jis teray koi bhi din raat na janay meray

jis teray koi bhi din raat na janay meray 
tu kahaN hai magr Ah dost puranay meray

tu bhi khushboo hai magr mera tujusus bekar
burg-e-awara ki maninth dikhAnay meray

shumA ki lau thi kay wo tu tha magr hijr ki raat 
dair tuk rotA raha koi sirhanay meray

khalq ki beKhabaree hai keH meree ruswa'ee
looq mujh ko hi sunatay hein fusanay meray

lut keh bhi khush hooN keh ashkooN se bhara hai daaman
dekh gharat gare dil yeh bhi khazane mere

Aaj ik aur burS beeth gya oos kay beghair 
jis kay hotay hooay hotay thay zamanay meray

kaash tu bhi meri awaaz sunta ho
phir pukara hai tujhe dil ki saada ne mere

kaash tu bhi kabhi aajaye masiha'ee ko
loog aate hein bohat dil ko dukhane mere

kaashi aurooN ki turhaaN mein bhi keH sukta
baat soon li hai meri, aaj khuda ne mere

to hai kis haal mein aih zood-faramosh mere
mujh ko tu cheen lya aihed-e wafa ne mere

chara-gr yooN tu bohut heiN magr aeh jaan-e-faraz
juz teray aur koi zaghum na janay meray

zakhm ko phul to sar sar ko saba kahte hain

zakhm ko phul to sar sar ko saba kahte hain 
jane kya daur hai kya log hain kya kahte hain 

kya qayamat hai ke jin ke liye ruk ruk ke chale 
ab vahi log hamain abalapa kahte hain 

koi batalao ke ik umr ka bichara mahabub 
ittefaqan kahin mil jaye to kya kahte hain 

ye bhi andaz-e-sukhan hai ke jafa ko teri 
gamza-o-ishva-o-andaz-o-ada kahte hain 

jab talak dur hai tu teri parastish kar lain 
ham jise chu na sakain us ko khuda kahte hain 

kya tajjub hai ke ham ahl-e-tamanna ko 'Faraz' 
wo jo maharum-e-tamanna hain bura kahte hain

Us Zakham ko bharne me bohat dair lagti hai.

Hum ko aata hi nahin

Is Zakham k Bharne main Bohat Dair lagti hein

Tum Bin Meri Zaat Adhuri

Tum Bin Meri Zaat Adhuri

Jesy Koi Baat Adhuri

Hijr K Sare Din Hen Poorey..

Lekin Hy Hr Raat Adhuri..

Lafzon Ki Gehrai Mey Jhanko

Samjho Na Hr Baat Adhuri

Num Aankhen Or Sookhi Palken

Hoti Hy Barsat Adhuri

Mujh Se Mujh Ko Cheen Geya Saqi

Reh Gai Meri Zaat Adhuri?

Ye haqeeqat hai ki hotaa hai asar baatoN maiN

Ye haqeeqat hai ki hotaa hai asar baatoN maiN
Tum bhii khul jaaoge do-chaar mulaaqaatoN maiN


Tum se sadiyoN kii wafaaoN kaa koii naataa na thaa
Tum se milane kii lakeereN thii mere haathoN maiN


Tere waadoN ne hameN ghar se nikalane na diyaa
Log mausam kaa mazaa le gaye barasaatoN maiN


Ab na suuraj na sitaare na shamaaN na chaand
Apne zakhmoN kaa ujaalaa hai ghanii raatoN maiN
 

Bara kathan hai raasta jo aa sako to sath do

Bara kathan hai raasta jo aa sako to sath do
Ye zindagi bhar ka sath hai nibha sako to sath do

Jo tum kaho dil to kya main jaan bhe fida kar don
Jo main kahon bus aik nazar luta sako to sath do

Hazar hain imtehan yahan hazar aazmaishain
Hazar dukh hazar ghum utha sako to sath do

Ye zindagi yahan khushiyan ghamo k sath sath rehti hai
Rula sako to sath do, Hansa sako to sath do
 

tumhaarii yaad ke jab zaKhm bharane lagate hai.n

tumhaarii yaad ke jab zaKhm bharane lagate hai.n
kisii bahaane tumhe.n yaad karane lagate hai.n



hadiis-e-yaar ke unavaa.N nikharane lagate hai.n
to har hariim me.n gesuu sa.Nvarane lagate hai.n [hariim - house]    har ajanabii hame.n maharam dikhaa_ii detaa hai
jo ab bhii terii galii galii se guzarane lagate hai.n [maharam=acquaintance]   sabaa se karate hai.n Gurbat-nasiib zikr-e-vatan
to chashm-e-subah me.n aa.Nsuu ubharane lagate hai.n [Gurbat-nasiib=those in exile; chashm=eye]   vo jab bhii karate hai.n is nutq-o-lab kii baKhiyaagarii
fazaa me.n aur bhii naGme.n bikharane lagate hai.n [nutq-o-lab=speech and lips]   dar-e-qafas pe a.Ndhere kii muhar lagatii hai
to "Faiz" dil me.n sitaare utarane lagate hai.n [dar-e-qafas=door of the prison]

