Urdu Poetry World

  yaas ke qatl mei'n hai khana kharaabi muzmer,  dekh qurb-e- rag-e- gardan hai Thikaana teraa. Author : YAAS BIHARI Qatl ki jab usne di dhamki mujhe , Kah diya mai ne bhi dekha jayega , Pbhi le do ghoont zahid pi bhi le , Maikde se kon pyasa jayega . Author : Bekhud Dehlvi Na daman pe koi chinT na Khanjar pe koi daagh, Tum qatl karo ho ke karamat karo ho. Author : Kalim Aajiz Bachte nahin muwakhza-e-roz-e-hashar se, Qaatil agar raqeeb hai, tau tum gawaah ho. Author : Mirza Ghalib Nazar na lage kahin uske dast-o-baazoo ko, Yeh log kyon mire zakhm-e-jigar ho dekhte hain. Author : Mirza Ghalib Jazba-e-be ikhtiaar-e-shauq dekha chaahieye, Seena-e-shamsheer se baahar hai dam sharnsheer ka. Author : Mirza Ghalib Marne ki, ai dil aur hi tadbir kar he main, Shayaan-e-dast-eo-baazoo-e-qaatil nahi raha. Author : Mirza Ghalib Hum kahaan qismat aazmaane jaaen, Tu hi jab khanjar aazma na hua. Author : Mirza Ghalib Ki mire qatl ke baad usne jafa s...

Barse thal-per doongda,hari-bhari ho ghaas, Barse mujh per mohni,kumhlaaye har aas. Author : T.S.Haroon Iss-baar koee shehr mei'n chhappar nahi'n apna, Iss-baar bade-zor ki barsaat rahegi. Author : Shahid Jameel Woh kaali kaali badliaan, ufaq pe ho gaien ayaan,  Woh ik hajoom-e-maikashaan hai soo-e-maikada rawaan. Author : Hafeez Woh baam pe apne hans raha hai, main raah mein ghum se ro raha hoon, Ajab hai barsaat ka sama yeh, falak pe bijli, zameen pe baaraan. Author : Mahir-ul-Qadri Garmi-o-sardi ke mit jaate hain sab jis se marz, Lal lal ek aisi nikli hai dawa barsaat ki. Author : Hasrat Shaam-e-sar ma dilruba tha, subah-e-garma khush numa, Dilruba tar, khush numa tar hai fiza barsaat ki. Author : Hasrat Moojib-e-soz-o-saroor-o-baais -e-aish-o-nishat, Taazgi bakhsh-e-dil-o-jaan hai hawa barsaatki.   Author : Hasrat Hawa pe daurta hai is tarah yeh abr-e-seah, Ke jaise jaae koi feel -e-mast be zanjeer Author : Zauq Abr-e-neesaan ye...

Thahra gaya hai la ke jo manzil mein ishq ki, Kya jaane rahnuma tha, ke rahzan tha, kaun tha. Author : Aagha Sharf Thahra gaya hai la ke jo manzil mein ishq ki, Kya jaane rahnuma tha, ke rahzan tha, kaun tha. Author : Aagha Sharf Yeh rahbar hain kisi ko ba khabar hone nahin deinge, Guzar jaaegi shab, lekin sahar hone nahin deinge. Author : Ahmad Nadeem Qasmi Rah-e-ghurbat mein apna zor paa-e-naatwaan tak hai, Magar iska bharosa kya hai, yeh bhi hai jahan tak hai. Author : Natiq Galawathi Hazaaron khizar paida kar chuki hai nasl aadam ki, Yeh sab tasleem lekin aadmi ab tab bhatakta hai. Author : Firaq Gorakhpuri Kya kiya Khizar ne Sikander Se, Ab kise rahnuma kahe koi. Author : Mirza Ghalib Chalta hoon thori door har ik tez rau ke saath, Pahchaanta nahin hoon abhi rahbar ko main. Author : Mirza Ghalib Taqleed ki rawish se tau behtar hai khud-kashi, Rasta bhi dhoond, Khizar ha sauda bhz chhor de. Author : Allama Iqbal

