Kis Liye December Mein Yon Udas Rehta Hoon

Mujh Se Poochtey Hain Log
 Kis Liye December Mein
 Yon Udas Rehta Hoon
 Koi Dukh Chupata Hoon
 Yaa Kisi k Janey Ka
Sog Main Manata Hoon

Aap Mery Album Ka
 Safha Safha Dekhein Ge?
 Aayiee Dikhata Hoon
 Zabt Aazmata Hoon

Ajab pagal si larki hai

Ajab pagal si larki hai
mujhe har khat main likhti hai
tumhain main yaad aati hoon?
mujhe tum yaad karte ho?
meri baatain satati hai?
meri neendain jagateen hai?
meri aankhain rulaati hai?
DECEMBER ki sunehri dhoop main ab bhi par thelta ho
kisi khamosh raastey sa
koi awaz aati hai?
Tharthati sard ratoon main tum ab bhi chat par jata ho?
kitaboo se tumhare ishq main koi kami aaye?
Ya meri yaad ki shidat sa aankhon main nami aaye?
Ajab pagal si larki hai
mujhe har khat main likhti hai
Jawaban usko likhta hoon
meri masroofiat to daikho suba sa shaam office main
chiraag-e-umar jalta hai
phir uska baad
khaee majbooryan paoo main bairi daal rakhti hai
Mujhay bay-fikar, chahat se bara sapna nahi daikta
Thelnay,jagna,sonay ki mohalat hee nahi miltee
Sitaroon se mila arsa hoa..........naraz hai shayad
Kitaboo se shahgaf ab bhi qayam hai
farq itna para hai ab unha arsa main parta hoon
Tumahain kis na kaha PAGLI
tumhain main yaad karta hoon
Ke main khud ko bhulane ki justujoo main hoon
tumhari na yaad ana ki justujoo main hoon
"Magar ya justujoo meri bht nakam rehti hai
meri din raat main ab bhi tumhari shaam rehti hai
mera lafzoon ki har mala tumhara naam rehti hai
Tumhain kis ne kaha pagli
tumhain main yaad karta hoon
Porani baat hai jo aksar log gungunate hai
unhain hum yaad karta hai jinhai hum bhool jata hai
ajab pagal si larki hai
meri masrofiat to daikho
Tumhain dil sa bhulaoo to tumhari yaad na aye
tumhain dil sa bhulana ki mujhay fursat nahi milti
Aur iss masroof jeewan main
tumhara khat ka ek jumla
tumhain main yaad aati hoon?
Meri chahat ki shiddat main kami hona nahi deti
Agli baar khat main ye jumla nahi likhna
Ajab pagal si larki hai
mujhay phir bhi likhti hai
Mujhe tum yaad karte ho
tumhain main yaad aati hoon??

December Ki Thitherti Aik Shab

December Ki Thitherti Aik Shab
December ki thitherti aik shab woh merey pass ayi
Mujhay kehnay lagi k
Aaj sub kuch chor ayi hoon
Tumharay pyar main saray hi rishtay tor ayi hoon
Woh ghabrayi hui Tooti hui Bhikri hui larki
Mujhay kehnay lagi
Utho!Yahan say door chaltay hain
Bohat hi door chaltay hain
Tumharay bin kisi sooret mujhay zinda nahi rehna
Mujhay zinda nahi rehna Mujhay zinda nahi rehna
Woh zaro zaar ro di
Aur phir mujh main simath ayi
Woh apnay ansoo'on say bus yahi faryaad karti thi
Chalo jaldi karo
Iss sheher say hum bhag chaltay hain
Bohat hi door chaltay hain
Us ik saaet
Yeh mein nay baar_ha socha
K us k kahay per sar jhuka doon main
Yeh socha baar_ha Us ko bhaga kar door lay jaoon
Woh ik tooti hui larki
Woh meray pyar main mehki hui masoom si larki
Mere seenay say lag ker dair tek rooti rahi uss shab
Woh iss ehsas main gum thi
K manzil mil gayi uss ko
Mere khamosh chehray ki taraf woh dekhti
Bus dekhti jati
Us ik saet merey under kayi toofan barpa thay
Na jaanay kis tarha main nay kaha us say
K bus ab laut jao tum
Laut jao...Phir nahi ana
Khudara phir nahi ana
Meri yeh baat sun ker
Us nay bus ik bayyaqeeni say mujhay dekha
Woh lerki shidet_e_Ghem say tarap uthi
Sulag uthi
Woh darwazay ki janib aik dam lapki
Woh larki phir nahi ayi
Woh ik bikheri hui larki
Kabhi wapis nahi ayi
Bohat din baad kal dekha
Usay ik ajnabi k sath gari main
Woh larki kis qadar khush thi
Aur us ki god main piyara sa ik becha humketa tha
Woh larki kis qadar khush thi!
Bohat chaha k mein us ko bhaga ker door lay jaoon
Bohat chaha December ki thitherti raat laut aye"