Shayd wo bhi koi harf-e-wafa dhoond raha tha

Ghum Sum howa aawaz ka darya tha wo ik shakhs
Pathar bhi naheen ab wo sitara tha jo ik shakhs

Shayd wo bhi koi harf-e-wafa dhoond raha tha
Chehroon ko baray ghor se parta the wo ik shaks

Sehra kee tarah dair se piyasa tha wo shayd
Badal kee tarah toot key barsa tha wo ik shakhs

Ay taiz hawa koi khabar us key janoon kee!
Tanha safr-e-shouq pe nikla tha jo ik shakhs

Ab akhree sitroon main kaheen naam hai us ka
Ahbaba kee feh-rist main pehla tha jo ik shakhs

Hathoon main chhupay hoay phirta hai kai zakham
Sheeshay key khilonon se behilta tha jo ik shakhs

Mur mur key isay dekhna chahain meri akhain
Kuchh door mujay chhornay aaya tha jo ik shakhs

Har zehn main kuchh naqsh-e-wafa chhor ghia hai
Kehnay ko bharay shehr main tanha tha jo ik shakhs
Munkar hai wohee ab meri pehchan ka MOHSIN

Aksar mujay khat khoon se likhta tha jo ik shakhs

duniyaa ke sitam yaad na apnee hee vafaa yaad

duniyaa ke sitam yaad na apnee hee wafaa yaad
ab mujhako nahin kuchh bhee muhabbat ke sivaa yaad

chhorhaa thaa jise pahale-pahal teree nazar ne
ab tak hai vo ik naghm-e-be-saaz-o-sadaa yaad

jab koee hanseen hota hai sargarm-e-navaazish
uss waqt vo kuchh aour bhee aate hain sivaa yaad

kyaa janiye kyaa ho gayaa arbaab-e-junoon ko
marne kee adaa yaad na jeene kee adaa yaad

muddhat huee ik hadas-e-ishq ko lekin
ab tak hai tere dil ke dharhakne kee sadaayaad

haan-haan tujhe kyaa kaam,mere shiddhate- gham se
haan-haan nahin,mujhko tere daaman kee hawaa yaad

main tark-e-rah-o-rasm-e-junoon kar hee chukaa thaa
kyon aa gayi aise mein teree larzish-e-paa yaad

kyaa lutf ki main apnaa pataa aap bataauon
keeje koee bhoolee huee khaas apnee khataa yaad

aap ko bhool jaayeN hum itnin to bewafa nahin

 aap ko bhool jaayeN hum itnin to bewafa nahin
     aapse kya gila kareN aapese koi gila nahin

     sisha-e-dil ko toDna unka to ek khel hai
     humse hi bhool ho gayee unko koi khata nahin

     kaash wo apne gham muJhe de deN to kuch sukooN mile
     wo kitna bad-naseeb hain gam hee jise mila nahin

     juRm hai gar wafa to kya, kyoon kar wafa ko choD doon
     kehte haiN is gunaaH kee hoti koi saJa nahiN

shola ho bhaDakne ki guzaarish nahin karta

shola ho bhaDakne ki guzaarish nahin karta
     sach muuh se nikal jaata hai koshish nahin karta


     girti huyee diwaar ka humdard hooN lekin
     chaDhte huye sooraj ki parasthish nahin karta


     maathe ke paseene ki mahak aaye na jaisi
     wo khoon mere jisM meiN gardish nahin karta
   
     humdard ye ehbaab se darta hoon 'Muzaffar'
     main zakhm to rakhta hoon numaish nahin karta

jinko duniyaN kee nigaaHoN se chupaaye rakha

jinko duniyaN kee nigaaHoN se chupaaye rakha
     jinko ik umR kaleje se lagaaye rakha
     din jinko, jinHe eemaan banaaye rakha
     tune duniyaN kee nigaaHoN se jo bachkar likhe
     salha-saal mere naam baraabar likhe
     kabhi din meiN to kabhi raat meiN uThkar likhe
     pyaar meiN dooBe huye khat maiN jalaata kaise
     tere haathoN ke likhe khat maiN jalaata kaise
     tere khat aaj maiN ganga meiN baha aaya hooN
     aag jalte huye paaNi meiN laga aaya hooN.

