Rukhsat hua to baat meri maan kar gaya
jo us k pas tha woh mujhay daan kar gaya
bichhra kuch is ada se k rut hi badal gayee
aik shakhs saray shahar ko veeran kar gaya
dilchasp waqiya hay k kal aik aziz dost
apnay mafad par mujhay qurban kar gaya
kitni sudhar gayee hay judayee main zindagi
han woh jafa se mujh pe to ehsan kar gaya
khalid main baat baat pe kehta tha jis ko jaan
woh shakhs akhir mujhay bejan kar gaya