kaise kah duu.N ki mulaaqaat nahii.n hotii hai

kaise kah duu.N ki mulaaqaat nahii.n hotii hai 
roz milate hai.n magar baat nahii.n hotii hai 

aap lillaah na dekhaa kare.n aaiinaa kabhii 
dil kaa aa jaanaa ba.Dii baat nahii.n hotii hai

chhup ke rotaa huu.N terii yaad me.n duniyaa bhar se 
kab merii aa.Nkh se barasaat nahii.n hotii hai 

haal-e-dil puuchhane vaale terii duniyaa me.n kabhii 
din to hotaa hai magar raat nahii.n hotii hai 

jab bhii milate hai.n to kahate hai.n kaise ho "Shakeel" 
is se aage to koii baat nahii.n hotii hai 

jiine vaale qazaa se Darate hai.n

jiine vaale qazaa se Darate hai.n 
zahar piikar davaa se Darate hai.n

[qazaa=death; zahar=poison]

zaahido.n ko kisii kaa Khauf nahii.n 
sirf kaalii ghaTaa se Darate hai.n

[zaahid=knowledgeable/religious person; Khauf - fear]

aah jo kuchh kahe hame.n ma.nzuur 
nek ba.nde Khudaa se Darate hai.n

[ma.nzuur=acceptable]

dushmano.n ke sitam kaa Khuaf nahii.n 
dosto.n kii vafaa se Darate hai.n

[sitam=torment]

azm-o-himmat ke baavajuud "Shakeel" 
ishq kii ibtadaa se Darate hai.n

[azm=decision; ibtadaa=beginning/start]

ha.ngaamaa-e-Gam se ta.ng aakar izhaar-e-musarrat kar baiThe

ha.ngaamaa-e-Gam se ta.ng aakar izhaar-e-musarrat kar baiThe 
mashahuur thii apanii zi.ndaadilii daanistaa sharaarat kar baiThe 
[izhaar-e-musarrat=show off happiness; daanistaa=knowlingly] 
koshish to bahot kii hamane magar paayaa na Gam-e-hastii kaa mafar 
viiraanii-e-dil jab had se ba.Dii ghabaraa ke mohabbat kar baiThe 
[mafar=hiding place] 
nazaro.n se na karate pursish-e-Gam Khaamosh hii rahanaa bahatar thaa 
diivaano ko tumane chhe.D diyaa wallaah qayaamat kar baiThe 
[pursish=inquire] 
har chiiz nahii.n ek markaz par ek roz idhar ik roz udhar 
nafrat se na dekho dushman ko shaayad ye mohabbat kar baiThe 
[markaz=focal point] 

Gam-e-aashiqii se kah do raah-e-aam tak na pahu.Nche

Gam-e-aashiqii se kah do raah-e-aam tak na pahu.Nche 
mujhe Khauf hai ye tohamat mere naam tak na pahu.Nche 

mai.n nazar se pee rahaa thaa to ye dil ne bad-duaa dii 
teraa haath zindagii bhar kabhii jaam tak na pahu.Nche 

naii subah par nazar hai magar aah ye bhii Dar hai 
ye sahar bhii raftaa raftaa kahii.n shaam tak na pahu.Nche 

vo navaa-e-muzamahil kyaa na ho jis me.n dil kii dha.Dakan 
vo sadaa-e-ahale-dil kyaa jo avaam tak na pahu.Nche 

u.nhe.n apane dil kii Khabare.n mere dil se mil rahii hai.n 
mai.n jo unase ruuTh jaauu.N to payaam tak na pahu.Nche 

ye adaa-e-beniaazii tujhe bevafaa mubaarak 
magar aisii beruKhii kyaa ke salaam tak na pahu.Nche 

jo naqaab-e-ruKh uThaa dii to ye qaid bhii lagaa dii 
uThe har nigaah lekin koii baam tak na pahu.Nche 

vahii ik Khamosh naGmaa hai "Shakeel" jaan-e-hastii 
jo zubaa.N tak na aaye jo qalaam tak na pahu.Nche 

