Meray haathon se lag kar phool mitti ho rahay hain

 

Meray haathon se lag kar phool mitti ho rahay hain
Meri aankhon se darya dekhna sehra lagay ga

Explanation:

This couplet expresses deep emotional pain and inner brokenness. The poet feels that something within him has been damaged so profoundly that whatever he touches loses its beauty and life—flowers turning into dust symbolize this sense of personal ruin and guilt.

In the second line, the poet suggests that his sorrow has changed his perception of the world. Even something as vast and life-giving as a river appears like a desert through his eyes. This reflects emotional numbness, despair, and the loss of hope, where abundance feels like emptiness and beauty feels meaningless.

Overall, the couplet portrays how inner grief and emotional trauma can distort reality, making the world appear barren and lifeless, regardless of its actual richness.

Chalo ab essa karty hein sitare bant lety hein

 

tumhari yaad ke jab zakham bharnay lagty hein

tumhari yaad ke jab zakham bharnay lagty hein
kesi bahanay tumhee yaad karnay lagty hein

hadees-e-yaar ke unwan nikharnay lagty hein
to her tehreem mein  gesu sawarnay lagty hein

her ajnabi humhee mehram dekhai deta hai
jo ab bhi teri gali se guzarnay lagty hein

saba se karty hein gurbat naseeb zikar-e-watan
to chashm-e-subah mein aanso ubharnay lagty hein

woh jab bhi karty hein is natiq-o-lab ki bakhya giri
fiza mein aur bhi naghmay bikharnay lagty hein

dar-e-qafas pe andheray ki mohar lagti hai
to faiz dil mein sitaray utarnay lagty hein

Faiz Ahmed Faiz,

uth kar to aa gaye hein

kab tak dil kii Khair manaayen, kab tak raah dikhaaoge
 kab tak chain kii mohalat doge, kab tak yaad na aaoge

biitaa diid ummiid kaa mausam, Khaak uratii hai aaNkhon mein
 kab bhejoge dard kaa baadal, kab barkhaa barasaaoge

ahad-e-vafaa aur tark-e-muhabbat jo chaaho so aap karo
 apane bas kii baat hii kyaa hai, hamase kyaa manavaaoge

kisane vasl kaa suuraj dekhaa, kis par hijr kii raat Dhalii
 gesuon vaale kaun the, kyaa the, un ko kyaa jatalaaoge

'Faiz' dilon ke bhaag mein hai ghar basanaa bhii luT jaanaa bhii
 tum us husn ke lutf-o-karam par kitane din itaraaoge

Teen Manzar

Hum Parwarish-E-Loh-O-Qalam Karte Rahenge

Qarz nigah-e-yaar ada kar chuke hein hum

ab vahii harf-e-junuu.N sab kii zubaa.N Thaharii hai

ab vahii harf-e-junuu.N sab kii zubaa.N Thaharii hai
jo bhii chal nikalii hai vo baat kahaa.N Thaharii hai

[harf=syllable/letter; junuu.N=madness]

aaj tak shaiKh ke ikaraam me.n jo shay thii haraam
ab vahii dushman-e-dii.n raahat-e-jaa.N Thaharii hai

[shaiKh=preacher; ikaraam=code/prestige]
[dushman-e-dii.n=foe of faith/religion; raahat-e-jaa.N=joy of life]

hai Khabar garm ke phirataa hai gurezaa.N naaseh
guftaguu aaj sar-e-kuu-e-butaa.N Thaharii hai

[gurezaa.N=perverse mood; guftaguu=conversation]
[sar-e-kuu-e-butaa.N=in the lane of love (one's beloved)]
hai vahii aariz-e-lailaa vahii shiirian kaa dahan
nigaah-e-shauq gha.Dii bhar ko yahaa.N Thaharii hai

[aariz=cheek; dahan=mouth/lips]

vasl kii shab thii to kis darjaa subak guzarii hai
hijr kii shab hai to kyaa saKht garaa.N guzarii hai

[vasl=union; darjaa=grade; subak=delicate]
[hijr=separation; shab=night; garaa.N=heavy]

bikharii ek baar to haath aa_ii kab mauj-e-shamiim
dil se nikalii hai to kab lab pe fuGaa.N Thaharii hai

[shamiim=fragrant breeze; fuGaa.N=cry of pain]

dast-e-sayyaad bhii aajiz hai kaf-e-gulchii.n bhii
buu-e-gul Thaharii na bul-bul kii zabaa.N Thaharii hai

[dast=hand; sayyaad=hunter; aajiz=helpless]
[kaf=palm; gulchii.n=florist; buu-e-gul=flower's fragrance]

aate aate yuu.N hii dam bhar ko rukii hogii bahaar
jaate jaate yuu.N hii pal bhar ko Khizaa.N Thaharii hai

[Khizaa.N=autumn]

ham ne jo tarz-e-fuGaa.N kii hai qafas me.n ijaad
"Faiz" gulashan me.n vo tarz-e-bayaa.N Thaharii hai

[tarz=style; qafas=cage/prison; ijaad=invented/developed]
[tarz-e-bayaa.N=style/mode of speech]

aaye kuchh abr kuchh sharaab aaye

aaye kuchh abr kuchh sharaab aaye
us ke baad aaye jo azaab aaye
[azaab=trouble, difficulty]

baam-e-miinaa se maahataab utare
dast-e-saaqii me.n aaftaab aaye

har rag-e-Khuu.N me.n phir charaaGaa.N ho
saamane phir wo benaqaab aaye

umr ke har waraq pe dil ko nazar
terii meher-o-wafaa ke baab aaye

kar rahaa thaa Gam-e-jahaa.N kaa hisaab
aaj tum yaad behisaab aaye

na gaii tere Gam kii saradaarii
dil me.n yuu.n roz inqalaab aaye

jal uThe bazm-e-Gair ke dar-o-baam
jab bhii ham Khaanamaa.N_Kharaab aaye

is tarah apanii Khamashii guu.Njii
goyaa har simt se jawaab aaye

'Faiz' thii raah sar basar ma.nzil
ham jahaa.N pahu.Nche kaamayaab aaye