DECEMBER JA RAHA HAI

DECEMBER JA RAHA HAI

Use kehna December ja raha hai!!
December kay guzarte hi,
bars aik aor maazi ki jafaun main doob jaye ga,

Use Kehna!!
December kay guzernay say zara pehle,
Muhabbat ki kahani ko koi takmeel dey jana,

Usey Kehna!!
December ka Maheena jaisay guzre ga,
Umeedain Doob jayein gi,
Wo Sapnay toot jayein gay,

Usey Kehna!!!
December kay guzarnay say zara pehley
Mohabbat ko koi tabeer day jaye,

Usey Kehna!!
Mukadar ko hamaray doob janay say bacha lena,

Usey Kehna!!
Decemebr Ja raha hai!!!

! December ....ab bhi Tera muntazir Hay .!

! December ....ab bhi Tera muntazir Hay .!

woh Lamhay............
Soch Ki Dahleez Pay Tehray Hoy hain !

December K mahenay main
Hazaroon Saal Pahlay Jab

Teray Waday K Honatoon Ne
meri Ankhoon Say Behtee Zindagi K Hanth Choomay Thay !

meri Bayrang Batoon K Kinaray
Tum Nay Kwabon K
Sahary or Ashkon K Sitaray Rakh Diye Thay !

aur .......
Hawa Ko apni Chahat Ki
Hifazat Kaa Ishara Kar Diya Thaa !

Hawa Ki Khunkiyon main ab Bhi Teri naram batain
aahatoon Kaa Jaal Buntee Hian !

Sama'at ....ab Bhee Teray
Qahqahon Kaa Shoor Sunti Hay !

Khayal ab Tak Tumhari Ungliyon Say
meray Dil K Surkh Ansoo Pochta Hay!

Nigahain Baraf K Phelay
chamaktay Kenwas Par Jaa-Bajaa
Teri Rifaqat Ki Zarorat Paint Karti Hay !

Tehtartay Paniyon K Tan Pay Bikhri Dhoop
Tera Bagair rooti Hay
Kahan Hota Hay Too.......
Muhabat Ki Sulagtei rahguzar K Kinaray Pay

December ....
ab Bhe Tera muntazir Hay !!

Yeh jaatay baras ke aakhri lamhay

Yeh jaatay baras ke aakhri lamhay
Guzarti saa'atoo ke dhundelkay
Aur
Palkoon pe yadoo ke sitaaray
Pal bhar ko yun laga jaisay
Unhi yaadon unhi kahaaneyoon ke beech
Wakt tham sa gaya ho jaisay
Woh jo chiraag jala thaa roshni ke liye
Madham hogaya ho jaisay
Aur jo dariya muhabbatoon ka tha
Ab utar gaya ho jaisay
Aakhri shaam ka doobta suraj
Kuch keh raha ho jaisay
Un chaahatoon ka suraj bhi
Doob raha ho jaisay


Magar ab dil mein yaadoon ke siwa
Aur aankh mein aanso'oon ke siwa
Aur bacha hi kya hai
Jo ab aakhri saa'atoon ke naam karoon
Woh sab chaahatain aur sab muhabbatain
Aur un muhabbatoon ki saari shiddattain
Sab kuch tu ussi ke naam kar diya thaa


Haan, magar ab tak yaad hai
Us wakt bhi suraj yunhi doob raha thaa
Aur... woh bhi
December ki aakhri sard shaam thee
Jab us ne dheeray se kaha thaa
"Naya Saal Mubarak"... !!!