duur hai manzil raahe.n mushkil aalam hai tanahaa_ii kaa

duur hai manzil raahe.n mushkil aalam hai tanahaa_ii kaa
aaj mujhe ehasaas huaa hai apani shikastaapaa_ii kaa
[shikastaah_paaii=infirmity of the feet]
dekh ke mujh ko duniyaaa vaale kahane lage hai.n diivaanaa
aaj vahaa.N hai ishq jahaa.N kuchh Khauf nahii.n rusavaa_ii kaa 
chho.D de.n rasm-e-Khud_nigarii ko to.D de.n apanaa iimaa.N
Khatm kiye detaa hai zaalim ruup terii a.nga.Daa_ii kaa
Note: Peenaz Masani sinsg this as: 
chho.D de rasm-e-Khud_nigarii ko chho.D de apanaa haath yahaa.N 
Khaak kiye detaa hai zaalim ruup terii a.nga.Daa_ii kaa 

mai.n ne ziyaa husn ko baKhshii us kaa to ko_ii zikr nahii.n
lekin ghar ghar me.n charchaa hai aaj terii raanaa_ii kaa
[ziyaaye.n=splendour, brilliance; raanaaii=radiance]
ahal-e-havas ab ghabaraate hai.n Duub ke behar-e-Gam me.n "Shakeel" 
pahale na thaa bechaaro.n ko a.ndaazaa geharaa_ii kaa
[havas=desire; behar=sea, gulf, bay]

bas ik nigaah-e-karam hai kaafii agar u.nhe.n pesh-o-pas nahii.n hai

bas ik nigaah-e-karam hai kaafii agar u.nhe.n pesh-o-pas nahii.n hai 
zaahe tamannaa kii merii fitarat asiir-e-hirs-o-havas nahii.n hai

nazar se sayyaad duur ho jaa yahaa.N teraa mujh pe bas nahii.n hai 
chaman ko barbaad karanevaale ye aashiyaa.N hai qafas nahii.n hai

kisii ke jalve ta.Dap rahe hai.n huduud-e-hosh-o-Khirad ke aage 
huduud-e-hosh-o-Khirad ke aage nigaah ke dastaras nahii.n hai

jahaa.N kii nayarangiiyo.n se yaksar badal ga_ii aashiyaa.N kii suurat 
qafas samajhatii hai.n jin ko nazare.n vo dar-haqiiqat qafas nahii.n hai

kahaa.N ke naale kahaa.N kii aahe.n jamii hai.n un kii taraf nigaahe.n 
kuchh is qadar mahv-e-yaad huu.N mai.n ki fursat-e-yak-nafas nahii.n hai

tasavvur-e-ishrat-e-guzishtaa kaa husn-e-taasiir allaah allaah 
vahii fazaaye.N vahii havaaye.N chaman se kuchh kam qafas nahii.n hai

kisii ke be'etanaa_iyo.n ne badal hii Daalaa nizaam-e-gulashan 
jo baat pahale bahaar me.n thii vo baat ab ke baras nahii.n hai

ye buu-e-sumbul, ye Khaa.ndaa gul aur aah! ye dard bharii sadaaye.N 
qafas ke a.ndar chaman ho shaayad chaman ke a.ndar qafas nahii.n hai

na hosh-e-Khilvat na fikr-e-mahafil ayaa.N ho ab kis pe haalaat-e-dil 
mai.n aap hii apanaa ham-nafas huu.N meraa ko_ii ham-nafas nahii.n hai

kare.n bhii kyaa shikavaa-e-zamaanaa kahe.n bhii kyaa dard kaa fasaanaa 
jahaa.N me.n hai.n laakh dushman-e-jaa.N ko_ii masiihaa nafas nahii.n hai

sunii hai ahal-e-junuu.N ne aksar Khaamoshii-e-marg kii sadaaye.N 
sunaa ye thaa kaaravaan-e-hastii rahiin-e-baa.ng-e-jaras nahii.n hai

chaman kii aazaadiyaa.N muaKhKhar tasavvur-e-aashiyaa.N muqaddam 
Gam-e-asiiriihai naa-mukammal agar Gam-e-Khaar-o-Khas nahii.n hai

na kar mujhe sharmsaar naaseh mai.n dil se majabuur huu.N ki jis kaa 
hai yuu.N to kaun-o-makaa.N pe qaabuu magar muhabbat pe bas nahii.n hai

kahaa.N vo ummiid aamad aamad kahaa.N ye iifaa_e ahad-e-fardaa 
jab aitabaar-e-nazar na thaa kuchh ab aitabaar-e-nafas nahii.n hai

vahii.n hai.n naGme.n vahii hai naale sun ai mujhe bhuul jaane vaale 
terii sama'at se duur huu.N mai.n jabhii to naalo.n me.n ras nahii.n hai

