Sehra-pasand ho ke simtne laga hun main,

Sehra-pasand ho ke simtne laga hun main,
Andar se lag raha hai ki bantne laga hun main.

Kya phir kisi safar pe nikalna hai ab mujhe,
Deewaar-o darr se kyon lipatne laga hun main.?

Aate hain jaise jaise bichhadne ke din qareeb,
Lagta hai jaise rail se katne laga hun main.

Kya mujh mein ehtezaaz ki taaqat nahin rahi,
Peechhe ki simt kis liye hatne laga hun main.?

Phir saari umar chaand ne rakha mera khyaal,
Ek roz keh diya tha ki ghatne laga hun main.

Usne bhi aitbaar ki chaadar samet li,
Shayad zubaan de ke palatne laga hun main. !!

main ne roka bhi nahin aur woh thehra bhi nahin

main ne roka bhi nahin aur woh thehra bhi nahin
haadsa kya tha jesay dil ne bhulaya bhi nahin

jaane waloon ko kahaan rok saka hai koi
tum chalay ho to koi roknay wala bhi nahin

dur-o-nazdeek se uthta nahin shor-e-zanjeer
aur sehra mein koi naqsh-ekaf-e-paa bhi nahin

gul bahar rang-e tabassum ka gunahgar raha
zakhm-e-hasti  ka siwa iss ke madawa bhi nahin

koun sa mod hai,kyun paon pakarti hai zameen
iss ki basti bhi nahin,koi pukara bhi nahin

be niazi se sab hi qarya-e-jaan se guzray
dekhta koi nahin hai ke tamasha bhi nahin

woh to sadyoon ka safar kar ke yahan puhancha tha
tu ne moun pheer ke jiss shakhs ko dekha bhi nahin

humare dam se hai jo kuch yahaan hai

humare dam se hai jo kuch yahaan hai
yeh dunya warna ik khali makaan hai

nazar kahti hai mere pas ho tum
magar parda sa kyun yeh darmiyan hai

gehar lagta hai zara jo zameen per
tera hi nash-e-paa woh meri jaan hai

gawahi kyun koi de ga humari
yahaan such bolna kar-e-zeyan hai

sadaqat ki hamayet ka natija
hamesha sar hai aur nook-e-sana hai

samjhty ho jesay tum raaz-e-pinhan
mere adrak per woh bhi aayan hai

main saya jiss haqeqat ka hoon saifi
khuda jane haqeeqat woh kahaan hai

past himmat nahin ,thakan mein hai

past himmat nahin ,thakan mein hai
ik parinda abhi udan mein hai

tu bhi masroof gardesh-e-douran
dil humara bhi imtihan mein hai

hai samdar ki god mein soraj
aaj kal dhop sayeban mein hai

koi ghar mein hai soorat-e-khurshed
roshni her taraf makan mein hai

woh hai tabeer mere khawbon ki
aur mere ki khandan mein hai

ik chehra hai rubaro hamid
ik pari  wash  meri aaman mein hai

Tumhari Yaad Aati Hai To Hum Aansu Bahatay Hain

Tumhari Yaad Aati Hai To Hum Aansu Bahatay Hain
Guzrey Thay Kabhi Jo Saath Din Vo Yaad Aatay Hain

Isi Umeed Pe Hum Ne Khula Rakha Hai Darwaza
Suna Hai Shaam Hotay Hi Bichray Lot Aatay Hain

Haqarat Say Na Dekho Ay Ehl-e-Saahil Toofan Ko
Kabhi Aisa Bhi Hota Ha Kinaray Doob Jatay Hain

Kisi Say Kya Gila Ghalib Ye Dastoor Hai Zamanay Ka
Naye Jab Yaar Miltay Hain Puranay Bhool Jatay Hain

berukhi juzv-e-dostana hai

berukhi juzv-e-dostana hai

agrche andaz jarihana hai

woh humhee kaise lot sakta hai

woh to khud hi khazana hai

tujh ko mehsoos feham karti hai

deed ko ot  ka bahana hai

main ne her dor se nibhai hai

her zamana mera zamana hai

qarz hein teri mohabbat ka utaray jaty hein

qarz hein teri mohabbat ka utaray jaty 
aakhri saans bhi hum tujh pe hein waray jaty

eik tamanna liye phirty hein tere hijran naseeb
kash  eik bar tere lab se pukare jaty

dil ko ab tak nahin aaya tere jane ka yaqeen
warna lazim  tha ke mar jate,tumhare jaty

hum ko aaloda na kar sakti zamane ki hawa
teri qurbat mein jo kuch rooz nikharay jaty

