Dur Rehne Walo Ne Aisa Sila Diya,

Dur Rehne Walo Ne Aisa Sila Diya, 

Apni Yaado Se Hamko Rula Diya,

Itna Bhi Matlabi Na Ho pyaar Kisi ka, 

K Jab Chaha Yaad Kia Jab Chaha Bhula Diya!

Wafa

Koi khushi ki chah me roye
Koi dukhon ki panah se roye

Ajeeb silsila hai ishq aur 
Mohabbat ka

Koi wafa ke liye aur koi
Wafa kar ke roye

BeWafai Ki Sab Kitabon Mein

wafa se khali tha

Shehr-E-Bewafa mein

Maangi hai Dua

Shehr-e-Bewafa

Sulagtey chaand ki tanhayion mein zinda hoon,

Sulagtey chaand ki tanhayion mein zinda hoon,
Apne dard ki tanhaayiyon mein zinda hoon,

Kisi ki neend main mehkaa hoon khawab ki surat,
Kisi ke jism ki angrrayiyon mein zinda hoon,

Dhannak khayalon ki lafzon ka rehsmi bistar,
Main tere hijar ki raa’nayiyon main zinda hoon,

Yeh log taaza rafaqat mein saans lete hain,
Main apni zaat ki tanhayion mein zinda hoon,

Kashish faraar ki insaan ka muqaddar hai,
Paraaye khawb ki parchaayion mein zinda hoon..

Teri mohabbat ka bojh dhhoney se reh geya hoon

Teri mohabbat ka bojh dhhoney se reh geya hoon,
Mujhe yeh dukh hai main tera honey se reh geya hoon,

Mujhe bhi aati hai dunyaa dari bicharrney waley,
Magar main iss sanchey mein roney se reh geya hoon,

Kahin hoon mojood main bhi is dastaan mein lekin,
Teri zubaani beyaan honey se reh geya hoon,

Mere hadh-o-haal mukhtlif to nahin hain tujh se,
Magar main kyon tere jaisa honey se reh geya hoon,

Yeh khaak mere lahuu ki peyaasi hai aur Shehzaad,
Yahan main shaakh-e-gulaab bonay se reh geya hoon..

Kash bachapn se nafrat sikhayi hoti,

Kash bachapn se nafrat sikhayi hoti,
Us se dekh kar nazreen churaayi hoti,

Na phoolon me khoshbu samayi hoti,
Us se milte to bus larai hooti,

Wo hoti ek zalim ustani jaisi,
Us ke samne sirf parhayi hoti,

Hoti rah-e-mohobat bus tanha,
Kanton se har shay sajayi hoti,

Be’rukhi be muravat adaao se,
Kuch milte yun ke ruswayi hoti,

Guzar yun jate kareeb se Aamir,
Ke ghairon ke jaisi judayi hoti..

Sara din main aik chehra sochta rehta hoon,

Sara din main aik chehra sochta rehta hoon,
Jis ko dekha nahin hai, us ko dekhta rehta hoon,

Aankhain rehen parri hain jis ke hijer mein sadiyon se,
Aayinon mein ussi ka akss choomta rehta hoon,

Sabzz parindon waley saahil ki tabeer ki khatir,
Main ik khawb ko apne khawb sunaata rehta hoon,

Wasl ke rang, shanaasha khushbu, phaillay chaaron aur,
Shaam sawerey un ke peechey chalta rehta hoon,

Dil ka dard jaganey wali aik sadaa aur main,
Apne hath mein aik lakeer si dhoondta rehta hoon,

Ik awaaz main shaamil kesi awaazain hain Ataa,
Kya kuch yaad aata hai, kya kuch bhoolta rehta hoon..

