Wo jisko ishq zamane se ,aasmaan se tha.

Wo jisko ishq zamane se ,aasmaan se tha.
ajeeb baat thi khayef wahi udaan se tha.


jise suna ke wo mash,hoor ho gaya har su.
wo waqeyaa to hamari hi daastaan se tha.


nibhai sirf na maujon ne rasm sadiyoN ki .
hawaa-e-tund ka rishta bhi baadbaan se tha.


samet li thinn nigahoN ne dooriyaaN sari
agarche door mera ghar tere makaan se tha.


bana hua hai wahin pe mazaar rishtoN ka ..
jo raasta kabhi aangan ke darmiyaan se tha.

KITNA MUSHKIL HAI TAMANNA KA SAFAR DEKH CHUKE..

KITNA MUSHKIL HAI TAMANNA KA SAFAR DEKH CHUKE..
ZINDIGI TERI HAR IK RAAHGUZAR DEKH CHUKE..


KAISE BANTE HAIN BIGARTE HAIN MOQADDER HAI PAL.
YE TAMASHA BHI TO HAM SHAM-O-SAHAR DEKH CHUKE.

AB CHUKATE HAIN WO HAR SAANS KI QEEMAT JAISE .
WO JO DAMAN MEN KABHI SHAMS-O-QAMAR DEKH CHUKE.


KAR KE TAMEER MOHABBAT KA HASEEn TAJ MAHAL.
KAISE LAGTI HAI ZAMANE KI NAZAR DEKH CHUKE.


APNE ASHKON KI LAGAKAR YAHAN QEEMAT "ARIZ"
KITNE NAYAAB HAIN YE LAL-O-GOHAR DEKH CHUKE.

TU NAYE TO TOOT JAUNGA.........

TU NAYE TO TOOT JAUNGA......... 

SURMAI SHAM DILNASHEEn MANZAR.

SHABNAMI SI FAZA QATAAR-E-SHAJAR.

AUR PARCHAYIAn FAREB-E-NAZAR.

TUM NA ATE TO TOOT JAUNGA.

TANZ KARTI HAI MUJH PE MERI WAFA.

WAQT DENE LAGA HAI JAISE SAZA.

KHO NA JAYE KAHIN MERI YE SADA.

TUM NA AYE TO TOOT JAUNGA.

DIN SULAGTA HAI SHAM JALTI HAI.

HASRAT-E-TISHNAKAM JALTI HAI.

SHAMMA YADON KE NAM JALTI HAI.

TUM NA AYE TO TOOT JAUNGA.

SISKIYAn LE RAHI HAI SHAM-E-ALAM.

HAR NAFAS PAR HAIN AANSUON KE SITAM

LADKDANE LAGE HIN MERE QADAM

TUM NA AYE TO TOOT JAUNGA...........................