nahii.n ki milane milaane kaa sil_silaa rakhanaa  kisii bhii satah pe ko_ii to raabtaa rakhanaa  [satah=level; raabtaa=relationship]  madad kii tum se tavaqqo to Khair kyaa hogii  Gariib-e-shahar-e-sitam huu.N meraa pataa rakhanaa  [madad=help; tavaqqo=expectation]  mare.nge aur hamaare sivaa bhii tum pe bahut  ye jurm hai to phir is jurm kii sazaa rakhanaa  naye safar pe ravaanaa huaa hai az-sar-e-nau  jab aa_uu.Ngaa to meraa naam bhii nayaa rakhanaa  [az-sar-e-nau=a fresh start]  hisaar-e-shauq uThaanaa 'Zafar' zaruur magar  kisii taraf se nikalane kaa raastaa rakhanaa  [hisaar-e-shauq=bonds of desire]  Zafar Iqbal

dekhanaa hai vo mujh par meharabaan kitanaa hai asaliyat kahaa.N tak hai aur gumaan kitanaa hai [asaliyat = reality; gumaan = doubt] kyaa panaah detii hai aur ye zamii.n mujh ko aur abhii mere sar par aasamaan kitanaa hai [panaah = shelter] kuchh Khabar nahii.n aatii kis ravish pe hai tuufaa.N aur kaTaa phaTaa baaqii baadabaan kitanaa hai [baadabaan = sail] to.D pho.D karatii hai.n roz Khvaahishe.n dil me.n tang in makaano.n se ye makaan kitanaa hai kyaa uThaaye phirataa hai baar-e-aashiqii sar par aur dekhane me.n vo dhaan-paan kitanaa hai [baar = weight/burden] harf-e-aarazuu sun kar jaa.nchane lagaa yaanii is me.n baat kitanii hai aur byaan kitanaa hai phir udaas kar degii sarsarii jhalak us kii bhuul kar ye dil us ko shaadamaan kitanaa hai [shaadamaan = happy] (Zafar Iqbal)

zindagii se ba.Dii sazaa hii nahii.n  aur kyaa jurm hai pataa hii nahii.n  itane hisso.n me.n baT gayaa huu.N mai.n  mere hisse me.n kuchh bachaa hii nahii.n  sach ghaTe yaa ba.De to sach na rahe  jhuuTh kii koii intehaa hii nahii.n  ja.D do chaa.Ndii me.n chaahe sone me.n  aaiinaa jhuuTh bolataa hii nahii.n 

vo lab ki jaise saaGar-o-sahabaa dikhaaii de  jumbish jo ho to jaam chhalakataa dikhaaii de  dariyaa me.n yuu.N to hote hai.n qatare hii qatare sab  qataraa vahii hai jisame.n ke dariyaa dikhaaii de  kyo.n aaiinaa kahe.n use patthar na kyo.n kahe.n  jis aaiine me.n aks na usakaa dikhaaii de  us tashnaa-lab kii nii.nd na TuuTe duaa karo  jis tashnaa-lab ko Khvaab me.n dariyaa dikhaaii de  kaisii ajiib shart hai diidaar ke liye  aa.Nkhe.n jo ba.nd ho.n to vo jalavaa dikhaaii de  kyaa husn hai, jamaal hai, kyaa rang-ruup hai  vo bhii.D me.n bhii jaaye to tanahaa dikhaaii de 

nazar milaa na sake us se us nigaah ke baad  vahii hai haal hamaaraa jo ho gunaah ke baad  mai.n kaise aur kis simt mo.Dataa Khud ko  kisii ki chaah na thii dil me.n terii chaah ke baad  zamiir kaa.Np to jataa hai aap kuchh bhii kahe.n  vo ho gunaah se pahale ke ho gunaah ke baad  kaTii huii thii.n tanaabe.n tamaam rishto.n kii  chhupaataa sar mai.n kahaa.N tujhase rasm-o-raah ke baad  havas ne to.D dii baraso.n kii saadhanaa merii  gunaah kiyaa hai ye janaa magar gunaah ke baad  gavaah chaah rahe the vo begunaahii kaa  zubaa.N se kah na sakaa kuchh Khudaa-gavaah ke baad  Khatuut kar diye vaapas magar merii nii.nde.n  i.nhe.n bhii chho.D do ik raham kii nigaah ke baad 

ik Gazal us pe likhuu.N dil kaa takaazaa hai bahut  in dino.n Khud se bichha.D jaane kaa dha.Dakaa hai bahut  raat ho din ho Gafalat ho ki bedaarii ho  usako dekhaa to nahii.n hai use sochaa hai bahut  tashnagii ke bhii muqaamaat hai.n kyaa kyaa yaanii  kabhii dariyaa nahii.n kaafii, kabhii qataraa hai bahut  mere haatho.n kii lakiiro.n ke izaafe hai.n gavaah  mai.n ne patthar kii tarah Khud ko taraashaa hai bahut  koii aayaa hai zaruur aur yahaa.N Thaharaa bhii hai  ghar kii dahaliiz paa-e-nuur ujaalaa hai bahut 

