Agar dard-e-muhabbat se na insaaN aashnaa hotaa,

Agar dard-e-muhabbat se na insaaN aashnaa hotaa,
na marne kaa mazaa hotaa, na jiine kaa mazaa hotaa,

hazaaroN jaan dete haiN butoN kii be-vafaa’ii par,
agar un meN se ko’ii baa-vafaa hotaa to kyaa hotaa,

agar dam bhar bhii miT jaatii Khalish-Khaar tamannaa,
dil hasrat talab ko apnii hastii hai gilaa hotaa,

ye maanaa be-hijaabaanaa nigaaheN qah’r kartii haiN,
magar husn-e-hayaa parvar kaa aalam duusraa hotaa.

Ura kar sehn-e-gulshan Se, mita kar aashia’n mera,

Ura kar sehn-e-gulshan Se, mita kar aashia’n mera,
Mere saaye ke peechhe phir raha hai baagbaa’n mera.

Mire ahbaab pesh aate ham mujh se be-wafaai se,
Wafadaari mei’n sizaaid kar rahe ham imtehaa’n mera.

Tah-o-bala kiya hai gardish-e-aamaal ne mujh ko,
Na dushman hai zamee’n me’n, na dushman aasmaa’n mera.

Safa-e-qalab se, Allah re, insaan ki azmat,
Farishte choomte ham aa ke sang-e-aastaan mera.

Yeh maatam hai musawwar uth gaya gulzaar-e-qudrat ha,
Har ik taair, har ik barg-e-chaman hai noha khwaa’n mera.

Safar mei’n zindagi ke so gaya hu’n thak ke manzil par,
Ajal ke naam se badnaam hal khwaab-e-giraa’n mera.

Aseeri mei’n zabaa’n se meri sun ke raaz-e-aazadi,
Garebaa’n phaar kar san dhun raha hai, paasba’n mera.

ilahi khair ho, kya surguzasht-e-dil sunaaega,
Larzta hai miri aankho’n mei’n kyo’n ashk-e-rawa’n mera.

dard-e-dil paas-e-vafaa jazbaa-e-imaa.N honaa

dard-e-dil paas-e-vafaa jazbaa-e-imaa.N honaa
aadamiyat yahii hai aur yahii insaa.N hoaa

nau-giraftaar-e-balaa tarz-e-fuGaa.N kyaa jaane.n
ko_ii naashaad sikhaa de inhe.n naalaa.N honaa

rah ke duniyaa me.n yuu.N tark-e-havas kii koshish
jis tarah apane hii saaye se gurezaa.N honaa

zindagii kyaa hai anaasir me.n zahuur-e-tartiib
maut kya hai inhii.n ijzaa kaa pareshaa.N honaa

dil asiirii me.n bhii aazaad hai aazaado.n kaa
valvalo.n ke liye mumkin nahii.n zindaa honaa

gul ko paamaal na kar laal-o-gauhar ke maalik
hai ise turaah-e-dastaar-e-Gariibaa.N honaa

hai meraa zabt-e-junuu.N josh-e-junuu.N se ba.Dhakar
nang hai mere liye chaak garebaa.N honaa