Ab Tou Kisi Bhi Baat Pe, Aitbaar Nahi Hota

Ab Tou Kisi Bhi Baat Pe, Aitbaar Nahi Hota
Hotay Hain Bas Samjhotay Dilon Ke, Koi Pyaar Nahi Hota

Kitna Bhi Samjha Lain Ham, Is Dil-e-Naada.n Ko
Ek Qatrah Kabhi, Koi Saagar Nahi Hota

Dil Mein Lye Hasrat Kisi Ki, Ye Umer Guzar Jaati Hai
Kabhi Taqdeer Pe Kisi Ki Apni, Ikhtiyaar Nahi Hota

Lagtay Hain Jo Pal Suhaanay, Wo Hain Mere Bas Khwaabon Ke
Haqeeqat Mein Kubhi Khushi Ka, Deedaar Nahi Hota

Dhal Jaatay Hain Ye Ashk, Ek Aur Gham Ki Raah Lye
Un Honton Ko Ab Kisi Hansi Ka, Intezaar Nahi Hota

Zara si dair ko manzar suhaaney lagte hain,

Zara si dair ko manzar suhaaney lagte hain,
Phir us ke baad yehi qaid’khaney lagte hain,

Main sochta hoon ke tu dar’badar na ho warna,
Tujhe bhulaney mein koi zamaney lagte hain,

Kabhi jo hadh se barrhe teri yaad ka habbas,
Khulli fizaa main tujhe gungunaney lagte hain,

Jo tu nahin hai tujh se kiye huye vaadey,
Hum apne aap se aksar nibhaney lagte hain,

Ajeeb khail hai jalte hain apni aag main hum,
Phir apni raakh bhi khud hi urraney lagte hain,

Yeh aney waley zamaney mere sahi lekin,
Guzishta umar ke saaye daraaney lagte hain..

Ab shiddat-e-gham main massnuyi araam sahara deta hai

Ab shiddat-e-gham main massnuyi araam sahara deta hai
Ya dost tasalli dete hain ya jaam sahara deta hai

Aye dost mohabbat ke sadmey tanha hi uthaaney parte hain
Rehbar to is rastey mein dogaaam sahara dete hain

Woh naam hain sirf is dunya mein ik saaqi ka ik yazdaan ka
Ik naam pareshaan karta hai ik naam sahara deta hai

Tufaan ki chatoon* to dekho saahil ki koi umeed bhi hai
Malaah* ki surat to dekho nakaam sahara deta hai

Hum ko bhi Adam kuch qayel kar kya lutf is badmasti main
Kyaa aag sakoon pohanchati hai kya jaam sahara deta hai

Muddat Ke Baad Dekha Use Badla Hua Tha Woh

Muddat Ke Baad Dekha Use Badla Hua Tha Woh
Najane Kiya Hadsa Hua Sehma Hua Tha Woh

Mujhe Dekh Kar Usne Chehra Tou Chupa Lyia
MGR Ankhein Bata Rahi Thi Ke ROOYA Hua Tha Woh

Uski Aankhon Mein Dekh Kar MEHSOOS Hua Mujhe
Meri Tarah Kisi Sooch Mein DOOBA Hua Tha Woh

Uski Sone Jaisi RANGAT Zarad Parh Gayi Thi
Jaise Kissi Ke Pyaar Mein Jalla Hua Tha Woh

Qurbaan Jaon Uss Shakhs Par Main Mohsin
Yaad Mein Jis Ki Khoya Hua Tha Woh. . .

Aap Masroof Beyhisab Sahi

Aap Masroof Beyhisab Sahi
Mere Khat Ka Bhi Ek Jawab Sahi

Mere Shaney Pe Apna Sar Rakhdo
Aaj Ek Aur Inqlab Sahi

Apna Anchal To Thik Karlijiye
Aap Ke Hath Me Kitab Sahi

Zahain Taarik Ho To Kiya Kijiye
Lakh Hathon Me Aaftab Sahi

Waqt Ke Sath Chal Pado Rahi
Waqt Maana Bahot Kharab Sahi

" Teri talaash main "

Teri talaash main niklay thay hum haath maltay huay
Rula diya aaj humain suraj ne dhaltay huay

Utaar Zehan Ke Gaaron Main Roshni-e-Mabood
Zamana Guzar gaya Seenon main dard Paltay Huay

Kisi ghata se kaho, Hum ko ab utha le jaaye
Ke Umer Beet gayee hum ko jaltay huay

Yahan to kuch bhi nahin hai siwaye kaanton ke
Kahan tak aagaye hum is raastay per chaltay huay

Sikha rahi hai zamanay ko zindagi ka chalan
Guzarti hai rail Dewana, Patrian badaltay huay.