bas ek vaqt kaa Kha.Njar merii talaash me.n hai jo roz bhes badal kar meri talaash me.n hai  mai.n kataraa huu.N meraa alag vajuud to hai  huaa kare jo sama.ndar merii talaash me.n hai  mai.n devataa kii tarah qaid apane ma.ndir me.n  vo mere jism ke baahar merii talaash me.n hai  mai.n jisake haath me.n ik phuul deke aayaa thaa  usii ke haath kaa patthar merii talaash me.n hai 

aag hai paanii hai miTTii hai havaa hai mujh me.n  aur phir maananaa pa.Dataa hai ke Khudaa hai mujh me.n  ab to le-de ke vahii shaKhs bachchaa hai mujh me.n  mujh ko mujh se judaa kar ke jo chhupaa hai mujh me.n  meraa ye haal ubharatii huii ?????? jaise  vo ba.Dii der se kuchh Dhuu.NDh rahaa hai mujh me.n  jitane mausam hai.n sab jaise kahii.n mil jaaye.n  in dino.n kaise bataauu.N jo fazaa hai mujh me.n aaiinaa ye to bataataa hai ke mai.n kyaa huu.N lekin  aaiinaa is pe hai Khamosh ke kyaa hai mujh me.n ab to bas jaan hii dene kii hai baarii ai "Noor"  mai.n kahaa.N tak karuu.N saabit ke vafaa hai mujh me.n 

tumhe.n hai shauq agar bijaliyaa.N giraane kaa hamaaraa kaam bhii hai aashiyaa.N banaane kaa bhalaa vo kaise samandar ke paar utaregaa nafas nafas jinhe.n Khadshaa hai Duub jaane kaa sunaa hai aap hai.n maahir havaa chalaane me.n magar hame.n bhii hunar hai diye jalaane kaa

saaman-e-tijaarat meraa imaan nahii.n hai har dar pe jhuke sar ye merii shaan nahii.n hai [tijaarat = trade] har lafz ko siine me.n basaa lo to bane baat taako.n me.n sajaane ko ye quraan nahii.n hai [taak = shelf] allaah merii rizq kii barakat na chalii jaaye do roz se ghar me.n ko_ii mahamaan nahii.n hai [rizq = subsistence/daily bread; barakat = abundance/good fortune] ham ne to banaaye hai.n samandar me.n bhii raste yuu.N ham ko miTaana ko_ii aasaan nahii.n hai jis ko buzurgo.n kii rivaayat na rahe yaad us shaKhs kii logo.n ko_ii pahachaan nahii.n hai [buzurg = elder]

amn kaa jo paiGaam sunaane vaale hai.n galiyo.n galiyo.n aag lagaane vaale hai.n tum le jaao nezaa Khanjar aur talvaar ham maqtal me.n sar le jaane vaale hai.n  zulm ke kaale baadal se Daranaa kaisaa ye mausam to aane jaane vaale hai.n biimaaro.n kaa ab to Khudaa hii haafiz hai saare masiihaa zahar pilaane vaale hai.n jaan bachaane vaale to sab hai.n lekin ab kitane imaan bachaane vaale hai.n ham ko un valiyo.n kii nisbat haasil hai dasht ko jo gul_zaar banaane vaale hai.n bhuukaa rah ke saa_il ko Khairaat jo de ham bhii 'Majid' usii gharaane vaale hai.n [saa_il = beggar]

ajiib tarz-e-mulaaqaat ab ke bar rahii  tumhii.n the badale hue yaa merii nigaahe.n thii.n  tumhaarii nazaro.n se lagataa thaa jaise merii bajaaye  tumhaare ghar me.n ko_ii aur shaKhs aayaa hai  tumhaare ohade kii dene.n tumhen mubaarak  so tum ne meraa svaagat usii tarah se kiyaa  jo afasaraan-e-hukuumat ke aitaqaad me.n hai  takallufan mere nazadiik aa ke baiTh gaye  phir ehatamaam se mausam kaa zikr chhe.D diyaa  kuchh us ke baad siyaasat kii baat bhii nikalii  adab par bhii ko_ii do chaar tabasare faramaaye  magar na tum ne hameshaa kii tarah ye puuchhaa  kyaa vaqt kaisaa guzarataa hai teraa jaan-e-hayaat  pahaa.D din kii aziiyat me.n kitanii shiddat hai  ujaa.D raat kii tanhaa_ii kyaa qayaamat hai  shabo.n kii sust ravii kaa tujhe bhii shikavaa hai  Gam-e-firaaq ke qisse nishaat-e-vasl kaa zikr  ravaayatan hii sahii ko_ii baat to karate 

