visaal lamhee bohat khushgawar aaye hein

phool khushbu ke nashay hi mein bikhar jaty hein

Baagh mein ug raha hai jungle bhi

Saray kirdar ghazal mein hein fasanay walay

Aaj baithay hein rahguzaar mein hum

Yeh jo pur shekasta hai fakhta yeh jo zakam zakam gulab hai

Ab nazar ati nahi chehron pe hairaani bhi

Apna muskan meri aankhon mein bananay walay

Yeh jamaal kya,yeh jalaal kya,yeh urooj kya,yeh zawaal kya

us ne bas itna kaha main ne socha kuch nahin

us ne bas itna kaha main ne socha kuch nahin
main wahin pathra gya main ne socha kuch nahin

koun hai kaisa hai woh mujh ko is se kya garz
woh mujhe accha laga main se socha kuch nahin

main bhi to insaan tha eik khami rah gai
main ne jis ko dil dia main ne soch kuch nahin

thi hararat khun mein aankh dhoka kha gai
khun jalta hi raha main ne socha kuch nahin

dosti or dushmani eik had per kuch nahin
ajnabi tha aashna main ne socha kuch nahin

us ki khatar sochna,sochna bhi raat din
phir bhi mujh ko yun laga main ne soch kuch nahin

nafratein thin saad  jee chahaton ke darmiyan
chahaton mein kya hua main ne socha kuch nahin

rang utharnay mein bohat der lagi

rang utharnay mein bohat der lagi
dil thaharnay mein bohat der lagi

teri aankhon ki tarha gehra tha
zakham bharnay mein bohat der lagi

baat karna thi zara si tujh se
baat karnay mein bohat der lagi

kat gai raat tere khawabon mein
din guzarnay mein bohat der lagi

kab sameta tha kesi ne mujh ko
kab bikharnay mein bohat der lagi

zindagi  guzri hai pal mein meri
saad marnay mein bohat der lagi

jane kis ne bant diye hein aa kar ghar ghar khawab

jane kis ne bant diye hein aa kar ghar ghar khawab
sachi baat hai main ne dekhay khawab ke andar khawab

main hoon eik haqeqat ya phir eik urta afsana
andar mere jagraty hein aur hein baher khawab

us ki yaad mein soya hoon totoot ke bikhra hoon
main tha neend eik shishay jaisi aur woh pathar khawab

jee kahta hai sharma kar woh aur bhi khil uthay ga
chalo chalen phir dekhin is ko aaj suna kar khawab

mujh se kahti hai dastak darwazay per a kar
jagtay rahna lout na jaein neend se dar kar khawab

Jahaa.N phuulo.n ko khilnaa thaa vahii.n khilte to accha thaa,

Jahaa.N phuulo.n ko khilnaa thaa vahii.n khilte to accha thaa,
tumhii.n ko ham ne chaahaa thaa tumhii.n milte to accha thaa,

ko_ii aakar hame.n puuchhe tumhe.n kaise bhulaayaa hai,
tumhaare Khat ko ashko.n se shab-e-Gham me.n jalaayaa hai,
hazaaro.n zaKhm aise hai.n agar silate to acchathaa,

tumhe.n jitanaa bhulaayaa hai tumharii yaad aa_ii hai,
bahaar-e-nau jo aa_ii hai vo hii Khushbuu laa_ii hai,
tumhare lab merii Khaatir agar hilate to acchathaa,

milaa hai lutf bhii ham ko hasii.n yaado.n kii jhil-mil me.n,
kaTatii hai zindagii tum bin magar itanii sii hai dil me.n,
agar tum aate to accha thaa agar milate to acchathaa.

Woh jo ziddi tha bohat, mai'n bhi to khudsar thehra,

Woh jo ziddi tha bohat, mai'n bhi to khudsar thehra,
Ma’sala aur bigharna hi muqqadar thehra,

Mai'n to saahil tha jo chalta bhi to kaise chalta,
Woh bhi moujo'n ki tarah aaya to pal bhar thehra,

Chaand pagla tha, chala aaya jo meri janib,
Mai'n to baadal tha hamesha se be-ghar thehra,

Woh chala aaya khayalo'n mai'n hena ki surat,
Rang dena tha usey aur mai'n patthar thehra,

Mai'n to baarish hoo'n baras jaou'n ga qatra qatra,
Woh to kuch aur dhaley ga ke mar mar thehra,

Koi dekhey to zara uss ki karishma-saazi,
Dil main rehtey huey kaisey hai woh bahar thehra,

Kuch hum bhi janooni they wafa kerney main,
Aur kuch uss ki jafaoun main tawa-tar thehra,

"Saad" phulou'n se sajata kabhi angan lekin,
Woh to ghairou'n ki tarah soch ke dar per thehra.

Na main yoo'n dar badar phirta, na tum khudko saza daitey

Na main yoo'n dar badar phirta, na tum khudko saza daitey
ye accha tha k ham dono zamane ko bhula daitey


boht atcha huwa mehfil mai ruswai na ho pai
khushi se ro hi parhtey ham agar tum muskura daitey


ye behtar hai k dard apna, chupa hai apne siney mein
wagar na SAAD dushman bhi bohot usko hawa daitey

Tumne kaisa yeh raabta rakkha

Tumne kaisa yeh raabta rakkha
Na mile ho na faasla rakkha

Kitni rounaq hai perh par jab se
Aik chirhiya ne gho'nsla rakkha

Nahi'n chaha kisi ko tere sewa
Tune ham ko bhi paarsa rakkha

Phool khilte hi khul gayee aa'nkhe'n
Kisne khushbu me'n saneha rakkha

Tu na ruswa ho isliye hamne
Apni chahat pe daira rakhkha