khawab lamhee mein hai dil essa giriftar ab tak

khawab lamhee mein hai dil essa girftar ab tak
dil mein larzan hai tera shola-e-rukhsar ab tak

bhed kuch aur her eik bhed ke pechay thay chupay
hum pe yeh khul paye kahaan ishq ke israr ab tak

aankhein pathra gaein .....darwaze pe rakhe rakhe
kya yeh dunya hai....teri rah ki dewar ab tak

umar bhar sahty rahe jin ke sitam,ya wahshat
hum inhi hein rahe kaise tarafdar ab tak

 kis sahulat se issay hum ne bhula dala tha
chubtat hein roh mein per,yaadon ke woh khar ab tak

apni iqdar ko.... jo dil se laga kar rakhein
hein zamane mein...kai  loog wazadar ab tak

tab nazargi essi thi kahaan,kherat-e-ishq
kaise dekha tha essay,dil hai gunnahgar ab tak

Khamosh kyun rahee...koi mehshar bapa kare

خاموش کیوں رہے ۔۔۔۔۔ کوئی محشر بپا کرے
"مرنے کے حال سے کوئی کب تک جیا کرے"

پردیس میں، دکھوں کا ہے رد بلا ہے یہی
بس جا کے میری ماں سے یہ کہنا دعا کرے

کب تک کٹے گی عمر ، اسی امتحان میں
ایسا بھی کیا ، وہ مجھ کو پرکھتا رہا کرے

لو درد_آگہی کی۔۔۔۔ بڑھائو کہ عشق میں
وہ روشنی ہو۔۔۔۔۔۔ دل کو جو غار حرا کرے

کوئی اتارے چاندنی۔۔۔۔۔۔ آنگن میں رات کو 
 پھولوں سے  کوئی تو مرا دامن بھرا کرے

زلفوں سے کھیلے آ کے یا دامن کو چھیڑ دے
جو اس کے جی میں آئے، سو موج ہوا کرے

Kab tak yeh pal ginein gay tere intazar ke

 کب تک یہ پل گنیں گے ترے انتظار کے
    موسم گزر نہ جائیں ترے اعتبار کے

    یہ رنج و غم، یہ درد بھی دولت سے کم نہیں
    احسان لیجئیے نہ کسی غمگسار کے

    دشت جنوں سے اٹھیں گے کیسے مرے قدم
    موسم ٹہر گئے ہیں یہیں انتظار کے

    پھر شہر آرزو کا، کہاں گم ہوا سراغ
    رستے بچھڑ گئے ہیں کہاں کوئے یار کے

    رگ رگ میں ہے جو آتش سیال موجزن
    ہر اک نفس میں چبھتے ہیں کانٹے شرار کے

    دیکھیں ذرا کہ موج بلا لے گئی کہاں
    نشے میں ہیں حضور ابھی اقتدار کے

    یہ کس مقام پر ہمیں لا کر ہے رکھ دیا
   ہم جبر کے رہے نہ رہے اختیار کے

   نے ہے، نہ یہ عزیز تھی پہلے کبھی ہمیں
   رکھی ہے جان صدقے میں تیرے اتار کے

   اک پل میں، اک جہاں سے تجھے بے خبر کرے
   دیکھے کہاں ہیں معجزے تم نے وہ پیار کے

Nigah-o-dil ki tawazu ho,deed ki jaye

نگاہ و دل کی تواضع ہو، دید کی جائے
وہ سامنے نظر آئیں تو عید کی جائے

ہماری ناک رہے اونچی رشتہ داروں میں
سو خود کو بیچ کے بکری خرید کی جائے

نیا لباس نہیں۔۔۔۔۔۔۔۔۔۔عید تو منانی ہے
پرانے کپڑوں کی قطع و برید کی جائے

جدید شعرا مرے شعر کو نہیں سمجھے
ہے سوچا، شاعری اب کے جدید کی جائے

خدایا بھیج پڑوسی کے گھر سے ران ہمیں
 پکا کے دال نہ اب بقر عید کی جائے

محبتوں میں زبردستی چل نہیں سکتی
چلو سجن سے بھی گفت و شنید کی جائے

اسے منانے کی کوشش نے ہے تھکا ڈالا