Chalo khatam hoi ajj se dastaan-e-mohabbat

Chalo khatam hoi ajj se dastaan-e-mohabbat
Ab hum tareekh-e-wafa main tera naam kanda karte hain
Chalo ajj se hum chahat k zanda'n main muqeed huye
Teri yaad k sehra main dard-e-maazi ki wa'eed huye
Chalo ab kitaab-e-zeest se auraq-e-wafa palat'te hain
K ab hum "wafa" ko jafa likhainge , saza likhainge
K ab hum apni bheegi january ki shuru'aat
Tere bakhse hue azaab-e-tanhai se kerte hain
Chalo ab teri mohabbat ki umar qaid muqaddar hoi
k hum ko wafa nibhane ki saza to milni thi
Chalo ab hum apne haathon ki lakeero'n se
Tera aks-e-jaa'n mita dainge
Qalb-e-jaa'n main saji tasveer-e-mohabbat !
Shab ki tanhai main chupke se hata dainge
Is per bhi sehar koi gham nahi hota
K hum ko zamane main teri ruwai manzoor nahi
Shayad isi liye yeh lehja gham nahi hota
Magar jab faseel-e-jaa'n se saans ukharti hai to
Aise main hum aseer-e-mohabbat !
Phir se ahed-e-wafa dohrane lagte hain
Itne zakhm kha kar bhi , nishtar jaan ko teri ankhon ka
Surmai samandar yaad ata hai
Aise main hum dair tak mazar-e-mohabbat per
Noha giri kerte hain , aahain bharte hain
Aise main yaad-e-maazi ki har yaad
Nakhl-e-yada'n se mehev hojati hai
Aise main bas december ki
Siskiyan leti hoi sard tareek yaad ka
Alvidai manzar yaad ata hai
Aise main humain tu bhi nahi teri chahat bhi nahi
Bas woh moabbat ka aakhri december yad ata hai !

Haan bas woh aakhri december ......!!!

*** UDAS DECEMBER KI HASEEN YAADEIN ***

Mujh Se Poochtey Hain Log
Kis Liye December Mein
Yun Udas Rehta Hoon
Koi Dukh Chupata Hoon
Yaa Kisi k Janey Ka
Sog Main Manata Hoon

Aap Mery Album Ka
Safha Safha Dekhein Ge?
Aayiee Dikhata Hoon
Zabt Aazmata Hoon

Sardion k Mausam Mein
Garam Garam Coffee k
Chotay Chotay Sip Ley Kar
Koi Mujh Se Kehta Tha
Haye Iss December Mein
Kis Bala Ki Sardi Hay
Kitna Thanda Mausam Hay
Kitni Yakh Hawayein Hain
Aap b Ajab Shay Hain
Itni Sakht Sardi Mein
Ho k Itney Bey Parwah
Jeans Aur T-Shirt Mein
Kis Mazey Se Phirtey Hain

Shaal b Mujhay Dey Di
Coat b Oorrha Dala
Phir b Kaanpti Hoon Main
Chaliye Ab Sharafat Se
Pehan Lijiye Sweater
Aap k Liye Main Ne
Bun Liya Tha Do Din Mein

Kitna Maan Tha Uss Ko
Meri, Apni Chahat Par
Ab b Har December Mein
Uss Ki Yaad Aati Hay

Garam Garam Coffee k
Chotay Chotay Sip Ley Kar
Haath Gaal Par Rakhey
Hairat Aur TaAjjub Se
Mujh Ko Dekhti Rehti
Aur Muskura Deti

Shokh-o-Sard Lehjay Mein
Mujh Se Phir Vo Kehti Thi
Itney Sard Mausam Mein
Aadhi Sleeves Ki T-Shirt
Iss Qadar Na Itrayein
Seedhay Seedhay Ghar Jayein

Ab Ki Baar Jab Aayein
Brown Trouser K Sath
Black High Neck Pehnein
Coat Koi Dhang Ka Ley Lein
Warna Main Qasam Se Phir
Aisy Rooth Jaon Gi
Dhoondtey Hi Rahiye Ga
Samney Na Aaon Gi

Pass Baithey Abbu k
Politics Par Kijiye Garam Garam Discussion
Coffee Ley Kar Kamrey Mein
Main To Phir Na Aaon Gi
Khali Khali Nazron Se Aap In Khalaon Mein
Yunhi Taktey Rahiye Ga
Aur Bey Khayali Par Daantt Khatey Rahiye Ga

Kitni Mukhtalif Thi Vo
Sab Se Munfarid Thi Vo
Apni Aik Lagzish Se
Main Ne Kho Diya Uss Ko
Ab b Har December Mein
Uss Ki Yaad Aati Hay...!!!

mujhey tum bohat yaad aaye.....................!

Iss baar december main mujhey tum bohat yaad aaye
shaam dhaliy tamanna key sarak par taheelty howe
kheza key sokhey pato par chalty howe bareshe main
bhegtey howe,heejre key gum seheety howe,aamawas
ki raat kaatey howe sarde ki dhoop sengtey howe
share aakely parhty aur samjhty howe raat der tuk jagty
howe,chand aur chandani ko taktey howe, khamoshe
sey ansoon bahaty howe,aakely december banatey howe,
mujhey tum bohat yaad aaye.....................!

