Main khud zameen mera zarf aasmaan ka hai

Main khud zameen mera zarf aasmaan ka hai
Ke toot kar bhi mera hosla chittan ka hai,

Bura na maan meray Hurf-o-Lafz zehar sahi,
Main kia karoon ke yehi zaiqa zubaan ka hai,

Meri sanjeedgi mash'hoor hai zamanay mein,
Meri khamoshi bhi pehlu meray baaan ka hai,

Har aik ghar pe musallat hai dil ki veerani,
Tamaam shehr pe saaya meray makaan ka hai,

Bichar ke us say main sirf is ly nhi bikharta,
Wo keh gaya tha yehi waqt Imtehaan ka hai...

jab junoon-e-musafat main ghar se nikla tha

jab junoon-e-musafat main ghar se nikla tha
khabar nahi ke sooruj kidhar se nikla tha

ye kon phir se mujhy raston main chor gaya
abhi abhi to azaab-e-safar se nikla nikla tha

ye teer dil main magar be sabab nahi utra
koi to hurf lub-e-charagar se nikla tha

men raat toot kar roya to chain se soya
ke dil ka zahar meri chusm-e-tar se nikla tha

wo qais ab jisay majnoo pokarty hen log
meri terha koi deewana ghar se nikla tha.

Dil Walay Ankhoon Ke Baat Samjh Laity Hain

Dil Walay Ankhoon Ke Baat Samjh Laity Hain
Khawab Mian Mil Le To Mulaqat Samjh Laity Hain

Rota To Asman Bhi Hai Kisi K Pyar Main
Lakin Log Usy Barsat Samjh Laity Hian.

Be-His Hein Yahan Log Bhala Soch Ke Karna

Be-His Hein Yahan Log Bhala Soch Ke Karna
Is Dor Mein Logon Se Wafa Soch Ke Karna

Ik Bar Jo Roothe Hum To Mana Tum Na Sako Gay
Hum Jaise Wafadar Ko Khafa Soch Ke Karna

Gul Shakh Se Bichre To Kahin Ka Nahi Rehta
Tum Zaat Meri Khud Se Juda Soch Ke Karna.

 

Suna Hai K Barish Usey Bhi Pasand Hai

Suna Hai K Barish Usey Bhi Pasand Hai
Woh Bhi Meri Terhan
Barasti Bondon Ko Hathon Mein Sameit Leti Hai .
Suna Hai Phool Usey Bhi Pasand Hai
Woh Bhi Meri Terhan
Ghanton Pholon Se Batein Kerti Rehti Hai ..
Suna Hai K Chand Usey Bhi Aacha Lagta Hai
Woh Bhi Meri Terhan
Raat Raat Bher Usey Takti Rehti Hai .
Suna Hai Tanhaee Usey Bhi Bhati Hai
Woh Bhi Meri Terhan
Per Woh Tanha Baith Ker Kis Ko Sochti Hai
Sari Batein Sachi Hein Magar
Yeh Bhi Sach Hai !
Mein Jo Us K Barey Mein
Her Baat Ki Khabbar Rakhta Hon
Yeh Bhi Janta Hoon K Us Ki
Soochon Ka Mehwar Mein Nahi !!! .
  

Mohabbat tumse hai yeh maanti hoon mein

Mohabbat tumse hai yeh maanti hoon mein
chahat bus tumhari hai yeh janti hoon mein
Aao apni zaat ke us pehlu se milaaaon tumhe
mein kya hoon aur kon hoon yeh bataaon tumhe
Mein apni maan ki tarbiyat mein dhala ik sancha hoon
apne baba ki umeedon se pur aik khaka hoon mein
Apne bhai ki ghairat hoon yeh jaanti hoon mein
is ghar ki izat hoon yeh maanti hoon mein
To phir behek jaaon phir mein yeh mumkin hi nahin
rishte aur bhi to hain sirf tum hi to nahin
Mohbabbat unhe bhi hai sirf tum ko to nahin .

Ek Pasheman Si Hasrat Se Mujhe Sochta Hai

Ek Pasheman Si Hasrat Se Mujhe Sochta Hai
Ab Wohi Shahar Mohabbat Se Mujhe Sochta Hai

Mein To Mehdood Se Lamhoo Me Mii Thi Os Ko
Phir Bhi Wo Kitni Wizahat Se Mujhe Sochta Hai

Jis Ne Socha Hi Na Tha Hijzar Ka Mumkin Hona
Dukh Mein Dobi Howi Hairat Se Mujhe Sochta Hai

Garcha Ab Tark-E-Marasim Ko Bohat Dair Howi
Ab Bhi Wo Meri Ijazat Se Mujhe Sochta Hai

Kitne Kush Feham Hai Wo Sakhs Ke Har Mausam Mein
Ek Naye Rukh,Naye Soorat Se Mujhe Sochta Hai .

