dasht-e-tanhaa_ii me.n ai jaan-e-jahaa.N larzaa.N hai.n

dasht-e-tanhaa_ii me.n ai jaan-e-jahaa.N larzaa.N hai.n
terii aavaaz ke saaye tere ho.nTho.n ke saraab
dasht-e-tanhaa_ii me.n duurii ke Khas-o-Khaak tale
khil rahe hai.n tere pahaluu ke saman aur gulaab



uTh rahii hai kahii.n qurbat se terii saa.Ns kii aa.Nch
apanii Khushbuu me.n sulagtii hu_ii maddham maddham
duur ufaq par chamakatii hu_ii qatraa qatraa
gir rahii hai terii dil_daar nazar kii shabnam
  us qadar pyaar se ai jaan-e jahaaN rakkhaa hai
dil ke ruKhsaar pe is vaqt terii yaad ne haath
yuu.N gumaa.N hotaa hai garche hai abhii subah-e-firaaq
Dhal gayaa hijr kaa din aa bhii ga_ii vasl kii raat

tumne sooli pe latakte jise dekha hoga

tumne sooli pe latakte jise dekha hoga
     waqt aayega wahi shaksh maseeha hoga


     khwaab dekha thaa ke sehra meiN basera hoga
     kyaa khabar thi ke yahi khwaab to sachcha hoga


     maiN fizaaoN meiN bikhar jaaoonga khushboo bankar
     rang hoga na badan hoga na chehra hoga

awaara hai galiyon meiN main aur meri tanhaayee

 awaara hai galiyon meiN main aur meri tanhaayee
     jaayeN to kahan jaayeN har mod pe ruswayee
     main aur meri tanhaayee main aur meri tanhaayee


     ye phool se chehre haiN haNste huye guldaste
     koi bhee nahin apna begaane hain sab raste
     raahen bhee tamashyee raahen bhee tamashaee
     main aur meri tanhaayee main aur meri tanhaayee


     armaan sulagte haiN seene meiN chitha jaise
     qaatil nazar aati hai duniya ke hawa jaise
     roti hai mere dil par bajti huyee shehnayee
     main aur meri tanhaayee main aur meri tanhaayee


     har rang meiN ye duniya sau rang dikhaati hai
     rokar kabhi hansti hai hanskar kabhi gaati hai
     ye pyaar ki baaheN haiN ya maut ki angDaayee
     main aur meri tanhaayee main aur meri tanhaayee

Katoon si chubhti hai Tanhai

Katoon si chubhti hai Tanhai
Angaroon si sulagti hai Tanhai

Koi aa kar hum dono ko hunsa de
Main rota hoon rone lagti hai Tanhai

Jab bhi tere Hisar se nikalna chaha
Yaadoon k beej bone lagti hai Tanhai

Raat k kisi hise main yeh bhi Bewafa ho jati hai
Main nahi sota sone lagti hai Tanhai

Tum se judaa ho kar is se hi Dil laga lia hai
Mar sa jata hoon jab khone lagti hai Tanhai

Wo rooz mujh ko rulata hai barisho ki tarhan,

Wo rooz mujh ko rulata hai barisho ki tarhan,
Main.. Hansti rahi hun.. Phuloon ki kiyaariyoon ki tarhan..!

Maine har subha naya …ghar ik….banaya hai,
Wo todh – detaa… He rait ki dherriyoon… Ki tarhan..!

Jab main .. Roo..kar jane lagti hun.. Chodh.kar uss.ko,
Wo mana letaa hai mujh ko… Chote bachche ki tarhan..!

Umar beeti hai…saari ruthne manane mein,
Agai . Shamei .zindgi bas qreeb… Esi tarhan..!

Rait ki mutthi ki …tarhaa …. Zindagi ham ..sabki
Jane kab…khtm ho jaye ye bulbule ki tarhaan..!!!!