"Shakeel" duniyaa me.n jis ko dekhaa kuchh us kii duniyaa hii aur dekhii 
hazaar naqqaad-e-zindagii hai.n magar ko_ii nuktaaras nahii.n hai

banaa banaa ke tamannaa miTaa_ii jaatii hai

banaa banaa ke tamannaa miTaa_ii jaatii hai
tarah tarah se vafaa aazamaa_ii jaatii hai

jab un ko merii muhabbat kaa aitabaar nahii.n
to jhukaa jhukaa ke nazar kyo.n milaa_ii jaatii hai

hamaare dil kaa pataa vo hame.n nahii.n dete
hamaarii chiiz hamii.n se chhupaa_ii jaatii hai

'Shakeel' duurii-e-manzil se naa-ummiid na ho
manzil ab aa hii jaatii hai ab aa hii jaatii hai

ai mohabbat tere anjaam pe ronaa aayaa

ai mohabbat tere anjaam pe ronaa aayaa
jaane kyo.n aaj tere naam pe ronaa aayaa

yuu.N to har shaam ummiido.n me.n guzar jaatii thii
aaj kuchh baat hai jo shaam pe ronaa aayaa

kabhii taqdiir kaa maatam kabhii duniyaaa kaa gilaa
manzil-e-ishq me.n har gaam pe ronaa aayaa 

[gaam=step]

jab huaa zikr zamaane me.n mohabbat kaa 'Shakeel'
mujh ko apane dil-e-naakaam pe ronaa aayaa

Un se ummiid-e-ruunumaaii hai

Un se ummiid-e-ruunumaaii hai
kyaa nigaahon kii maut aaii hai

dil ne Gham se shikast khaaii hai
umr-e-raftaa terii duhaaii hai

dil kii barbaadiyon pe naazaan huun
fatah paakar shikast khaaii hai

mere maaabad nahiin hai dair-o-haram
ehatiyaatan jabiin jhukaaii hai

vo havaa de rahe hain daaman kii
haaye kis vaqt niind aaii hai

khul gayaa un kii aarazuu men ye raaz
ziist apanii nahiin paraaii hai

duur ho Ghunche merii nazar se
tuu ne merii hansii churaaii hai

gul fasurdaa chaman udaas 'Shakeel'
yuun bhii aksar bahaar aaii hai

Khush huun ki meraa husn-e-talab kaam to aayaa

Khush huun ki meraa husn-e-talab kaam to aayaa
Khaalii hii sahii merii taraf jaam to aayaa

kaafii hai mere dil ki tasallii ko yahii baat
aap aa na sake aap kaa paighaam to aayaa

apanon ne nazar pherii to dil ne to diyaa saath
duniyaa men koii dost mere kaam to aayaa

wo subah kaa ehasaas ho yaan merii kashish ho
Duubaa hua Khurshiid sar-e-baam to aayaa

log un se ye kahate hain ki kitane hain "Shakeel" aap
is husn ke sadaqe men meraa naam to aayaa

aa.Nkh se aa.Nkh milaataa hai ko_ii

aa.Nkh se aa.Nkh milaataa hai ko_ii
dil ko khii.Nche liye jaataa hai ko_ii

vaa-e-hairat ke bharii mahafil me.n
mujh ko tanhaa nazar aataa hai ko_ii

chaahiye Khud pe yaqiin-e-kaamil
hausalaa kis kaa ba.Dhaataa hai ko_ii

sab karishmaat-e-tasavvur hai "Shakeel"
varanaa aataa hai na jaataa hai ko_ii