humdam na kaho mujh se jo dekh kar aaye ho

humdam na kaho mujh se jo dekh kar aaye ho
hai mere tasawer mein tasveer jo rahnay do

her simt baharin hein rangein nazaray hein 
bahti hui nadya hai is ko yun hi  bahnay do

batein bhi jahaan bhar ki hoti hein nigahoon mein
accha ya bura jo bhi kahty hein kahnay do

jo tum ne bhi dekha hai,woh eik haqiqat hai
jo meri nazar mein hai iss ko bhi to rahnay do

woh bhul gya humko aur bhul gya sab kuch 
tum raaz bana lo aur raaz hi rahnay do

main aaj bhi chahoon eik hansta hua chera
kuch kaan mein kahta hai ,kahta usay kahnay do

gar khawab hai yeh sab kuch tab khawab hi accha hai
iss khawab se zinda hoon,zinda mujhe rahnay do

yeh sach hai woh pathar hai,yeh toor na de sab kuch
si lo mere lab phir bhi aur apni si kahnay do

main janta hoon kab se jo tum ne hai ab samjha
main dhoke mein rahta hoon,tum dhoke mein rahnay do

qasid jo bhi kahta hai sab jhoot hi kahta hai
behlata to hai dil ko isay jhoot hi rahnay do

seemab jo bikhra hai tum kaise sameto gay
yeh band hai shishay mein isay band hi rahnay do

Ghuroob hote huye soorajon ke pas rahe

Ghuroob hote huye soorajon ke pas rahe
Udas sham ki manind hum Udas rahe


Khandar sa aik makan takta hai raston ko
Na jane aaj kahan us ke gham shanas rahe


Bahar aai to saj dhaj ke ho gaye tayyar
Darakht sirf khizaon main be libas rahe


Mre khayal main toheen hai aqeedat ki
Samandaron main rahun aor labon pai pyas rahe


Yeh kah ke hogaye thode se be wafa hum bhi
Hamaisha koun muhabbat main devdas rahe.

sambhalne ke liye girna para hai

sambhalne ke liye girna para hai
humhee jeena bohat mahnga para hai

raqam thin apne chehre per kharashin
main samjha aaina tota para hai

yeh kaisi roshni thi mere aandar
ke mujh per dhoop ka saya para hai

meri aankhon mein tum kyun jhankty ho
tehoon mein aanson ki kya para hai

hawaas-o-hosh hein bedar lakin
zameer insaan ka soya para hai

badan shoqeen kam perahni ke 
dar-o-dewar per parda para hai

utha tha zindagi per hath mera
giraban per khud apne jaa para hai

mohabbat  aansoon ki ghaat lay chal
bohat din se dil maila para hai

zameen naraz kuch hum se shayed
para hai paaon hai jab ulta para hai

dabo sakti nahin darya ki lahrin
abhi paani mein eik tinka para hai

muzafar ronaqein melon ka rasiya
hajoom dard mein tanha para hai

Kesi Bakhshish Ka Yeh Saaman Hua Phirta Hai

Kesi Bakhshish Ka Yeh Saaman Hua Phirta Hai 
Shehar Sara Hi Pareshan Hua Phirta Hai

Aik Barood Ki Jacket Aur Nara-E-Takbeer, 
Rasta Khald Ka Aasan Hua Phirta Hai

Kesa Aashiq Hai Tere Naam Pe Quban Hai Magar
Teri Har Baat Se Anjan Hua Phirta Hai

Shab Ko Shaitan Bhi Mange Panahain Jis Se
Subh Who Sahib-E-Emaan Hua Phirta Hai

Hum Ko Jakra Hai Yahan Jabar Ki Zanjeeron Ne
Ab To Yeh Shehar Hi Zandaan Hua Phirta Hai

Janay Kab Kon Kise Maar Day Kafir Keh Kar
Shehar Ka Shehar Musalman Hua Phirta Hai

Yun bhi hua raat ko jab log so gaye,

Yun bhi hua raat ko jab log so gaye,
Tanhayi aur main, teri baton mein kho gaye,

Aa dekh tujhse log jo rehte they door door,
Saaye mein teri yaad ke chup chaap so gaye,

Hum woh jo sarey sheher ke kerte they faisley,
Hum log teri chaah mein ruswaa bhi ho gaye,

Tum kya gaye ke waqt ka ehsaas mar geya,
Raaton ko jaagtey rahe aur din ko so gaye,

Ab zindagi ki shelf mein dhoonda karain ge log,
Arzaan huye hum itne ke nayaab ho gaye,

Arshad wafaa ki raah main shiddat thi is qadar,
Tujh se they kitne log jo rastey mein kho gaye..

