Ghuruub-e-shaam hii se Khud ko yuun mahasuus karataa huun

Ghuruub-e-shaam hii se Khud ko yuun mahasuus karataa huun
ki jaise ik diyaa huun aur havaa kii zad pe rakhaa huun


chamakatii dhuup tum apane hii daaman men na bhar lenaa
main saarii raat pedon kii tarah baarish men bhiigaa huun


koii Tootaa huaa rishtaa na daaman se ulajh jaaye
tumhaare saath pahalii baar baazaaron men nikalaa huun


ye kis aavaaz kaa bosaa mere honthon pe kaanpaa hai
main pichhalii shab sadaaon kii halaavat bhuul baithaa huun


bichhad ke tum se main ne bhii koii saathii nahiin Dhuundhaa
hujuum-e-rahguzar men duur tak dekho akelaa huun

Zindagi tujh se mil kar zamana hua,

Zindagi tujh se mil kar zamana hua,
Aa tujhe aaj ham maikade le chale'n,
Raat ke naam honTho'n ke saGhar likhe'n,
Apani ankho'n me'n kuchh rat-jage le chale'n,
Kya hassin log hai'n,
Aankh aaho'n ki hai'n aur lab pankhari,
In ki araish-e-Khal-o-Khat ke liye,
Apani ankho'n ke ham aine le chale'n,
Ajanabi chehare me'n dost banate nahi,
Rishte-nato'n ki chandi barasti nahi,
Qurbate'n sohabate'n jin ki yaad aayengi,
Aise kuchh dosto'n ke pate le chale'n,
Un ki ankho'n ne jalate sulagate hue,
Manzaro'n ke siva kuchh bhi dekha nahi,
Chehara-e-afsos ke sakino'n ke liye,
Phul-o-Khushbu saba zam-zamen le chale'n,
Zindagi tujh se mil kar zamana hua.

Tum kis soch mein doob gaee ho

Tum kis soch mein doob gaee ho

Hath ka pathar

Pani kay seenay par maro

Chot to pani kay Aaye gee

Pani chot ki taab na lakar

Mojon ki sorat mein behta

Sahil sahil sar tapkega 

Phir khud hee

Aslii halaat par aajaye ga 

Tum kis soch mein doob gaEe ho

Hath ka pathar 

pani kay seeney par maro

Main Pani Hoon!!