shola-e-rukh mast nazar yaad aaya

shola-e-rukh mast nazar yaad aaya
rashk khursheed ko qamar yaad aaya

ashq aankhon se chalakte hi rahe
jab kabhi woh gultar yaad aaya

barq chamki to nasheman dekha
shaakh tooti to samar yaad aaya

chand ki simto jo dekha zeya
anpe armaan ka safar yaad aaya ...!!!

Hai Duaa Yaad Magar Harf-E-Duaa Yaad Nahii.N

Hai Duaa Yaad Magar Harf-E-Duaa Yaad Nahii.N
Mere Nagmaat Ko A.Ndaaz-E-Navaa Yaad Nahii.N


Mai.N Ne Palako.N Se Dar-E-Yaar Pe Dastak Dii Hai
Mai.N Vo Saahil Huu.N Jise Ko_Ii Sadaa Yaad Nahii.N


Mai.N Ne Jin Ke Liye Raaho.N Me.N Bichhayaa Thaa Lahuu
Ham Se Kahate Hai.N Vahii Ahad-E-Vafaa Yaad Nahii.N


Kaise Bhar Aa_Ii.N Sar-E-Shaam Kisii Kii Aa.Nkhe.N
Kaise Tharraa_E Charaago.N Kii Ziyaa Yaad Nahii.N


Sirf Dhu.Ndhalaa_Ii Sitaaro.N Kii Chamak Dekhii Hai
Kab Huaa Kaun Huaa Kis Se Khafaa Yaad Nahii.N


Zindagii Jabr-E-Musalasal Kii Tarah Katatii Hai
Jaane Kis Jurm Kii Paa_Ii Hai Sazaa Yaad Nahii.N


Aao Ik Sajdaa Kare.N Aalam-E-Madhahoshii Me.N
Kahate Hai.N Ke "Sagar" Ko Khudaa Yaad Nahii.N

Mahfilain Lut Gayen Jazbat Ne Dam Tor Dia

Mahfilain Lut Gayen Jazbat Ne Dam Tor Dia
Saaz Khamosh Hain Naghmaat Ne Dam Tor Dia


Har Mussarat Gham-E- Deeroze Ka Unwaan Bani
Waqt Ki God Main Lamhaat Ne Dam Tor Dia


An Gint Mahfilain Mahroom Charaghan Hai Abhi
Kon Kahta Hai Ke Zulmaat Ne Dam Tor Dia


Aaj Phir Bujh Gaye Jal Jal Ke Umeedon Ke Charagh
Aaj Phir Taaron Bhari Raat Ne Dam Tor Dia


Jin Se Afsana -E -Hasti Mai Tasalsul Tha Kabhi
In Mohabbat Ki Rawayaat Ne Dam Tor Dia


Jhilmilatay Huay Ashkon Ki Lari Toot Gayi
Jagmagati Huyi Barsaat Ne Dam Tor Dia


Haaay Aadab-E- Mohabbat Ke Takazay Saghir
Lab Hilay Aur Shikayaat Ne Dam Tor Dia

Teri Nazar Ka Rang Bahanon Ne Le Liya

Teri Nazar Ka Rang Bahanon Ne Le Liya
Afsurdgi Ka Roop Taraano’n Ne Le Liya

Jin Ko Bhari Bahaar Mein Ghunchay Na Keh Sake
Woh Waaqeyaa Bhi Mere Fasaanon Ne Liya

Shayed Milay Ga Qaryaa Mehtaab Mein Sakoon
Ehl-E-Fard Ko Aese Gumaano’n Ne Le Liya

Yazwaa’n Se Bacha Raha Tha Jalalat Ka Ek Lafz
Us Ko Haram Ke Shokh Beyaano’n Ne Le Liya

Teri Adaa Se Ho Na Saka Jis Ka Faisla
Woh Zindagi Ka Raaz Fashaano’n Ne Le Liya

Afsaana Hayaat Ki Takmeel Ho Gayi
Apno’n Ne Le Liya Ke Begaano’n Ne Liya

Bholi Nahin Woh Qos-E-Qazaah Ki Si Surtain
Saghir Tumhain To Mast Dheyaano’n Ne Le Liya

Poocha kisi ne haal kisi ka tu roo diye

Poocha kisi ne haal kisi ka tu roo diye
 Paani mein aks chand ka dekha tu roo diye

Nagma kisi ne saaz pe chhera tu hans parey
 Ganicha kisi ne shhah se toora tu roo diye

Uurta hua gubar sare e raa dekh ker
 Anjam hum ne ishq ka soocha tu roo diye

Badal fiza mein aap ki tasveer ban gaye
 Saaya koi khayal se guzra tu roo diye

Rang e shafak se aag shagofon mein lag gayi
 Sager hamarey haath se chalka tu roo diye

chupaaye dil meIn Ghamoon ka jahan baithe hain

chupaaye dil meIn Ghamoon ka jahan baithe hain
 tumhaarii bazm mein ham bezabaan baithe hain

ye aur baat ki manzil pe ham pohanch na sake
 magar ye kam hai ki raahon ko chhaan baithe hain

fugaa.n hai dard hai soz-o-firaaq-o-daag-e-alam
 abhii to ghar mein bohat meharabaan baithe hain

ab aur gardish-e-taqadiir kyaa sataayegii
 lutaa ke ishq mein naam-o-nishaan baithe hain

vo ek lafz-e-mohabbat hii dil kaa dushman hai
 jise shariat-e-ehasaas maan baithe hain

hai maikadon kii bahaaron se dostii 'Sagar'
 baraaye had-e-yaqiin-o-gumaan baithe hain

Manzil e Gham Ki Fizao Se Lipat Kr Ro Lon

Manzil e Gham Ki Fizao Se Lipat Kr Ro Lon

Ter Daman ki hawao se lipat ker ro lon

Jaam e may pinay se pehle mera g chahata hai

Bikhari zulfo ki gatao se lipat ker ro lon

Zard Ghuncho ki nigaho mein nigahain dalon

Surkh pholo ki qabaho mein lipat ker ro lon

Ane waley tere raste mein bichao ankhian

Jane waley tere paon se lipat ker ro lon

Apne majbor taqadus k sahare Saghar

Dair o Qaba k Khudao se lipat ker ro lon