Tanhai Mein Zindagi Bitaaun Kaise

Tanhai Mein Zindagi Bitaaun Kaise
Teri Yaad Dil Se Mita Du Kaise

Koi Arzoo Nahi Aur Zindagi Mein
Sirf Yehi Ke Tujhe Apna Banaun Kaise

Tu Nahi Ho Sakti Meri Yeh Mein Jaanta Hun
Par Is Nadaan Dil Ko Yeh Baat Samjhaaun Kaise

Zakhm De Rahe Hain Mere Dil Ke Tujhe Dua
Tujhe Khushi Mile Aur Mein Na Muskuraun Kaise

Khatm Na Ho Is Dil Ki Kahani Qayamat Tak
Par Tu Nahi Hui Meri Yeh Sab Ko Bataun Kaise

Reh Gaya Pyaasa Mein Teri Mohabbat Ka
Is Dil Ki Pyaas Badh Gayi Hai Bujhaaun Kaise

Zindagi Mili Hai To Mohabbat Hi Kar Li
Bin Teri Mohabbat Ke Duniya Se Uth Jaun Kaise

Intezaar Karunga Tere Ikraar Ka Us Jahaan Mein Bhi
Mar Kar Bhi Tu Hi Bata Tujhe Bhul Jaun Kaise

Agar tum humse nibhate wafa toh,

Agar tum humse nibhate wafa toh,
Hum teri mahfill mein yon ruswa na hote..
Karte na gar tum aisi khata toh,
Hum teri mahfill mein yon ruswa na hote…!!
Hume naaz hota chahat pe teri,
Zindgi lutate hum hasrat pe teri..
Karte gila na hum tumse koi bhi,
Ek baar aate gar mayat pe meri..!!!
Meri mayat ko haath gar dete laga toh,
Hum teri mahfill mein yon ruswa na hote…
Agar tum humse nibhate wafa to,
Hum teri mahfill mein yon ruswa na hote..!
Teri wafa ke hi bharose rahe,
Har armaan dil mein roke rahe…
Tumne kiye humse vado pe vade,
Hum tere vado ke bharose rahe…
Poori karte tum gar apni juban toh,
Hum teri mahfill mein yon ruswa na hote..!!!
Agar tum humse nibhate wafa to,
Hum teri mahfill mein yon ruswa na hote..!
Kasme nibhate tum vade nibhate,
Aag laga ke ye dil na jalate…
Khata ho gayi thi gar koi humse,
Milke humse giley shikwe mitate…!!
Is aag se gar na uthta dhuan toh,
Hum teri mahfill mein yon ruswa na hote..
Agar tum humse nibhate wafa to,
Hum teri mahfill mein yon ruswa na hote…

Safar bhi door ka hai raah aashna bhi nahi

Safar bhi door ka hai raah aashna bhi nahi
chala udhar hoon ke jis simt ki hawa bhi nahi.

guzar raha hoon khadam rakh ke apni aankhon per
gaye dinon ki taraf mu'dh ke dekha bhi nahi.

mera wajood meri zindagi ki hudd na sahi
kabhi jo tai' hi na ho main woh faaslabhi nahi.

fiza main phail chali meri baat ki khushbu
abhi toh main ne hawaawon se kuch kaha bhi nahi.

hai zindagi teri mehfil mein kis qadar arzaan
rawa hai qatal bhi dastoor-e-khoon baha bhi nahi.

samajh raha hoon muzaffar usey shareek-e-safar
jo mere saath qadam do qadam chala bhi nahi.
 

Jaan se jaate hain hum aur tumhein perwaah hi nahi

 

 

 

Jaan se jaate hain hum aur tumhein perwaah hi nahi

Ho gaye aise ke goya kabhi kuch tha hi nahi

shab-e-hijraan ki aziyat ki khabar kisko hai

shab-e-hijraan ki aziyat ki khabar kisko hai
meri gumnaam muhabbat ki khabar kisko hai

kisko ehsaas meri shiddat-e-jazbaat ka hai
meri haalat meri wehshat ki khabar kisko hai

kon veeraan makaanon ki khabar rakhta hai
meri ujri hui qismat ki khabar kisko hai

meiney cup chaap muhabbat k sitam jhailey hain
meri is darja sharafat ki khabar kisko hai

kon aaye ga ay dil tujhko ab tasallii deney
teri udaas tabiyat ki khabar kisko hai 

Jab se Bichre mujh se Tumhare Khayal k Din

Jab se Bichre mujh se Tumhare Khayal k Din
shoro ho gayi Hijer ki Raateen or Wisal k Din

Tumhare Jane k Baad to Log Pehchante hi nahi
Urooj Guzar Gaya aa jaye Mujh per Zawal k Din

Haath main Haath liye Aik Dosre ki Baateen Sunte the
Yaad bohat aate hain Mujhe woh Kamal k Din

Khushioon ki Tamana ab bhi Baqi hai is Dil main
Kash Jaldi se Gzuer Jaye yeh Ranj O Malal k din

Ab to Awaz Azan Sun kar bhi nahi Ate teri Taraf
A Khuda Lota de Hum ko woh Azan e Bilal k Din

Meri Rooh Ko Tanhai Ki Zanjeer Pehna Kar...!!!