Umer Raaigaa.n Kardi Tab Ye Baat Maani Hai

Umer Raaigaa.n Kardi Tab Ye Baat Maani Hai
Mout Aur Mohabbat Ki Ek Hee Kahani Hai

Khail Jo Bhi Tha Jaana.n Ab Hisaab Kia Karna
Jeet Jis Kisi Ho Ham Ne Haar Maani Hai

Vasl Per Bhee Naadim Thay Hijr Per Bhi Sharmindah
Wo Bhi Raaigaani Thi Ye Bhi Raaigaani Hai

Ye Mera Hunar Teri Khusbuoun Se Waabasta
Mere Saaray Lafzon Per Teri Hukmarani Hai

Jaanay Kon Shehzaadah Kab Chura Ke Le Jaaye
Wo Jo Apne Aangan Mein Khusbuoun Ki Rani Hai

Main Khusnasebi Hon Teri Mujhy B Ras Hai Toh

Main Khusnasebi Hon Teri Mujhy B Ras Hai Toh
Tera Libaas Hon Main Aur Mera Libaas Hai Toh

Ajeeb Shai Hai Mohabbat Ke Hum Kahan Jaye
Tere Pass Hon Main Be Mere Be Pass Hai Toh

Main Nay Khud Ko Faramosh Kia Tere Liye
Aam Hai Sara Jaha Mere Liye Khass Hai Toh

Band Hoton Par Mere Reet Jami Jati Hai
Mere Pass Hai Phir B Meri Pyas Hai Toh

Darmiyan Tere Mere Jab Se Log Annay Lagaye
Us K Baad Se Main Tanha Aur Be-Ass Hai Toh
Tera Libaas Hon Main Or Mera Libaas Hai Toh

Zamaana Hum Ko Judaa Kar Sake Nhn Mumkin
Mohabbat Mein Jo Naakhun Hoon Main Toh Maas Hai Toh

Door Ho Kar Bhi Nahin Hai Koi Doori
Tere Qareeb Hoon Mein Mere Bhi Paas Hai Toh

Ye Kon Tere Mere Darmiyan Hai Jana
K Main Be Dard Main Hoon Or Mehwe-Yaas Hai Toh

Zindagi Meri Tere Gird Ghoomti Hy Faqat
Aam Hy Sara Jahan Mere Liye Ek Khaas Hy Toh
Tera Libaas Hoon Main Or Mera Libaas Hai Tu

Ajeeb Shai Hy Mohabbat Main Kahin Chala Jaon
Tere Qareeb Hoon Main Or Meri Pyass Hy Toh
Tera Libaas Hon Main Or Mera Libaas Hai Toh

Jaanay Kaisay Sambhaal Kar Rakhay

Jaanay Kaisay Sambhaal Kar Rakhay
Sab Iraaday Sambhaal Kar Rakhay

Kuch Naye Rang Hain Mohabbat Ke
Kuch Puraanay Sambhaal Kar Rakhay

Mausam-e-Ishq Teri Baarish Mein
Khat Jo Bheegay Sambhaal Kar Rakhay

Jin Ki Khushbu Udaas Karti Thi
Wo Bhi Gajray Sambhaal Kar Rakhay

Tujh Se Milnay Ke Aur Bichadnay Ke
Saaray Khadshay Sambhaal Kar Rakhay

Jab Hawaa Ka Mizaaj Barham Tha
Ham Ne Pat’tay Sambhaal Kar Rakhay

Aarzoo Ke Haseen Pinjray Mein
Kuch Parinday Sambhaal Kar Rakhay

Ham Ne Dil Ki Kitaab Mein Tere
Saaray Waaday Sambhaal Kar Rakhay

Tere Dukh Ke Tamaam Hee Mausam
Ay Zamaanay Sambhaal Kar Rakhay

Mere Khwaabon Ko Raakh Kar Daala
Aur Apnay Sambhaal Kar Rakhay

Woh hain pass aur yaad aney lage hain,

Woh hain pass aur yaad aney lage hain,
Mohabbat ke hosh ab thikaney lage hain,

Suna hai humain woh bhulaney lage hain,
To kya hum unhe yaad aney lage hain,

Hattaye they jo raah se doston ki,
Woh pathar mere ghar mein main aney lage hain,

Woh phir mujhe yaad aney lage hain,
Jinhe bhoolne mein zamaney lage hain,

Yeh kehna tha unse mohabbat hai mujh ko,
Yeh kehne mein mujh ko zamaney lage hain,

Qayamaat yaqeenan ab qareeb agayi hai,
Khumaar ab to masjid main jaaney lage hain..

GhaZal

GhaZal

GhaZal

GhaZal