December ki sard ratoon mein,

December ki sard ratoon mein,
kuch lamhoon mein kuch Baatoon mein,

Koi mere sath tha,
Jisnay kaha tha Nibhaonga sath,

Aj mein us say bohat Door aachuka hon,
Mein wo Waqt ganwa chuka hon,

Per jab uski Yaad aati hai,
Neend bohat door chali jati hai,

Meri Taanhaiyoon ko haseen banati hai,
Ab aesey hi Zindagi bitaengey,

TanHa December ki thandi khanak raat main

TanHa December ki thandi khanak raat main
Bohhat door jati hai apni nazar

Sitaron k uss par woh rahguzar
Jahan hum nay paya tha ik hamsafar
Bohhat bay kali thi,tha lamba safar
Jahan kitni sadiyan thien bas ik pehar

Nazar ko jo palta ar dekha idhar
Wohi sard raatain jo thein muntazir

Main apnay hi kamray main bethi hoon ab
Na woh kahkishan hai na woh hamsafar
Bas apnay hi jaisay hain kuch chara gar
Mera dard.e.dil aur wafa bay samar

Meray dil ki dunya gae hai ujarh
Tumharay bina hai yeh khali dagar

Yeh kaisa december hai ay hamsafar
Na dunya k gham na hi apni fikar
Bhool jata ho jaisay koi apna hi ghar
Aa ja k tujh bin hai soona nagar

Hai sab kuch yahan,nahi kuch b magar
Goya apnay hi jaisa hai sara shehar

Teri yadon ki rawani or ye december

Teri yadon ki rawani or ye december
Meri batein , teri kahani or ye december
Mera hath tera sath , lambi sarak or ye
December
Gum sum shaamain , sunehri raatain or ye
December
Bheigy din , madham suraj , halky badal or ye
December
Behti nadiya , gaatay panchi , urti dhund or ye
December
Tanha me , tanha chand , mera kamra or yeh
December
Meri ankhein , mere aansu , meri neend , tere khawab or ye
December

Ek baar to milne chaly aao December jany wala hy

Ek baar to milne chaly aao December jany wala hy
Kesa guzra hy ye sal batao December jany wala hy

Khush ho jao k milne ka saal aa raha hy phir
Wasi youn na ansu bahao December jany wala hy

Shahid ab k baras bhi wo Loat kar na aye
Tanhaiyo k abi chor k na jao December jany wala hy

Ye kia k raat din uski yaad mein doobay rehna
Na Gham ki barish me nahao December jany wala hy

Ay mere Dukhon k sathiyo khush ho jao
Apny apny Gharon ko sajao December jany wala hy

Kia pata phir DECEMBER aye na aye Jan-e-Wasi
Meri mano ab tm loat ao December jany wala hy

Koi jazba adhoora reh geya hai,

 

Koi jazba adhoora reh geya hai,
December aansu’on mein beh geya hai,

Yeh dil khamosh ho kar reh geya hai,
Najane aaj woh kya keh geya hai,

Yeh aannkhain hain hamari kitni gehri,
Samundar mein samundar beh geya hai,

Tumhare sath wabasta tha sab kuch,
Siwaye yaad ke kya reh geya hai,

Palat kar dekhne per hum ne jana,
Dil-e-nadaan kya kya seh geya hai,

Bohat bheerr hai bazaron mein lekin,
Tera Arshad akela reh geya hai..

* December Yaad Aata Hy *

* December Yaad Aata Hy *
Hawa Ka Sard Jhonka Jab Mujhy
Chhoo K Guzarta Hy
Meri Socho’N K Darpan Men
December Ki Chatakhti Dhuup
Ek Chehra Banati Hy
Thithertey Sard Mausam Mein
Saba Jab Gungunati Hy
Hawa Seeti Bajati Hy,
Rag’Go’N Mein Sar-Sarati Hy
Tou Yun Lagta Hy,
College Ki Canteen Mein Bethi
Wo Phir Se Muskurati Ho,
Meri Coffee Ki Piyaali Se
Dhuwe’N K Garam Badal Ne
Koi Surat Banai Ho
Koi Khushbuu Ki Suurat Baat,
Nihaan Thi Jo Mere Dil Mein
Meri Aankho’N Se Parh Ker
Wo Zara Sa Muskurai Ho
Bas Ek Wo Khwaab Sa Lamha
Hy Rakht-E-Zindigani Jo,
December Ki Khunk Raato’N Mein
Aksar Yaad Aata Hy
Nahi Bhuula Jisey Ab Tak
Wo Manzar Yaad Aata Hy
* December Yaad Aata Hy *

December laut aaya hai

December laut aaya hai
 tumhaaray laut aanay ki.
 na'ee ummeed jaagi hai

abhi pichhlay baras tum nay
 meiray seenay pay sar rakh kar..
 haya say munh chhupaaya tha..