Meri Rooh Ko Tanhai Ki Zanjeer Pehna Kar...!!!

Woh Mere Paas To Hota Hai Par Mera Nahi Hota..!!\

Har Taqaaza Ishq Ki Fitrat Ka Ho Jis Se Khamosh

Har Taqaaza Ishq Ki Fitrat Ka Ho Jis Se Khamosh
Aah Woh Kaamil Tajalli-e-Muddaa Rakhta Hoon Main,

Justaju Kul Ki Liye Pherti Hai Ajzaa Mein Mujhe
Husn Be-Payaan Hai, Dard-e-Laa-Dawaa Rakhta Hon Mein.
(Alama Iqbal)

aaGaaz to hotaa hai anjaam nahii.n hotaa

aaGaaz to hotaa hai anjaam nahii.n hotaa
jab merii kahaanii me.n vo naam nahii.n hotaa

[aaGaaz = start; anjaam = end/result]

jab zulf kii kaalikh me.n ghul jaaye ko_ii rahii
bad_naam sahii lekin gum_naam nahii.n hotaa

[kaalikh = blackness]

ha.Ns ha.Ns ke javaa.N dil ke ham kyo.n na chune.n Tuka.De
har shaKhs kii qismat me.n inaam nahiin hotaa

bahate hue aa.Nsuu ne aa.Nkho.n se kahaa tham kar
jo mai se pighal jaaye vo jaam nahii.n hotaa

din Duube hai.n yaa Duubii baaraat liye kashtii
saahil pe magar ko_ii koharaam nahiin hotaa

aag puurii kahaa.N bujhii hai abhii

aag puurii kahaa.N bujhii hai abhii
diidaa-e-tar me.n tishnagii hai abhii

[diidaa-e-tar = wet eyes/eyes filled with tears]
[tishnagii = thirst]

dosto.n se chukaa rahaa huu.N hisaab
dushmano.n se kahaa.N Thanii hai abhii

dost kah kar mujhe na de gaalii
dil pe ik zaKhm-e-dostii hai abhii

kaaT de ye bhii Khud_parastii me.n
aur tho.Dii sii zindagii hai abhii

[Khud_parastii = egoistic]

jaane kyo.n kund ho gayaa nashtar
zaKhm kii dhaar to vahii hai abhii

[kund = blunt/ineffectual; nashtar = knife]

Koi Lamha Bhi Kabhi Laut Kar Nahi Aaya,

Koi Lamha Bhi Kabhi Laut Kar Nahi Aaya,

Wo Shakhs Aisa Gaya Phir Nazar Nahi Aaya,

Wafa Ke Dasht Mein Rasta Nahi Mila Koi,

Siwaye Gard-E-Safar Humsafar Nahi Aaya,

Kisi Chirag Ne Puchhi Nahi Khabar Meri,

Koi Bhi Phool Mere Naam Par Nahi Aaya,

Palat Kar Aane Lage Shaam Ke Parinde Bhi,

Hamara Subah Ka Bhoola Magar Nahi Aaya,

Hamein YaQeen Hai Wo Wafa Khilaaf,

Ye Umar Kaise Kategi Aur Nahi Aaya...

ye aur baat teri gali mein na aayen ham

ye aur baat teri gali mein na aayen ham
lekin ye kya ki shahar teraa chod jaayen ham

muddat hui hai kuu e butaan kii taraf gaye
aawaaragi se dil ko kahan tak bachaayen ham

