Urdu Poetry World

yuu.N unakii bazm-e-Khaamoshiyo.n ne kaam kiyaa  sab ne merii muhabbat kaa ehataraam kiyaa  hamaraa naam bhii lene lagaa vafaa vaale  hame.n bhii aake farishto.n ne ab salaam kiyaa  phir yahii Khat, terii tasviir leke baiTh gaye  ye hamane kaam yahii.n subah aur shaam kiyaa  zamaanaa un ko hameshaa hii yaa rakhegaa  vo jisane ishq kii duniyaa me.n apanaa naam kiyaa  tuu bevafaa hai magar mujhako jaan se pyaaraa hai  isii adaa ne to 'rahi' ko teraa Gulaam kiyaa 

ye haqiiqat hai ki hotaa hai asar baato.n me.n  tum bhii khul jaaoge do-chaar mulaaqaato.n me.n tum se sadiyo.nkii vafaao.n kaa ko_ii naataa na thaa  tum se milane kii lakiire.n thii mere haatho.n me.n  tere vaado.n ne hame.n ghar se nikalane na diyaa  log mausam kaa mazaa le gaye barasaato.n me.n  ab na suuraj na sitaare na shamaa.N na chaa.Nd  apane zaKhmo.n kaa ujaalaa hai ghanii raato.n me.n 

vo a.njuman me.n raat ba.Dii shaan se gaye  imaan chiiz kyaa thii ka_ii jaan se gaye mai.n to chhupaa huaa thaa hazaaro.n naqaab me.n  lekin akele dekh ke pahachaan se gaye vo shamaa ban ke Khud hii akele jalaa kiyaa  paravaane kal kii raat pareshaan se gaye aayaa teraa salaam na aayaa hai Khat ko_ii  ham aaKhirii safar ke bhii saamaan se gaye "Rahi" ji.nhe.n Khudaa bhii na samajhaa sakaa kabhii  baiThe biThaaye dekh lo ab maan se gaye

us kii baate.n bahaar kii baate.n  vaadii-e-laalaazaar kii baate.n  gul-o-shabanam kaa zikr kar na abhii  mujhako karanii hai pyaar kii baate.n  sheKh jii mayakadaa hai kaabaa nahii.n  yaa.N to ho.ngii Khumaar kii baate.n ishq kaa kaaravaa.N chalaa bhii nahii.n  aur abhii se Gubaar kii baate.n ye qafas aur teraa Khayaal-e-hasii.n  is pe har suu bahaar kii baate .n

tum nahii.n Gam nahii.n sharaab nahii.n  aisii tanhaaii kaa javaab nahii.n  gahe gahe ise pa.Daa kiije  dil se bahatar koii kitaab nahii.n  jaane kis kis kii maut aaii hai  aaj ruKh pe koii naqaab nahii.n  vo karam u.ngaliyo.n pe gi.nte hai.n  zulm kaa jinake kuchh hisaab nahii.n 

terii taariif karate hai.n to isame.n kyaa buraii hai  Khudaa ne apane haatho.n se terii suurat banaii hai  hazaaro.n kii tarah sun le terii rusavaaii ke Dar se  teruu tasviir hamane kitaabo.n me.n chhupaaii hai  terii maasuum suurat kii yahii taariif hai sun le  zabaa.N pe hai yahii sab ke Khudaaii hai Khudaaii hai  marz ye ishq kaa aisaa lagaa ki phir nahii.n chhuuTaa  duaa bhii hamane kii "Rahi" davaa bhii aazamaaii hai 

shamaa jalaaye rakhanaa jab tak ke mai.n na aauu.N  Khud ko bachaaye rakhanaa jab tak ke mai.n na aauu.N ye vaqt-e-imtehaa.N hai sabr-o-qaraar-o-dil kaa  aa.Nsuu chhupaaye rakhanaa jab tak ke mai.n na aauu.N ham tum mile.nge aise jaise judaa nahii.n the  saa.Nse.n bachaaye rakhanaa jab tak ke mai.n na aauu.N

pasiine pasiine huee jaa rahe ho  ye bolo kahaa.N se chale aa rahe ho  hame.n sabr karane ko kah to rahe ho  magar dekh lo Khud hii ghabaraa rahe ho  ye kisakii burii tum ko nazar lag gaii hai  bahaaro.n ke mausam me.n murjhaa rahe ho  ye aaiinaa hai ye to sach hii kahegaa  kyo.n apanii haqiiqat se kataraa rahe ho 

paaraa paaraa huaa pairaahan-e-jaa.N  phir mujhe chho.D gaye chaaraagaraa.N [paaraa paaraa=in bits and pieces]  [pairaahan-e-jaa.N=fabric of life]  [chaaraagaraa.N=healers] ko_ii aahaT na ishaara na sharaab  kaisaa viraa.N hai ye vast-e-imkaa.N [aahaT=sound; viraa.N=deserted]  [vast=centre/in the middle; i.mkaa.N=possibility] vaqt ke sog me.n lamho.n kaa juluus  jaise ek qaafilaa-e-nauhaagaraa.N [sog=mourning; juluus=procession]  [qaafilaa =caravan; nauhaagaraa.N=mourners]