isii me.n Khush huu.N meraa dukh ko_ii to sahataa hai  chalii chaluu.N ki jahaa.N tak ye saath rahataa hai  zamiin-e-dil yuu.N hii shaadaab to nahii.n ai dost  qariib me.n ko_ii dariyaa zaruur bahataa hai  na jaane kaun saa fiqraa kahaa.N raqm ho jaaye  dilo.n kaa haal bhii ab kaun kis se kahataa hai  mere badan ko namii khaa ga_ii ashko.n kii  bharii bahaar me.n jaise makaan Dahataa hai 

hamaare daramiyaa.N aisaa ko_ii rishtaa nahii.n thaa  tere shaano.n pe ko_ii chhat nahii.n thii  mere zimme ko_ii aa.Ngan nahii.n thaa  ko_ii vaadaa terii zanjiir-e-paa banane nahii.n paayaa  kisii iqaraar ne merii kalaa_ii ko nahii.n thaamaa  havaa-e-dasht kii maanind  tuu aazaad thaa  raaste terii marzii ke tabe the  mujhe bhii apanii tanhaa_ii pe  dekhaa jaaye to  puuraa tasarruf thaa  magar jab aaj tuu ne  raastaa badalaa  to kuchh aisaa lagaa mujh ko  ke jaise tuu ne mujh se bevafaa_ii kii

mai.n kachchii niind me.n huu.N  aur apane niim_Khvaabidaa tanaffus me.n utaratii  chaa.Ndanii kii chaap sunatii huu.N  gumaa.N hai  aaj bhii shaayad  mere maathe pe tere lab  sitaare sabaat karate hai.n  [niim-Khvaabidaa=half dreaming state; tanaffus=breath]  [shaap=footstep; gumaa.N=suspicion] 

dil kaa kyaa hai vo to chaahegaa musal_sal milanaa  vo sitam_gar bhii magar soche kisii pal milanaa  vaa.N nahii.n vaqt to ham bhii hai.n adiim-ul-fursat  us se kyaa kahiye jo har roz kahe kal milanaa  ishq kii raah ke musaafir kaa muqaddar maaluum  dasht-e-ummiid me.n andeshe kaa baadal milanaa  daaman-e-shab ko agar chaak bhii kar le.n to kahaa.N  nuur me.n Duubaa huaa subah kaa aa.Nchal milanaa 

dasht-e-shab par dikhaa_ii kyaa dengii silavaTe.n roshanii me.n ubharengii ghar kii diivaare.n mere jaane par apanii tanhaa_iyo.n ko sochengii u.Ngaliyo.n ko taraash duu.N phir bhii aadatan us kaa naam likkhengii rang-o-buu se kahii.n panaah nahii.n Khvaahishe.n bhii kahaa.N amaa.N dengii ek Khushbuu se bach bhii jaa_uu.N agar duusarii nikahate.n jaka.D lengii khi.Dakiyo.n par dabiiz parde ho.n baarishe.n phir bhii dastake.n dengii

cheharaa meraa thaa nigaahe.n us kii Khaamushii me.n bhii vo baate.n us kii mere chehare pe Gazal likhatii ga_ii.n sher kahatii hu_ii aa.Nkhe.n us kii shoKh lamho.n kaa pataa dene lagii.n tez hotii hu_ii saa.Nse.n us kii  aise mausam bhii guzaare ham ne subahe.n jab apanii thii.n shaame.n us kii dhyaan me.n us ke ye aalam thaa kabhii aa.Nkh mahataab kii yaade.n us kii faisalaa mauj-e-havaa ne likkhaa aa.Ndhiyaa.N merii bahaare.n us kii niind is soch se TuuTii aksar  kis tarah kaTatii hai.n raate.n us kii duur rah kar bhii sadaa rahatii hai mujh ko thaame hue baahe.n us kii

