Mashq-e-sitam farmaate rahiye

 Mashq-e-sitam farmaate rahiye ,

sahan-e-chaman mei.n aate rahiye,

yuu.N hii mujhe ta.Dpaate rahiye, 

pyaaso.n ko tarsaate rahiye, 

jaam yuu.N hii chhalakaate rahiye, 

qadamo.n me.n aa jaayegaa saahil ,

tuufaa.N se Takaraate rahiye, 

nazme.n jahaa.N ulajhe to ulajhe, 

zulfo.n ko sulajhaate rahiye, 

fasl-e-bahaaraa.N ruuTh naa jaaye, 

Kaise sukuun paauu.N tujhe dekhane ke baad

Kaise sukuun paauu.N tujhe dekhane ke baad,
ab kyaa Ghazal sunauu.N tujhe dekhane ke baad 

aavaaz de rahii hai merii zindagii mujhe, 
jaauu.N mai.n yaa na jaauu.N tujhe dekhane ke baad,

kaabe kaa ehataraam bhii merii nazar me.n hai ,
sar kis taraf jhukaauu.N tujhe dekhane ke baad, 

terii nigah-e-mast ne maKhmuur kar diyaa,
kyaa maikade ko jaauu.N tujhe dekhane ke baad ,

nazaro.n me.n taab-e-diid hii baaqii nahii.n rahii,
kis se nazar milaauu.N tujhe dekhane ke baad. 

Abhii josh-e-bahaaraa.N dekhanaa hai,

Abhii josh-e-bahaaraa.N dekhanaa hai, 
garebaa.N ko garebaa.N dekhanaa hai, 

a.Ndhere ko kaleje se lagaa le, 
agar jashn-e-charaaGhaa.N dekhanaa hai, 

na dekhaa jaayegaa jalataa nasheman, 
magar taa hadd-e-imkaa dekhanaa hai 

ataa kar usako yaa rab daulat-e-Gham, 
agar insaa.N ko insaa.N dekhanaa hai ,

"Saeed" fasl-e-gul ho Khizaa.N ho, 
ba har suurat gulistaa.N dekhanaa hai.