abse hum tabah ho gaye

abse hum tabah ho gaye
     tum jahan-panah ho gaye


     husn par nikhaar aa gaya
     aayine se aah ho gaye


     aandhiyoN ki kuch khata nahiN
     hum hi dard-e-raah ho gaye


     dushmanoN ko chitthiyaN likho
     dosth khair-baah ho gaye

dil mujh say teraa haaye sitamgar nahi milta

dil mujh say teraa haaye sitamgar nahi milta
mar jaoon gala kaat kay khanjar nahi milta

do din bhi kisi say woh barabar nahi milta
yeh aur qiyamat hai k mil kar nahi milta

ya tark-e-mulaqaat ki kho ho gayi in ko
ya yeh hai k mujh say koi behtar nahi milta

ay kash hum ab thokrain kha kar he sambhalte
sar militay hain is koochy mein pathar nahi milta

zahid ne udaaye tou sifaat malkooti
hazrat ka firshton say abhi par nahi milta

inkaar say umeed hai, iqraar say hai yaas
jab wada kya phir woh muqarrar nahi milta

kya puchhte ho bazm mein kya dhoundh rahay ho
lo saaf bata dun dil-e-muztar nahi milta

tasweer tou paida hai musawir nahi paida
ainaa tou milta hai sikander nahi milta

har aablay mein khaar hai har zakhm mein
milnay say meri jaan koi kiyon kar nahi milta

kiyon kar nah marain mout pe bemaar muhabbat
aisa yeh maza hai k mukarrar nahi milta

kya eid kay din bhi ramzan hai k jo saqi
mujh ko nahi milta koi saghar nahi milta

mehfil mein tari eid kay din mairay galay say
woh kon sa fitnah hai jo uth kar nahi milta

parwanay ka bhi waqt hai bulbul ka bhi mousam
marta hon jo mashooq gharri bhar nahi milta

ya rab marey ashqon say na taseer juda ho
is qaafley say koi bicher kar nahi milta

har waqt parhay jatay hain kiyon daagh kay ashaar
kya tum ko koi aur sukhan war nahi milta

jis makaa.n ke saamne guzra wahaa.n zakhmi hua

jis makaa.n ke saamne guzra wahaa.n zakhmi hua
maalumaat-e-zindagi ke waaste ye bhi hua

pairahan ko taar kar haasil na kucchh ilmi hua
sirf tanhai mili kucchh faaydaa ye bhi hua

dil ke tukade is tarah se kooche kooche par gire
dhoondhane ka dard honaa chaak pe bhaari hua

dar rahe the raaz-e-giriya khul na jaaye khalq pe
raaz dil mein hi rahaa charchaa magar phir bhi hua

bekhayaali mei.n na jaane ek pal kya keh diya
log kehte hai.n ki wo insaan tha vahshi hua

Apne Hathon Se Chiraghon Ko Bujane Lag Jaen

Apne Hathon Se Chiraghon Ko Bujane Lag Jaen
Tum To Kehte Ho K Hum Tikane Lag Jaen


Os Ko Sochein To Rag-E-Jan Se Bhi Nazdeek Hy Wo
Aor Dhondein To Kae Zamane Lag Jaen


Hum Iss Aas Pe Bethay Hyn Shikisht-E-Khayal
Ain Mumkin Hy K Wo Ehd Nabhane Lag Jaen


Mana K Zakhim Judai Ka Buhat Gehra Hay
Aor Aisa Bhi Nahin Hy K Hum Dikhane Lag Jaen

Tere Paas Aane Ko Jee Chahta Hai

Tere Paas Aane Ko Jee Chahta Hai
Naye Zakhm Khaanay Ko Jee Chahta Hai

Ider Aaye Shayed Woh Moj-E-Tarannum
Ghazal Gungunane Ko Jee Chahta Hai

Zamana Mera Aazmaya Hua Hai
Tujhe Aazmane Ko Jee Chahta Hai

Wohi Baat Reh Reh K Yaad Aa Rahi Hai
Jise Bhool Jane Ko Jee Chahta Hai

Laboun Per Mere Khelta Hai Tabassum
Jab Aansoo Bahane Ko Jee Chahta Hai

Kayi Martuba Dil Pe Bijli Giri Hai
Magar Muskurane Ko Jee Chahta Hai

Rukh-E-Zindagi Se Nikab Ulat Ker
Hakeekat Dikhane Ko Jee Chahta Hai.

Mujh Se Milne Ko Woh Karta Thaa Bahane Kitne

Mujh Se Milne Ko Woh Karta Thaa Bahane Kitne
Ab Guzare Ga Mere Saath Zamane Kitne

Main Giri Thi To Buhut Log Ruke Thay Lekin
Sochti Houn Mujhe Aaye Thay Uthaane Kitne

Jis Tarah Main Ne Tujhe Apna Bana Rakha Hai
Sochte Hongey Yehi Baat Na Jaane Kitne

Tum Naya Zakhm Lagao Tumhein Is Se Kya Hai
Bharne Wale Hain Abhee Zakhm Purane Kitne…