yuu.N dostii ke naam ko rusavaa na kiijiye  tark-e-ta'alluqaat kaa charchaa na kiijiye jurm-o-sitam kaa paas bhii ulfat me.n shart hai  palako.n ko aa.Nsuuo.n se bhigoyaa na kiijiye aisaa na ho ummiid se rishtaa hii TuuT jaaye  har roz mujhase vaadaa-e-fardaa na kiijiye hamdard jis ko apanaa samajhate rahe hai.n aap  us kaa hii zindagii me.n bharosaa na kiijiye "Mahir" vafuur-e-Gam se na ghabaraa_iye kabhii  Khuddaarii-e-hayaat ko rusavaa na kiijiye

hazaar Gam the merii zindagii akelii thii Khushii jahaa.N kii mere vaaste pahelii thii [pahelii=riddle] vo aaj bach ke nikalate hai.n mere saaye se ki mai.n ne jin ke liye Gam kii dhuup jhelii thii judaa hu_ii na kabhii mujh se gardish-e-dauraa.N merii hayaat kii bachapan se ye sahelii thii [gardish-e-dauraa.N=wheel of time; hayaat=life] cha.Dhaa rahe hai.n vo hii aaj aastii.n mujh par ki jin kii piiTh pe kal tak merii hathelii thii [aastii.n=sleeve] ab un kii qabr pe jalataa nahii.n diyaa ko_ii ki jin kii dahar me.n roshan bahut havelii thii [qabr=grave; dahar=world] vo jhuk ke phir merii turbat pe kar rahe hai.n salaam  isii adaa ne to "Mahir" kii jaan le lii thii [turbat=grave]

dil hai aa_iinaa-e-hairat se do-chaar aaj kii raat Gam-e-dauraa.N me.n hai aks-e-Gam-e-yaar aaj kii raat [hairat = wonder/amazement; Gam-e-dauraa.N = sorrows of life] [aks-e-Gam-e-yaar = reflection of sorrow of separation] aatish-e-gul ko daaman se havaa detii hai diidanii hai ravish-e-mauj-e-bahaar aaj kii raat [aatish = fire; diidanii = worth seeing; ravish = behaviour; mauj = wave] aaj kii raat kaa mahamaa.N hai malbuus-e-hariir is chaman-zaar me.n ugate hai.n sharar aaj kii raat [mahamaa.N = guest; malabuus = garments; hariir = silk] [chaman-zaar = garden; sharar = sparks of fire] mai.n ne farahad kii aaGosh me.n shirii.n dekhii mai.n ne paravez ko dekhaa sar-e-daar aaj kii raat [aaGosh = embrace/bosom; sar-e-daar = at the gallows] jo chaman sarf-e-Khizaa.N hai.n vo bulaate hai.n mujhe mujhe fursat nahii.n ai jaan-e-bahaar aaj kii raat [sarf-e-Khizaa.N = in autumn's grasp; fursat = leisure time] dar-e-yazadaa.N pe bhii jhukatii nahii.n is vaqt j...

chaa.Nd sitaaro.n se kyaa puchhuu.N kab din mere phirate hai.n vo to bechaare Khud hai.n bhikaarii Dere Dere phirate hai.n jin galiyo.n me.n ham ne sukh kii sej pe raate.n kaaTii thii.n un galiyo.n me.n vyaakul hokar saa.Njh savere phirate hai.n ruup-saruup kii jot jagaanaa is nagarii me.n jokhim hai chaaro.n khuu.NT baguule ban kar ghor andhere phirate hai.n jin ke shaam-badan saaye me.n meraa man sustaayaa thaa ab tak aa.Nkho.n ke aage vo baal ghanere phirate hai.n ko_ii hame.n bhii ye samajhaa do un par dil kyo.n riijh gayaa tiikhii chitavan baa.Nkii chhab vaale bahutere phirate hai.n is nagarii me.n baaG aur ban kii yaaro liilaa nyaarii hai panchii apane sar pe uThaakar apane basere phirate hai.n log to daaman sii lete hai.n jaise ho jii lete hai.n  'Abid' ham diivaane hai.n jo baal bikhere phirate hai.n

jab naam teraa pyaar se likhatii hai.n u.Ngaliyaa.N  merii taraf zamaane kii uThatii hai.n u.Ngaliyaa.N  daaman sanam kaa haath me.n aayaa thaa ek pal  din raat us ek pal se mahakatii hai.n u.Ngaliyaa.N  jis din se duur ho gaye us din se hii sanam  bas din tumhaare aane ke ginatii hai.n u.Ngaliyaa.N  patthar taraash kar na banaa taaj ek nayaa  fan_kaar kii zamaane me.n kaTatii hai.n u.Ngaliyaa.N 

