Jab dard mein doobi huyi aanho.n ka dhuwa.n nikla

Jab dard mein doobi huyi aanho.n ka dhuwa.n nikla
Kashaana-e zalim pe woh barqe tapa.n nikla

Chehre se to wahshi tha woh paikare wahshat tha
Dar-asl farishta woh be san guma.n nikla

Gham apna bhulane ko pii li to bahot lekin
Seene ke jo andar tha woh dard kaha.n nikla

Woh chaak gariba.n tha firta tha jo awarah
Lekin sar-e-maqtal woh nerang jaha.n nikla

Main pii bhi na paya tha dekha ye ajab manzar
Zahid jise samjha tha wo peer-e-mogha.n nikla

Ejaz ne jis ghar pe pathrao kiya yaro
Uska hi woh larzidah sheeshe ka maka.n nikla

Kya batayein hum tumhein kya kya huwa

 Kya batayein hum tumhein kya kya huwa
Har khushi par gham ka hi dhoka huwa

Tang dasti hai mujhe par khema zan
Waqt hai khud waqt pe thahra huwa

Hai adakari reya ki tahniyat
Sach magar hai jhoot se sahma huwa

Har shajar mahfooz hai masroor hai
Khatma jab se qabile ka huwa

Kaali rato.n ka safar sannatgi
Har taraf har aadmi sahma huwa

Ghar hai apna ya hai koi khanqah
Bachpana har bachhe ka khoya huwa

Mere hisse ki khushi jati rahi
In dino.n Ejaz hai bikhra huwa