Magar aprail aanay tak..
 Tumhaari jheel aankhoon main..
 Naya sapna samaaya tha..

Miray chhotay say aangan main...
 Tumhain veh'shat si hoti thi..
 Mujhay tum nay bataaya tha..

"Kisi ki qaid main rehna...
 Mujhay acha naheen lagta..
 Main ik aazaad panchhi hoon"

Suna hai phir say tanha ho..
 Setambar k maheenay say..
 Bohat khaamosh rehti ho..

K jis ko tum nay chaaha tha..
 Wafa k naam se us ko..
 Bohat veh'shat si hoti thi..

"Wo ik aazaad panchhi tha..
 Kisi ki qaid main rehna..
 Usay acha na lagta tha..."

Suna hai mairay aangan ki..
 Tumhain ab yaad aati hai...
 Suna hai tum pa'shaymaan ho...

Chalo phir aisa kartay hain..
 December ka maheena hai...
 Naya aaghaaz kartay hain...

December laut aaya hai...
 Suno ab laut aao tum....
 

Aakhree chand din december key

Aakhree chand din december key
 hur baras hi giraan guzartay hain
 khahishoon kay nigaarkhanay mein
 kaisay kaisay gumaan guzartay hain
 raftagaan kay bikhartay saalon ki
 aik mehfil si dil may sujti hai
 phone ki diary key safhoon say
 kitnay number pukartay hain mujhay
 jin say murboot benawa ghantee
 ab faqut meray dil may bujtee hai
 kis qadar pyaray pyaray naamoon per
 raingtee budnuma lakeerain see
 meri aankhoon main phail jaatee hain
 doorian daairay banati hain
 hur december kay aakhree din mein
 hur baras ki tarha say ab kay bhi
 diary ik sawal kerti hay
 kiya khaber is baras kay aakhir main
 meray in bechirag safhoon say
 kitnay hi naam kut gaiy ho gain
 hur december mein sochta hoon main
 aik din is tarha bhi hona hai
 rang ko roshni mein khona hai
 

Yeh kesa Alwidai geet gaaya december ne

Yeh kesa Alwidai geet gaaya december ne
 jatey jatey nargissi mausam ko rulaya
 khain pe lalazar banya
 gulab motia chambeli se
 tulip ki larioon se goond ke
 pyar ke rangoon se sainch ke
 parioon si khawishoon ke jhoormat
main
hamrieen laboon pe
 duaaon ke alwidi kalmaat
 tum hamesh raho mere saat
 marmareen hatehlioon pe naii
 umeedoon ke roshan chiragh
 sadioon se chand ke devi
 kaat rahi hai charqha
 narm narm galoon se
 prem ki dhank se dhunak rahi hai
 hur ane wali subha ko
 Rub ne dia hai sub ko ye hi pegham
 ajj jati december ki sham
 insaanyat ke naam
 mohabbat azaadi shanti amaan hai
sub ki jaan
 nafratoon ko kar do tammam
 choti se hasti hai ye
 pyar se basti hai
 hamesha se hai
 hamesha rahingain
 Main or Nelaa Asmman
 

Dekh December !

Dekh December !
 Ab mat ana
Dekh December !
 Mere andar kitnay sehra phail chukay hain
Tanhai ki rait ne mere
Saaray dariya paat diye hain
Ab main hoon
 Aur mere banjhar pan ki bojhal ta hai
Dekh December !
 Teri baraf shabo'n main
Teri bekhuwab shabo'n main
Khuwab sweater kon bunay ga
Rooh k andar girti barfain kon chunay ga
Dekh december !
 Apnay dukh ki baraf pehen kar
Dhoop Diyaro'n tak mat jana
Mere piyaro'n tak mat jana
Dekh december
Ab mat ana
Ab mat ana ...!

Tuj say judai ka dukh

Tuj say judai ka dukh
Tere hijer ka karb
Dekh ! phir say aa gai hain
December key sard ratain
Uzab ratein
Tere kbrb main dobi
Khowbanak ratain
Teri wo pur noor ratain
Tujhey kiya khuber
December key sard ratoon main
Tere sung beeti sardion key
Khosgawar khobsurut shamoon ko yaad kertha hoon
Is mohoom si tamana kay sahray
Teri talash mae
Sarkoon per awara phirth hoon
Aatay jatay chehroon main tujhey kohja kerta hoon
Shayad kaywo tum ho
Aur thuk haar ker jo lautta hoon
To khud per khoub hastha hoon
Phir !
 Phoot phoot ker roota hoon