مگر یہ دل، جو کہے ہے، مزید کی جائے

Kar de ga munkashif jo zamane pe mera fun

کر دے گا منکشف جو زمانے پہ میرا فن
وہ ہے درون ذات، ابھی ہے حجاب میں

آمادہ ہو رہے ہیں بغاوت پہ بھر غریب
نسلیں مٹا دو ان کی چلو سد باب میں

وہ خشک پھول بھولنے دیتا نہیں تجھے
رکھا ہے آج تک جو چھپا کر کتاب میں

پانی کا اور چاند کا ہے رابطہ عجیب
ساحل پہ آ کے دیکھ شب ماہتاب میں

وہ جلوہ گر ہوا تھا عجب طمطراْق سے
کہنا تھا جو، میں بھول گئی اضطراب میں

ہر اک غزل تھی نام ترے، وائے مصلحت
کیا جانے کس کا نام لکھا انتساب میں

رنگت ہے اس کے چہرے کی ایسی، سنا تو ہے
میدہ ملا دیا ہے کسی نے شہاب میں

گہری وہ چشم ناز کہ ساگر بھی ہو خجل
وہ نور ہے کہ آگ لگے آفتاب میں

بجھتی ہے، پر کہاں ہے بجھی پیاس وصل کی
تشنہ لبی ہے لکھی محبت کے باب میں

دل کو لگن ہے اس کی، میسر نہیں ہے جو
وہ بات ہی کہاں ہے بھلا دستیاب میں

کیوں زعم ۔ زندگی میں بھلا مبتلا ہیں آپ
ہستی کی دیکھیئے تو حقیقت حباب میں

پلکوں پہ لرزاں اشکوں سے، منظر عجب ہوا
 اک عکس ہے کہ کانپ رہا ہے شراب میں 

اب اس سے بڑھ کے مرتبہ درکار ہے کسے
رطب للساں ہوں شان۔ شہہ بو تراب میں

Teri yaadon se shabistan ko saja dety hein

    تیری یادوں سے شبستاں کو سجا دیتے ہیں
    یوں بھی تنہائی میں ہم خود کو سزا دیتے ہیں

    رنج و غم، درد و الم، حد سے سوا دیتے ہیں
    دیکھئے ، ان کی رضا ، تا بہ کجا دیتے ہیں

    وقت بہتا ہوا دریا ہے ، سو ، جاتے جاتے
    یہ شب و روز مری عمر گھٹا دیتے ہیں

    اک عجب لطف ہے رکھا ہوا جانکاہی میں
    جاں گدازی ہو ، تو پھر اشک مزا دیتے ہیں

    میرے منصف ہیں عجب، کوئی گواہی نہ ثبوت
    جرم سرزد نہ ہو جو، اس کی سزا دیتے ہیں

    تیرے ان نین کٹوروں کو، ہنر کیسا ملا
    ان میں جو ڈوبے ، اسے پار لگا دیتے ہیں

    جن کو زخموں کی حنا بندی ہے ورثے میں ملی
    سر کو ، نیزے پہ ، بصد ناز ۔۔۔۔۔۔سجا دیتے ہیں

    دل پہ چھائی جو سیاہی شب ہجراں کی، کبھی
    دیپ اشکوں کے، سر ۔ مژگاں جلا دیتے ہیں

    تم نے کیا ایک نظر پیار کی ڈالی ہم پر ؟
    ہم تمہیں بدلے میں لو، ارض و سما دیتے ہیں


    ٹھان لی دل میں، کہ ہم اپنا بنائیں گے تجھے
    ہم ، کہ سرسوں کو، ہتھیلی پہ جما دیتے ہیں

    جز و کل کا جنہیں ایقان ہوا کرتا ہے
    ایک قطرے میں سمندر کو دکھا دیتے ہیں

    ہم تری آنکھ میں اک موجہ ۔ حیرت دیکھیں
    اس تحیر کے لیے ، خود کو مٹا دیتے ہیں

    کس کی آواز کی رم جھم ہے سماعت میں مری
    زمزمے کیسے ہیں۔۔۔ جو حشر اٹھا دیتے ہیں

    دل کے جلنے کی یہ تاثیر کہاں تک پہنچی
    اشک گرتے ہیں تو دامن کو جلا دیتے ہیں

    جال بنتی ہے کچھ اس طرح ترے لمس کی آنچ
    صید بنتے ہیں ترے ، تجھ کو دعا دیتے ہیں
    

Watan ki mehki hoi hawain

وطن کی مہکی ہوئی ہوائیں، میں ان ہوائوں کو کیسے بھولوں
وہ کچے آنگن، کھلی فضائیں، میں ان فضائوں کو کیسے بھولوں