... shaayad ba qaid e zeest ye saa'at na aa sake
tum daastaan e shauq suno aur sunaayen ham

be noor ho chukii hai bahut shahar ki fazaa
taareek raaston mein kahin kho na jaayen ham

us k bagair aaj bahut jee udaas hai
Jalib chalo kahin se use dhoondh laayen ham

AZEEM HAI YEH QURBAT KI DURYAN BHI

AZEEM HAI YEH QURBAT KI DURYAN BHI
SAATH REH KER BHI US KO NA PANA KAISA LAGTA HAI

KISMAT MEIN NAHIN PHIR BHI USSE CHAHTE HAIN
PHOOL SAMJH KER KANTO PER CHALNA KAISA LAGTA HAI

AB TU MEHFIL MEIN BHI HUMARE LIYE TANHAI HAI
GHUM CHUPA KER MEHFIL KO SAJANA KAISA LAGTA HAI

MEHFIL MEIN DOSRO SE HANS HANS KER MILTE HAIN
TANHAI MEIN GHUM KE ANSOO BAHNA KAISA LAGTA HAI

SAMJHANE PER BHI SAMJHTA NAHIN HAI YEH DIL
US KI YAAD MEIN RAATOON KO JAGNA KAISA LAGTA HAI

USKI BERUHKI NE ITNE DIYE HAI ZAHKAM KE
ZAKHAM KHA KER BHI MUSKURANA KAISA LAGTA HAI

US SANGDIL NE TOR DIYA MERE ARMANOO KA TAJ MAHAL
DIL KE KABRUSTAN MEIN ARMANO KO DAFNANA KAISA LAGTA HAI

JAB WOH HANS HANS KER BAAT KARE DOSRO SE
TAB APNE ANSOON KO CHUPANA KAISA LAGTA HAI

USSE KHO KER TU MERE PAS RAHA KUCH BHI NAHIN
PHIR BHI KHUD KO AMEER BATANA KAISA LAGTA HAI

KHUD KO ANMOOL SAMJHNE KA THA BARA GHUMAND
PHIR BHI BEMOL BIKJANA KAISA LAGTA HAI

KHAYE HAI DHOKKAY MUHABBAT MEIN ITNE KE
PHIR BHI US KO CHAHNA KAISA LAGTA HAI

MALOOM HAI IS DEWANE KI MANZIL NAHIN HAI KOI
PHIR BHI SAFA KERTE REHNA KAISA LAGTA HAI

WOH TU AAKAR BHI KAB KE JACHUKKAY HAIN
PHIR BHI US KA INTIZAR KERNA KAISA LAGTA HAI......

Tanhaiyon Ka Zehar Peena Kesa Lagta Hai

Tanhaiyon Ka Zehar Peena Kesa Lagta Hai
Koi Hum Sey pochey
Kisi Ki Yadoon Main Khoyey Rehna Kesa Lagta Hai
Koi Hum sey Pochey
Kabhi Akelay Main Apnay Aap Hi Hans Dena Kesa Lagta Hai
Koi Hum sey pochey
Kabhi Tanha Bethay Bethay Khud Hi RoLena Kesa Lagta Hai
Koi Hum Sey Pochey
Kissi K Intizar Ki Bechaini Main Taraptey Rehna Kesa Lagta Hai
Koi Hum Sey Pochey
Yeh Jaan Kar Bhi k Aanay Wala Aye Ga Nahin
Us Ki Rahoon Main Palken Bichaey Baithna Kesa Lagta Hai
Koi Hum sey pochey
Neend To Ankhon Se Koson Meel Door Hai
Yeh Soch Ker Raton Ko Tarey Ginna Kesa Lagta Hai
Koi Hum Sey pochey
Kiya Pata Agli Subha "UN" Ka Deedar Naseeb Ho
Yeh Sooch Ker Khuda Sey Dua Mangtey Rehna
K Abhi Din Ka Ujala Ho Jaey Kesa Lagta Hai
Koi Hum Sey Pochey....!!!

Bhari mehfil main tanha ho geay hain

Bhari mehfil main tanha ho geay hain
Kay ham sapnoon main aisay kho geay hain

Hamain un say nahin koi shikayat
Muqqaddar main jo kanttay bo geay hain

Hamari zindgee thee jin kay dam say
Wo dharttee orr kar ab so geay hain

Kahaan say layen gay ab un kay jaisa
Wo thay meenar e azmat, jo geay hain

Hay ye to ek peghaam e ebrat
Jo aye hain jahaan main, wo geay hain