na ghar baar na ko_ii Thikaanaa Khaanaabadosh hai.n  apanaa kaam hai chalate jaanaa Khaanaabadosh hai.n chaa.Nd aur suuraj saathii sadiyo.n sadiyo.n ke  dono.n se rishtaa hai puraanaa Khaanaabadosh hai.n rang badalate mausam jaisii apanii hastii hai  baarish va dhuup se kyaa ghabaraanaa Khaanaabadosh hai.n apane liye hai.n dono.n baraabar ai duniyaa vaalo  kyaa butaKhaanaa kyaa maiKhaana Khaanaabadosh hai.n

mere jaise ban jaaoge jab ishq tumhe.n ho jaayegaa  diivaaro.n se sar Takaraaoge jab ishq tumhe.n ho jaayegaa  har baat gavaaraa kar loge mannat bhii utaaraa kar loge  taabiize.n bhii ba.Ndhavaaoge jab ishq tumnhe.n ho jaayegaa  ta.nhaa_ii ke jhuule khuule.nge har baat puraanii bhule.nge  aa_iine se tum ghabaraaoge jab ishq tumhe.n ho jaayegaa  jab suuraj bhii kho jaayegaa aur chaa.Nd kahii.n so jaayegaa  tum bhii ghar der se aaoge jab ishq tumhe.n ho jaayegaa  bechainii ba.D jaayegii aur yaad kisii kii aayegii  tummerii Gazale.n gaaoge jab ishq tumhe.n ho jaayegaa 

koii paas aayaa savere savere  mujhe aazamaayaa savere savere  merii daastaaa.N ko zaraa saa badal kar  mujhe hii sunaayaa savere savere  jo kahataa thaa kal shab sa.nbhalanaa sa.nbhalanaa  vahii la.Dakha.Daayaa savere savere  kaTii raat saarii merii mayakade me.n  Khudaa yaad aayaa savere savere 

itanaa to huaa ai dil ik shaKhs ke jaane se  bichha.De hue milate hai.n kuchh dost puraane se ek aag hai ja.ngal kii rusavaaii kaa charchaa hai  dushman bhii chale aaye milane ke bahaane se  ab meraa safar ta.nhaa ab us kii judaa manzil  puuchho na pataa us kaa tum mere Thikaane se  roshan hue viiraane Khush ho gayii duniyaa bhii kuchh ham bhii sukuun se hai.n ghar apanaa jalaane se  rusavaaii to vaise bhii taqadiir hai aashiq kii  zillat bhii milii hamako ulfat ke fasaane se 

dost ban ban ke mile mujhako miTaanevaale  mai.n ne dekhe hai.n kaii rang badalanevaale  tumane chup rahakar sitam aur bhii Dhaayaa mujh par  tumase achchhe hai.n mere haal pe ha.Nsanevaale  mai.n to iKhalaaq ke haatho.n hii bikaa karataa huu.N  aur ho.nge tere baazaar me.n bikanevaale  aaKharii daur pe salaam-e-dil-e-muztar le lo  phir naa lauTe.nge shab-e-hijr pe ronevaale 

aise to ko_ii jii ko banaataa nahii.n patthar bevajah to kabhii haath me.n aataa nahii.n patthar Darataa hai apanaa hii ghar zad me.n na aaye ek shaKhs andhere me.n chalaataa nahii.n patthar kuchh shiishaa_badan logo.n me.n tajviiz yahii thii diivaanaa tere shahar me.n khaataa nahii.n patthar ye baat mere dil ko lagii sab se bhalii baat diivaanaa divaane pe uThaataa nahii.n patthar

aa.Nkh se aa.Nkh milaa baat banaataa kyuu.N hai  tu agar mujhase Khafaa hai to chhupaataa kyuu.N hai  Gair lagataa hai na apano.n kii tarah milataa hai  tu zamaane kii tarah mujhako sataataa kyuu.N hai  vaqt ke saath haalaat badal jaate hai.n  ye haqiiqat hai magar mujhako sunaataa kyuu.N hai  ek muddat se jahaa.N kaafile guzare hii nahii.n  aisii raaho.n pe charaaGo.n ko jalaataa kyuu.N hai 

aa.Nkh jab ba.nd kiyaa karate hai.n  saamane aap huaa karate hai.n  aap jaisaa hii mujhe lagataa hai  Khvaab me.n jis se milaa karate hai.n  tuu agar chho.D ke jaataa hai to kyaa  haadase roz huaa karate hai.n  naam un kaa na ko_ii un kaa pataa  log jo dil me.n rahaa karate hai.n  hamane 'rahi' kaa chalan sikhaa hai  ham akele hii chalaa karate hai.n 