Sochta Hoon K Mohabbat Sey Kinara Kar Loon

Sochta Hoon K Mohabbat Sey Kinara Kar Loon
Dill Ko Begana-E Targeeb-O Tammanna Kar Loon
Sochta Hoon K Mohabbat Hay Junoo.N -E Ruswa
Chand Be-Kaar Sey Be-Hooda Khayaloo.N Ka Hojoom
Aik Aazad Ko Paband Bananey Ki Hawis
Aik Begaaney Ko Apnaney Ki Saai-E Mohoom
Sochta Hoon K Mohabbat Hay SarR-E Masti
Is Ki Tanweer Main Roshan Hay Fizaa-E Hasti
Sochta Hon K Mohabbat Hay Bashar Ki Fitrat
Iska Mit Jana, Mita Dena Bohat Mushkil Hay
Sochta Hoon K Mohabbat Sey Hay Tabindah Hayyat
Aap Ye Shama Bujha Dena Bohat Mushkil Hay
Sochta Hoon K Mohabbat Pe Kari Shartain Hain
Ik Tamaddun Main Mussarrat Pe Kari Shartain Hain
Sochta Hoon K Mohabbat Hay Ik Afsurda Si Laash
Chadaar-E Izzat-O Namoos Main Kafnaai Hoii
Door-E Sarmaya Ki Rondhi Hoi Ruswa Husti
Dargaah-E Mazhub-O Ikhlaaq Sey Thukraai Hoi
Sochta Hoon K Bashr Aur Mohabbat Ka Junoo.N
Aisi Boseeda Tamaddun Sey Hay Ik Kaar-E Zaboo.N
Sochta Hoon K Mohabbat Na Bachey Gi Zinda
Paish Az Waqt Ki Sar Jaay Gi Galti Hoi Laash
Yehi Behter Hay K Begana-E Ulfat Ho Kar
Apney Seeney Main Karoo.N Jazba-E Nafrat Ki Talaash
Aur Soda-E Mohabbat Sey Kinara Kar Loon
Dill Ko Begaana-E Targeeb-O Tammanna Kar Loon .

Soch Lena Chahiye

Soch Lena Chahiye
Bicharne Se Zara Pehle
Tumhe Bhi Soch Lena Chahiye Tha
Tumhe Bhi Soch Lena Chahiye Tha
Ke Yoon Chahat Ko Thukraya Nahi Karte
Ke Yoon Anjaan Ban Kar Chain Se Jeena Hamare Waste
Mumkin Nahi Hoga
Tumhe Bhi Soch Lena Chahiye Tha
Ke Wo Batein Jo Hum Ik Dosre Se Kar Chuke Hain
Ab Kabhi Wapis Na Aaein Gi
Ke Har Lamhe Jo Hum Ek Dosre Me Ji Chuke Hain
Phir Kabhi Zinda Nahi Hoo Ge
Bicharne Se Zara Pehle
Tumhe Bhi Soch Lena Chahiye Tha.

Jurm Siqrat Se Hat Kar Na Saza Do Hum Ko

Jurm Siqrat Se Hat Kar Na Saza Do Hum Ko
Zehar Rakha Hai To Ab Ab-E-Baqa Do Hum Ko

Shorash-E-Ishq Mein Hai Husn Barabar Ka Shareeek
Soch Kar Jurm Tamana Ki Saza Do Hum Ko 

shq Pagal Kar Gaya Tou Kya Karo Ge Soch Lo

Ishq Pagal Kar Gaya Tou Kya Karo Ge Soch Lo
Sanha Aisa Howa To Kya Karo Ge Soch Lo

Sath Us Ke Har Qadam Chalne Ki Adat Kis Liye
Chor Ke Wo Chal Diya To Kya Karo Ge Soch Lo

Shor Bahir Hai Abhi Is Waste Khamosh Ho
Shor Ander Gir Utha To Kya Karo Ge Soch Lo

Kar Rahe Ho Ghar Naya Tameer Urti Rait Per
Ye Achanak Gir Para To Kya Karo Ge Soch Lo

Band Palko Per Adhore Khuwab Bante Ho Magar
Koi In Me Aa Basa To Kya Karo Ge Soch Lo

Dar Dareche Sab Muqfil Kar Ke Bethe Ho Magar
Wo Achanak Aa Gaya To Kya Karo Ge Soch Lo

Doobte Sooraj Ka Chehra Aur Us Ki Naqhs Pa
Jab Wo Manzar Gum Howa To Kya Karo Ge Soch Lo

Ek Nazar Ki Aas Mein

Ek Nazar Ki Aas Mein
Khud Reh Jao Gy
Is Trha Mat Dkho Wrna
Dekhty Reh Jao Gy
Bila Jhijhak Keh Do
Aaj Apne Dil Ki Baat
Socho Gy Tou Zindagi
Bhar Sochty Reh Jao Gy..

Har shy ka soda hota he

Har shy ka soda hota hai
Her cheez bikaau hoti hai
Har fard yaha per taajir hai
Har waqt tijaarit hoti hai
Tum ap he apne daam kaho
Chup k nhi sar_e_aam kaho
Kya lo ge apni yari ka
Kya lo ge tum dildaari ka
Gham_khwar bno ge kitne men
Tum pyar kro ge kitne mein
Sb jazbay meray naam kro
Ham naam tum apna daam kaho
Par daam chukane ki khatir
Ham apna daftar kholen to
Ham apni jaib tatolen to
Bus pyar mily ga thora sa
Azaar mily ga thora sa
Ye sikay yaha kb chalte hein
Kya udhar mily ga thora sa
Ye dunia bay_aitbarie ki
Ye arz he hr beyopari ki
Chal chor tamana jazboun ki
Bas souday hi dekh aaen ham
Ham khali hath hi aaye thay
Chal khali hath hi jayen hum..

Raqs Karney Ka Mila Hukum Jo Daryaaoun Mein

Raqs Karney Ka Mila Hukum Jo Daryaaoun Mein
Hum Ne Khush Ho K Bhanwar Baandh Liye Paa'oun Mein . 
.

Hosla Kis Mei Hai Yousaf Ki Kharidaari Ka,
Ab To Mehngaai K Charchay Hain Zulekha'aoun Mein . .


Wo KHUDA Hai, Kisi Tootay Huye Dil Mei Hoga,
Masjidoon Mei Usay Doondh, Na Kaleesa'aoun Mein. .


Hum Ko Aapas Mein Mohabat Nahi Karney Dete,
Ek Yehi Aib Hai Is Shehar K Daana'aun Mein.