وہ ضبط غم میں چھلکتے آنسو، فضا میں دست دعا تھے اٹھے
ہیں ساتھ میرے وہی دعائیں، میں ان دعائوں کو کیسے بھولوں

وہ راحت جاں محبتیں تھیں، وہ تھامے دامن رفاقتیں تھیں۔۔۔۔
جو دے رہی تھیں مجھے صدائیں، میں ان صدائوں کو کیسے بھولوں

ہے دوری ایسی مگر لہو میں گلاب مہکے ہیں چاہتوں کے
میرے لئے وہ تری وفائیں، میں ان وفائوں کو کیسے بھولوں

محبتوں کے حسین لمحے ۔۔۔۔۔۔۔۔۔۔ وہ بے ضرر سی مری خطائیں
وہ شوخ و چنچل تری سزائیں، میں ان سزائوں کو کیسے بھولوں

Tha qalam kis ne kia dast-edua .....yaad nahin

تھا قلم کس نے کیا دست دعا۔۔۔۔۔۔ یاد نہیں

سانحہ تھا کوئی محشر تھا بپا۔۔۔۔۔ یاد نہیں

 

کب سے چلتی ہوں میں یوں آبلہ پا یاد نہیں

"جانے کس جرم کی پائی ہے سزا یاد نہیں"

 

لیئے جاتی ہے کہاں ہم کو۔۔۔ بقا کی خواہش

زعم دنیا ?۔۔۔۔۔۔۔۔۔ یہ ہے بس دار فنا، یاد نہیں

 

آ کے بیٹھے تھے جہاں کر کے وضو زم زم سے

کیا میرے دل کی تمہیں غار حرا یاد نہیں

 

ابھی اُس لمحہء سرشار کے نشے میں ہوں

میں نے کیا تم سے کہا، تم سے سنا یاد نہیں

 

دور تھا جب تو بہت اپنا سمجھتے تھے اسے

کب قریب آکے۔۔۔۔۔۔ وہ تھا ہم پہ کھلا، یاد نہیں

 

رنج و غم میں۔۔۔۔۔۔ ترا بس نام لئے جاتی ہوں

اور بھی  ہے کوئی کیا رد بلا ?۔۔۔۔۔۔۔۔۔ یاد نہیں

 

پیاس میں یاد فرات آئی نہیں ۔۔۔۔۔۔۔۔ کیا تم کو

وہ مصیبت کی گھڑی ، کرب و بلا یاد نہیں 

 

ہجر میں۔۔۔۔۔۔۔ دیر تلک اشکوں کو تھامے رکھا

کب کیا ہم نے ۔۔۔۔۔۔سمندر کو رہا۔۔۔۔۔ یاد نہیں

Zalim ko apna rahnuma kar chuke hein hum

ظالم کو ۔۔۔۔۔۔۔۔۔۔ اپنا راہ نما کر چکے ہیں ہم
کرنا تھا جتنا اس سے سوا کر چکے ہیں ہم

ہم کو سدھارنی ہے۔۔۔۔۔۔۔۔ نئی نسل کے لئے
اب تک جو ظلم سہہ کے، خطا کر چکے ہیں ہم

جس کے صلے میں پائیں ۔۔۔۔۔نئی صبح کی نوید
بولو۔۔۔۔۔۔۔۔۔۔۔۔ ادا وہ رسم_ وفا کر چکے ہیں ہم ?

خود داری و انا کے ہیں تیور ۔۔۔۔۔۔۔۔۔۔۔ کچھ اور اب
کب تک ? ۔۔۔۔۔۔۔ دراز دست دعا کر چکے ہیں ہم

ایسا نہ ہو ڈبو دے تجھے ۔۔۔۔۔۔۔ کوئی موج اشک
دیکھو، ۔۔۔۔۔۔۔۔ سمندروں کو رہا کر چکے ہیں ہم

لفظوں کے تیر سہتے رہے ہیں۔۔۔۔۔۔۔۔ تمام عمر
اس زہر کو ہی۔۔۔۔۔۔۔۔۔۔ آب_ بقا کر چکے ہیں ہم

