is Daur Mein Badnam Hun Warna
Wafadari Thi Shart-E-Admiyat Is Se Pahle Bhi

Aj Unhen Kuch Is Tarah Ji Khol Kar Dekha Kiye

Aj Unhen Kuch Is Tarah Ji Khol Kar Dekha Kiye
Ek Hi Lamhe Mein Jaise Umr Bhar Dekha Kiye

Dil Agar Betab Hai Dil Ka Muqaddar Hai Yahi
Jis Qadar Thi Ham Ko Taufiq-E-Nazar Dekha Kiye

Khudfaroshana Ada Thi Meri Surat Dekhna
Apne Hi Jalwe Ba-Andaz-E-Digar Dekha Kiye

Nashanas-E-Gam Faqat Dad-E-Hunar Dete Rahe
Ham Mata-E-Gam Ko Ruswa-E-Hunar Dekha Kiye

Dekhne Ka Ab Ye Alam Hai Koi Ho Ya Na Ho
Ham Jidhar Dekha Kiye Pehron Udhar Dekha Kiye

Husn Ko Dekha Hai Main Ne Husn Ki Khatir ?Hafeez?
Warna Sab Apna Hi Mear-E-Nazar Dekha Kiyea