ham-safar ban ke ham saath hai.n aaj bhii  phir bhii hai ye safar ajanabii ajanabii  raah bhii ajanabii mo.D bhii ajanabii  jaaye.n ham kidhar ajanabii ajanabii  zindagii ho ga_ii hai sulagataa safar  duur tak aa rahaa hai dhuaa.N saa nazar  jaane kis mo.D par kho ga_ii har Khushii  deke dard-e-jigar ajanabii ajanabii  hamane chun chun ke ti,nke banaayaa thaa jo  aashiyaa.N hasarato.n se sajaayaa thaa jo  hai chaman me.n vahii aashiyaa.N aaj bhii  lag rahaa hai magar ajanabii ajanabii  kisako maaluum thaa din ye bhii aaye.nge  mausamo.n kii tarah dil bhii badal jaaye.nge  din huaa ajanabii raat bhii ajanabii  har gha.Dii har pahar ajanabii ajanabii 

din aa gaye sabaab ke aa.Nchal sambhaaliye  hone lagii hai shahar me.n hal-chal sambhaaliye  chaliye sambhal sambhal ke kaThin raah-e-ishq hai  naazuk ba.Dii hai aap kii paayal sambhaaliye  saj dhaj ke aap nikale sar-e-raah Khair ho  Takaraa na jaaye aap ka paagal sambhaaliye  ghar se naa jaao duur kisii ajanabii ke saath  barasenge zor-zor se baadal sambhaaliye 

miTTii kii imaarat saayaa dekar miTTii me.n ham_vaar hu_ii viiraanii se ab kaam hai aur viiraanii kis kii yaar hu_ii Dar-Dar ke qadam yuu.N rakhataa huu.N Khvaabo.n ke saharaa me.n ye reg abhii zanjiir banii ye chaa.Nv abhii diivaar hu_ii har pattii bojhil ho ke girii sab shaaKhe.n jhuk kar TuuT ga_ii.n us baarish hii se fasal uja.Dii jis baarish se taiyaar hu_ii ab ye bhii nahii.n hai bas me.n ke ham phuulo.n kii Dagar par lauT chale.n jis raah_guzar par chalanaa hai vo raah_guzar talavaar hu_ii chhuutii hai zaraa jab tan ko havaa chubhate hai.n rago.n me.n kaa.NTe.n se sau baar Khizaa.N aa_ii hogii mahasuus magar is baar hu_ii vo naale hai.n betaabii ke chiiKh uThataa hai sannaaTaa bhii ye dard kii shab maaluum nahii.n kab tak ke liye bedaar hu_ii likhii hai.n shikaste.n itanii jahaa.N maqtal me.n vahaa.N ye bhii likh do kitanii sham_shiire.n TuuT ga_ii.n kitane dushmano.n kii haar hu_ii ab Gair havaa kitanii hii chale ab garm fizaa kitanii hii rahe siine kaa z...

kare dariyaa na pul mismaar mere  abhii kuchh log hai.n us paar mere  [mismaar =destroy]  bahut din guzare ab dekh aa_uu.N ghar ko  kahe.nge kyaa dar-o-diivaar mere  vahii.n suuraj kii nazare.n thii.n ziyaadaa  jahaa.N the pe.D saayaadaar mere  vahii ye shahar hai to shahar vaalo  kahaa.N hai kuuchaa-o-baazaar mere  tum apanaa haal-e-mahajuurii sunaao  mujhe to khaa gaye aazaar mere  [haal-e-mahajuurii=state of separation; aazaar=illness/woes]  jinhe.n samajhaa thaa jaan_paravar mai.n ab tak  vo sab nikale kafan bar_daar mere  [jaan=life; paravar=protector/nourisher] [kafan-bardaar=shroud bearer]  guzarate jaa rahe hai.n din havaa se  rahe.n zindaa salamaat yaar mere  dabaa jis se usii patthar me.n Dhal kar  bike chehare sar-e-baazaar mere  [sar-e-baazaar=in public]  dariichaa kyaa khulaa merii Gazal kaa  havaaye.n le u.Dii ashaar mere  [dar...

