Qariya-e-girya sajany ko gharoN se nikly

Qariya-e-girya sajany ko gharoN se nikly

ham wo deewany thy jo deedawaroN se nilky

koi surat nazar aaye k ye halat ho bahaal

koi tadbeer kye soda saroN se nikly

daam-e-sayyad jala aur hua khakastar

kuch sharar paoN se kuch mery paroN se nikly

kon imdaad ko aata tha hawa-e-khud sar

kon thy jo teri dastak pe gharoN se nikly

izn hi zaad-e-safar tha, tery hijrat zaady

be amaN be sar o samaN jo gharoN se nikly

kya tera zikr chiRa zikr-e-wafa se pehly

kuch khirad mand bhi aashufta saroN se nikly

Murgh-e-ana hay daam ke qurb-o-jawar meiN

Murgh-e-ana hay daam ke qurb-o-jawar meiN,
qissa hay ikhtataam ke qurb-o-jawar meiN...

kaghar pe be-dhyaan wo likhta chala gay,
ik naam apny naam ke qurb-o-jawar meiN

shehr-e-khayal-e-yarjo bar-e-digar huN maiN
kuch gham thy mery kaam ke qurb-o-jawar meiN

wo surkhi-e-falak, wo ghaTa, aur kohsaar,
ham thy haseen sham k qurb-o-jwarr meiN...

din phool titlioN meiN kaTa hay to raat ko,
jugnu haiN kush kharam ke qurb-o-jawar meiN...

Shakir ne toba ki hay ke rindoN se dosti
tukRy paRy haiN jaam ke qurb-o-jawar meiN...

chahy kuch bhee na rahy sary ka sara ja'ye

chahy kuch bhee na rahy sary ka sara ja'ye
chand ko apny hi aangan meiN utraara ja'ye

daikhna sail-e-rawaN aik qayamat ho gi,
is meiN apna koi Dooby ya tumhara ja'ye

paar kr aaya hay wo kacchy ghaRy pr darya,
is pe logoN ko ye zidd hay k dobara ja'ye

youN to sawan bhi tery bin nahiN kaaTy kaT'ta,
tu bata kesy desamber ko guzara ja'ye

ik anaa hay jo hmaiN rok rahi hay Shakir,
wo to laut aa'ye ager us ko pukara ja'ye

Jisy ab khastagi ka saamna hai

Jisy ab khastagi ka saamna hai
usy girty falak ko thamna hai

ye tum pr hay ke is rakht-e-safar ko
hmaiN ab kholna ya bandhna hai

tery zimmy tha dil meiN beej bona
mery zimmy ab in ko kaaTna hai

rida-e-gham mujhy aadhi na dena
mujhy pory badan ko dhanpna hai

kari hay neind jis ne mery ander
usy ab meri khatir jagna hai

naei basti na'ye chehry haiN Shakir
yahaN kis ne tujhy pechan'na hai