Zalimon Ki Dheel Ka Manzar Nazar Tak Le Gaya

Zalimon Ki Dheel Ka Manzar Nazar Tak Le Gaya
Hum Ghareebon Ki Duwaon Ka Asar Tak Le Gaya

Unche Mahalon Ke Tale Hai Muflison Ki Bheed Kyon
Kaun Sa Jazba Unhe In Ahle Nazar Tak Le Gaya

Zinda Bachche Jalte Dekhe Aik Budhe Baap Ne
Kis Qadar Jaan Sauz Manzar Tha Nazar Tak Le Gaya

Khushnaseebi Le Gayi Ik Behunar Ko Arsh Par
Badnaseebon Ka Hunar To Unka Sar Tak Le Gaya

Matlabi Aik Baap Bete Se Dagha Karta Raha
Ye Rawayya Achchhe Bete Ko Bhi Shar Tak Le Gaya

Rekhta Kar Liya Haqgoee Mein Sar Bhi Safed
Uska Har Ik Sach Magar Jhoote Nagar Tak Le Gaya

vo buto.n ne Daale hai.n vasvase ki dilo.n se Khauf-e-Khudaa gayaa

vo buto.n ne Daale hai.n vasvase ki dilo.n se Khauf-e-Khudaa gayaa
vo pa.Dii hai.n roz qayaamate.n ki Khayaal-e-roz-e-jazaa gayaa
[vasvase=doubts; Khauf-e-Khudaa=fear of God]
[Khayaal-e-roz-e-jazaa=(any) thought about the day of judgement]
  jo nafas thaa Khaar-e-gul banaa jo uThaa to haath qalam huye
vo nishaat-e-aah-sahar ga_ii vo viqaar-e-dast-e-duaa gayaa
[nafas=breath; Khaar=thorn; qalam honaa=chopped off]
[nishaat-e-aah-sahar=pleasure in the morning plea]
[viqaar-e-dast-e-duaa=respect for the hands raised in prayer]
  na vo rang fasl-e-bahaar kaa na ravish vo abr-e-bahaar kii
jis adaa se yaar the aashnaa vo mizaaj-e-baad-e-sabaa gayaa
[aashnaa=known; mizaaj=nature/state of being]
  abhii baadabaa.N ko tah rakho abhii muzatarib hai ruKh-e-havaa
kisii raaste me.n hai.n mu.ntazir vo sukuu.N jo aake chalaa gayaa
[tah=to keep closed; muzatarib=impatient; mu.ntazir=waiting]

Khaatir se ya lihaz se maiN maan to gaya

Khaatir se ya lihaz se maiN maan to gaya
 jhhooTi qasam se aap ka imaan to gaya

dil le ke muft kehte haiN kuch kaam ka nahiN
 ulTi shikaayateiN huiiN, ehsaan to gaya

Darta huN dekh kar dil-e-be_aarzoo ko maiN
 sunsan ghar yeh kyoN na ho, mehman to gaya

kya aye, raHat aayi jo kunj-e-mazaar meiN
 woh walwala woh shauq wo armaan to gaya

dekha hai butkaday meiN jo ai shaiKh kuchh na poochh
 iimaan ki to yeh hai ke iimaan to gaya

afshaa-e-raaz-e-ishq meiN go zillateiN huiN
 lekin usay jataa to diya, jaan to gaya

go naamabar se Khush na huwa, par hazaar shukr
 mujh ko woh mere naam se pehchaan to gaya

bazm-e-a'duu meiN soorat-e-parwaana dil mira
 go rashk se jalaa, tire qurbaan to gaya

hosh-o-hawaas-o-taab-o-tawaaN DaaGh jaa chukay
 ab hum bhi jaane waale haiN, saamaan to gaya