ik intazaar saa thaa ab nazar me.n vo bhii nahii.n safar me.n marane kii fursat thii ghar me.n vo bhii nahii.n zaraa malaal kii zulmat ko Taalane ke liye ka_ii Khayaal the ab to asar me.n vo bhii nahii.n [malaal = sorrow/anguish; zulmat = darkness; asar = effect] jo sang-o-Khaar the merii hii gardisho.n tak the mai.n rah-guzar me.n nahii.n rah-guzar me.n vo bhii nahii.n [sang = stone; Khaar = thorn] the chashm-e-baam nagar me.n ajab tuluu ke rang vo ik nishaat-e-sahar thaa sahar me.n vo bhii nahii.n [tuluu = dawn; nishaat-e-subah = happiness of dawn] rahe na kuchh bhii magar ye kaif kyaa kam hai jis aagahii kii kamii thii hunar me.n vo bhii nahii.n [kaif = intoxication; aagahii = forewarning; hunar = skill]

kamaal-e-ishq hai diivaanaa ho gayaa huu.N mai.n  ye kis ke haath se daaman chhu.Daa rahaa huu.N mai.n  [kamaal-e-ishq=limits of love]  tumhii.n to ho jise kahatii hai naaKhudaa duniyaa  bachaa sako to bachaa lo ki Duubataa huu.N mai.n  [naaKhudaa=boatsman]  ye mere ishq kii majabuuriyaa.N ma'az-allaah  tumhaaraa raaz tumhii.n se chhupaa rahaa huu.N mai.n  [ma'az-allah=In the protection of God/at the mercy of God]  is ik hijaab pe sau be-hijaabiyaa.N sadaqe  jahaa.N se chaahataa huu.N tumko dekhataa huu.N mai.n  [hijaab=veil]  bataane vaale vahii.n par bataate hai.n ma.nzil  hazaar baar jahaa.N se guzar chukaa huu.N mai.n  kabhii ye zom ki tuu mujh se chhup nahii.n sakataa  kabhii ye vaham ki Khud bhii chhupaa huaa huu.N mai.n  [zom=conviction/belief]  mujhe sune na ko_ii mast-e-baadaa-e-isharat  'Majaz' TuuTe huye dil kii ik sadaa huu.N mai.n  [mast-e-baadaa-e-...

husn ko be-hijaab honaa thaa  shauq ko kaamayaab honaa thaa  hijr me.n kaif-e-iztaraab na puuchh  Khuun-e-dil bhii sharaab honaa thaa  tere jalvo.n me.n ghir gayaa aaKhir  zarre ko aafataab honaa thaa  kuchh tumhaarii nigaah kaafir thii  kuchh mujhe bhii Kharaab honaa thaa  raat taaro.n kaa TuuTanaa bhii 'Majaz' baa_is-e-iztaraab honaa thaa 

dil-e-Khuu.N_gashtaa-e-jafaa pe kahii.n ab karam bhii giraa.N na ho jaaye tere biimaar kaa Khudaa haafiz nazr-e-chaaraagaraa.N na ho jaaye ishq kyaa kyaa n aafate.n Dhaaye husn gar mahar_baa.N na ho jaaye mai ke aage Gamo.n kaa koh-e-giraa.N ek pal me.n dhuaa.N na ho jaaye phir 'Majaz' in dino.n ye Khataraa hai dil halaak-e-butaa.N na ho jaaye

میرا جوشِ جنوں والہانہ ہوا،تلخ پھر زندگی کا فسانہ ہوا اُس سے بچھڑے ہوئے اک زمانہ ہوا،جس کے تیرِ نظر کا نشانہ ہوا اپنی فطرت سے مجبور ہوں اس لئے،سرکشی سے ہمیشہ گریزاں رہا کرسکا میں تجاوز نہ حد سے کبھی،اس کا جو وار تھا جارحانہ ہوا کام آیا نہ کچھ میرا سوزِ دروں،وہ بڑھاتا رہا میرا جوشِ جنوں مرغِ بسمل کی صورت مرا حال تھا،جذبۂ عاشقی قاتلانہ ہوا تھا وہ صیاد ہردم مری گھات میں،کررہا تھا تعاقب جو برسات میں دامِ تزویر میں اُس کے میں آگیا،دشمنِ جاں مرا آب و دانہ ہوا تھی سکونت نہ اُس کی کبھی دیرپا،آمد و رفت کا وقت کوئی نہ تھا کوئی رہتا نہیں ہے جہاں مستقل،دل مرا ُس کا مہمان خانہ ہوا خواب میں میرے اکثر وہ آتا رہا،ویسے مجھ سے وہ نظریں چراتا رہا اُس کے ناز و ادا تھے حیات آفریں،جو بھی سرزد ہوا غائبانہ ہوا امجد اسلام امجدؔ کا رنگِ سخن،عہدِ حاضر میں ہے مرجعِ اہلِ فن دلنشیں اُن کا اسلوب اس بحر میں، اِس غزل کا میری شاخسانہ ہوا کھا رہا تھا میں اُس کا فریبِ نظر،خانۂ دل کے تھے منتظر بام ودر کام آئی نہ کچھ سادہ لوحی مری،کارگر اُس کا برقیؔ بہانہ ہوا

