رنجِ فراقِ یار میں رسوا نہیں ہواRanj e firake yaar mein ruswa nahin hua

 

GHAZALS

Zinda Rahen To Kya Hai Jo Mar Jayen Ham To Kya

Zinda Rahen To Kya Hai Jo Mar Jayen Ham To Kya
Duniya Main Khamoshi Se Guzar Jayen Ham To Kya

Hasti Hi Apni Kya Hai Zamane K Samne
Ek Khwab Hain Jahan Main Bikhar Jayen Ham To Kya

Ab Kaun Muntazir Hai Hamare Liye Wahan
Sham A Gai Hai Laut K Ghar Jayen Ham To Kya

Dil Ki Khalish To Sath Rahegi Tamam Umr
Dariya-E-Gam K Par Utar Jayen Ham To Kya

Us Simt Mujh Ko Yar Ne Jane Nahin Diya

Us Simt Mujh Ko Yar Ne Jane Nahin Diya
Ek Aur Shahar-E-Yar Main Ane Nahin Diya

Kuch Aur Waqt Chahte The K Sochen Tere Liye
Tune Wo Waqt Ham Ko Zamane Nahin Diya

Manzil Hai Is Mahak Ki Kahan Kis Chaman Main Hai
Is Ka Pata Safar Main Hawa Ne Nahin Diya

Roka Ana Ne Kawish-E-Besud Se Mujhe
Us But Ko Apna Hal Sunane Nahin Diya

Hai Jis K Bad Ahad-E-Zawal-Ashna "Munir"
Itna Kamal Ham Ko Khuda Ne Nahin Diya

Hamesha Der Kar Deta Hun Main

Hamesha Der Kar Deta Hun Main

Zaruri Bat Kahni Ho
Koi Wada Nibhana Ho
Use Awaz Deni Ho
Use Wapas Bulana Ho
Hamesha Der Kar Deta Hun Main

Madad Karni Ho Uski
Yar Ki Dharas Bandhana Ho
Bahut Derina Raston Par
Kisi Se Milne Jana Ho
Hamesha Der Kar Deta Hun Main

Badalte Mausamon Ki Sair Main
Dil Ko Lagana Ho
Kisi Ko Yad Rakhna Ho
Kisi Ko Bhul Jana Ho
Hamesha Der Kar Deta Hun Main

Kisi Ko Maut Se Pahle
Kisi Gam Se Bachna Ho
Haqiqat Aur Thi Kuch
Us Ko Ja K Ye Batana Ho
Hamesha Der Kar Deta Hun Main

Meri Sari Zindagi Ko Besamar Us Ne Kia

Meri Sari Zindagi Ko Besamar Us Ne Kia
Umar Meri Thi Magar Is Ko Basar Us Ne Kia


Main Bohat Kamzor Tha Is Mulk Mein Hijrat K Baad
Per Mujhe Is Mulk Mein Kamzor Tar Us Ne Kia


Rehber Mera Bana Gumrah Kerne K Liye
Mujh Ko Seedhe Raastay Se Dar Badar Us Ne Kia


Sheher Mein Wo Mo'ataber Meri Gawahi Se Huwa
Phir Mujhe Is Sheher Mein Na Mo'atber Us Ne Kia


Sheher Ko Us Ne Barbaad Ker K Rakh Dia Muneer
Sheher Per Zulm Mere Naam Per Us Ne Kia