قدغن یہ سانس لینے پہ، کب تک رہے گی، بول
دے دے رہائی۔۔۔۔۔۔۔۔۔۔ پوری سزا کر چکے ہیں ہم

اس جسم میں۔۔۔۔۔۔ جو روح کی مانند تھا، اسے
آساں نہ تھا، ۔۔۔۔۔۔ پہ خود سے جدا کر چکے ہیں

ہر اک نفس میں۔۔۔۔۔۔۔۔ تیرے فسوں کا جمال ہے
اس کن فکاں کو۔۔۔۔۔۔۔۔ قبلہ نما کر چکے ہیں ہم

اب راہ اپنی۔۔۔۔۔۔۔۔۔۔۔۔۔ راہ_ وفا کر چکے ہیں ہم
مرضی تری کو۔۔۔۔۔۔ صبر و رضا کر چکے ہیں ہم

اس خاک پر بزرگوں نے۔۔۔۔۔۔۔۔۔ سجدے ادا کئیے
خاک_ وطن کو ۔۔۔۔۔۔خاک شفا کر چکے ہیں ہم

tere kochay mein dil jo haar aaya

tere kochay mein dil jo haar aaya
dil figaar aaya ,beqarar aaya

phir kahaan is bhanwar se nikla dil
jab tere ishq ka madaar aaya

bekhudi mein bekhud ko pehchana
hosh essa dam khumaar aaya

woh zamanae to kab ke khawab hoye
jab woh kahty thay tumne pyar aaya

main kahon jaan hai nisar tere
woh kahay mujh ko atebaar aaya

mousam aaye kai pe mousam-e-hijar
jab bhi aaya so be shumaar aaya

ishq ka yeh hunar bhi kya kaam hai
dekh to gham pe kya nikhar aaya

nakh-e-jaan per dukhon ke phool bohat
per samar eik dard yaad aaya

bekali,beqarari,bechani
dil ko yeh khub sazgaar aaya

iss pe reham-o-karam  ki chai gata
jo tere dar pe sharaam sar aaya

Hai yaad ab tak nazar maiN jugnoo, laboN maiN rangeeN gulaab rakhna

Hai yaad ab tak nazar maiN jugnoo, laboN maiN rangeeN gulaab rakhna
Mehektey phooloN, shafaq key rangoN key apni palkoN maiN khawab rakhna


JunooN ko kerna raheene minnat, nafas nafas ko sharaar ker key 
Lahoo maiN aatish samaitey rehna, ragoN maiN behti shraab rakhna


wisaal,e janaaN key arghawaani sey rang Bharna fishaar,e khooN maiN
Suroor.e Sehbaa saa jism o jaaN maiN, khumaar saa be,hisaab rakhna


Kisi sey izhaar.e haal ker key khood apni juraat pe rehna hairaN
Woh mo,jizoN per yaqeen laana, woh walwaloN per shabaab rakhna


Woh raag deepak sey soz laina, saraapa kaif.e malhaar rehna
Woh jism o jaaN ko sarod karna, woh tan badan ko rubaab rakhna 

Kis qadar mohabbat sey

Kis qadar mohabbat sey
Kis qadar riyazat sey
MaiN ney apney bachoN ko
Pore pore seencha hai
Kitni aarzoo,oN sey
Nannhi ungliyaN thamey
un ko chalna sikhlaya
Shaoq sey tamanna sey
Baal o per diye unn ko
Inn khuli fizaooN maiN
Unn ko uRna sikhlaya
Iss zameen sey laiker
Door aasmanoN takk
Unn ko dastaras di hai
Aaj ghar ki chokhaT per
Ikk diya jalaey hooey
Janey muntazir hooN kyooN
Unn key louT aaney ki !!!!

Woh kehta hai

Woh kehta hai 
ke uss ko ishq hai 
mujh say....
agar yeh ishq hai 
tau kiyooN bhala 
hota hai iss tarah
zara si ikk Ghalat fehmi say
kiyooN uss kay rawayyay maiN
ajab ikk ajnabiyat si
ajab begaangi si 
jaisay darr aaye
zara say iKhtalaaf e raaey per
unn mehrbaaN aankhoN maiN 
kaisi sard mehri si uttar aaye
ke jo nass nass maiN mairi
jaisay koi barf si bhar day
zara si dair maiN goya 
woh mujh ko be-amaaN ker day 
Agar yeh ishq hai 
tau kiyooN bhala 
hota hai iss tarah ????