محسنِ انسانیت پر کررہے ہیں جو بھی وار ہم تو کیا فطرت کرے گی اُن کو اک دن سنگسار اُن سے بڑھ کر کون ہوگا امنِ عالم کا نقیب جن کے دامن کو یہ ظالم کررہے ہیں داغدار چشمِ عالم نے نہ دیکھا ہوگا ایسا خوبرو جس کی زلفوں کی قسم کھاتا ہو خود پروردگار نوعِ انساں کے دلوں پر حکمراں ہے جن کی ذات ہیں وہی سارے جہاں کے درحقیقت تاجدار گلشنِ اسلام ہے سرسبز اُن کی ذات سے اُن کو حاصل ہے جہانِ آب و گِل میں اعتبار مطلعِ انوارِ یزداں کون ہے اُن کے سوا ہیںنظر کے سامنے شمش و قمر جن کی غبار پا کے دو ٹکڑے ہوا ان کا اشارہ عرش پر معجزہ شق القمر کا اس کا ہے آئینہ دار سب سے افضل ہیں وہی کونین میں بعد از خدا ہیں وہ صنّاعِ ازل کے ایسے برقی ؔ شاہکار

میری قسمت میں شب تھی، لیکن میں  شمع بن کر سحر کے کام آیا جبر کو بھی زوال ہے جیسے  آہن، آئینہ گرکے کام آیا عجز کو بھی عروج ہے جیسے  ایک قطرہ، گہر کے کام آیا زندگی، اہل شر کے گھر کی کنیز  خیر کا کام، مر کے کام آیا تاجِ زریں پہ کچھ نہیں موقوف سنگِ طفلاں بھی سر کے کام آیا سیم و زر آدمی کے چاکر تھے  آدمی سیم و زر کے کام آیا

شہر ہیں یہ، کہ تمدن کے عقوبت خانے   عمر بھر لوگ چنے رہتے ہیں دیواروں میں آپ دستار اتاریں تو کوئی فیصلہ ہو  لوگ کہتے ہیں کہ سر ہوتے ہیں دستاروں میں رت بدلتی ہے تو معیار بدل جاتے ہیں بلبلیں خار لئے پھرتی ہیں منقاروں میں میرے کیسے میں تو اک سوت کی انٹی بھی نہ تھی  نام لکھوا دیا ، یوسف کے خریداروں میں چن لے بازارِ ہنر سے کوئی بہروپ ندیم  اب تو فن کار بھی شامل ہیں اداکاروں میں

Zami'n ko mai'n ne kabhi aasma'n na hone diya Mata-e-khak ko yu'n rayega'n na hone diya Sanam tarash ke phir us ki guftagu bhi suni Ke mai'n ne sang ko bhi be zabaa'n na hone diya Yeh raz kya hai ke arz-o-sama ke khalique ne Kisi ko apne sewa jaaweda'n na hone diya Tafooliyat mei'n hai insan mubtala ab tak Kisi bhi daur ne us ko jawa'n na hone diya Bahar ruk na saki mere rokne se "Nadim" Magar chaman ko sapurde khaza'n na hone diya

احمد ندیم قاسمی مرحوم کی ایک خوبصورت غزل سانس لینا بھی سزا لگتا ہے اب تو مرنا بھی روا لگتا ہے موسمِ گُل میں سرِ شاخِ گلاب شعلہ بھڑکے تو بجا لگتا ہے مُسکراتا ہے جو اِس عالم میں بخدا، مجھ کو خُدا لگتا ہے اتنا مانوس ہوُں سناّٹے سے کوئی بولے تو بُرا لگتا ہے کوہِ غم پر سے جو دیکھوں، تو مجھے دشت، آغوشِ فنا لگتا ہے سرِ بازار ہے یاروں کی تلاش جو گزرتا ہے، خفا لگتا ہے اُن سے مِل کر بھی نہ کافور ہوُا درد یہ سب سے جُدا لگتا ہے نطق کا ساتھ نہیں دیتا ذہن شُکر کرتا ہوُں، گِلہ لگتا ہے اِس قدَر تُند ہے رفتارِ حیات وقت بھی رشتہ بپا لگتا ہے