tuu mere saath chal na paayegii jab merii raah terii raah se milatii hii nahii.n phir meraa saath nibhaane kii zaruurat kyaa hai apanii maasuum tamannaao.n ko rahabar na banaa Khvaab phir Khvaab hai.n labo.n kii haqiiqat kyaa hai ye na_ii raah tujhe raas nahii.n aayegii mai.n ne maanaa ki tujhe mujh se muhabbat hai magar merii Gurbat terii chaahat kaa silaa kyaa degii apanii maharuumi-e-qismat se pareshaan huu.N mai.n bebasii ashk-e-nadaamat ke sivaa kyaa degii vaqt kii dhuup me.n har chiiz jhulas jaayegii [rahabar = guide]

dhuaa.N uThaa thaa divaane ke jalate ghar se saarii raat  lekin vo Khaamosh rahaa duniyaa ke Dar se saarii raat  raat yuu.N jalate dil par terii yaado.n kii barasaat hu_ii  jaise ik pyaase kii chitaa par barkhaa barase saarii raat  saarii raat to sapane dekhe subah ko ye mahasuus huaa  ham ne apanaa sar Takaraayaa ik patthar se saarii raat 

aa.Nkh ko jaam samajh baiThaa thaa anjaane me.n  saaqiyaa hosh kahaa.N thaa tere diivaane me.n  jaane kis baat kii un ko hai shikaayat mujh se  naam tak jin kaa nahii.n hai mere afasaane me.n  dil ke Tuka.Do.n se terii yaad kii Khushbuu na ga_ii  buu-e-mai baaqii hai TuuTe hue paimaane me.n  dil-e-barbaad me.n ummiid kaa aalam kyaa hai  Tim-Timaatii hu_ii ik shammaa hai viiraane me.n 

jo chaahate ho so kahate ho chup rahane kii lazzat kyaa jaano  ye raaz-e-muhabbat hai pyaare tum raaz-e-muhabbat kyaa jaano alfaaz kahaa.N se laauu.N mai.n chhale kii tapak samajhaane ko  izahaar-e-muhabbat karate ho ehasaas-e-muhabbat kyaa jaano kyaa husn kii bhiikh bhii hotii hai jab chuTakii chuTakii ju.Datii hai  ham ahal-e-garaz jaane is ko tum saahib-e-daulat kyaa jano hai farq ba.Daa ai jaan-e-"Raza" dil dene me.n dil lene me.n  ulfat kaa ta'alluq jaanate ho rishte kii nazaakat kyaa jaano

tum ne tahariiq mujhe dii ki jaao dekho  chaa.Nd taaro.n se pare aur duniyaaye.N hai.n  tum ne hii mujh se kahaa thaa ki Khabar le aao  mere dil me.n vahii.n jaane kii tamanaaye.N hai.n [tahariiq=in writing] aur mai.n chal diyaa Gaur kiyaa kab is par  kitanaa mahaduud hai i.nsaan kii quvvat kaa tilism  bas yahii jii ko Khayaal aayaa tumhe.n Khush kar duu.N  ye na sochaa ki yuu.N miT jaayegaa raahat kaa tilism [Gaur karanaa=pay attention to; mahaduud=limited]  [quvvat=strength; tilism=magic; raahat=comfort/ease] aur ab ham-damii-o-ishrat-e-raftaa kaise  aah ab duurii hai duurii hai faqat duurii hai  tum kahii.n aur mai.n kahii.n ab nahii.n pahalii haalat  lauT ke aa bhii nahii.n sakataa ye hai majabuurii [ham-damii=friendship; ishrat-e-raftaa=past joys; faqat=merely] merii qismat ki judaa_ii tumhe.n ma.nzuur hu_ii  merii qismat ki pasa.nd aa_ii na merii baate.n  ab nahii.n jalvaagah-e-Khilavat-e-shab afsaa...

pyaare lamhe aaye.Nge aur majabuurii miT jaayegii  ham dono.n mil jaaye.nge aur sab duurii miT jaayegii  har dam bahane vaalii aa.Nkho.n kii maalaa bhii TuuTegii  teri merii hastii is bairii ba.ndhan se chhuTegii lekin ye sab baate.n hai.n apane jii ke bahalaane kii  dukh kii raat me.n dhiire dhiire dil kaa dard miTaane kii  rote rote ha.Nsate ha.Nsate rukate rukate gaane kii sukh kaa sapanaa suukhaa hai aur suukhaa hii rah jaayegaa  suunii sej pe prem kahaanii premii yuu.N kah jaayegaa  hote hote saaraa jiivan aa.Nkho.n se bah jaayegaa

nagarii nagarii phiraa musaafir ghar kaa rastaa bhuul gayaa  kyaa hai teraa kyaa hai meraa apanaa paraayaa bhuul gayaa apanii biitii jag biitii hai jab se dil ne jaan liyaa  ha.Nsate ha.Nsate jiivan biitaa ronaa dhonaa bhuul gayaa a.Ndhyaare se ek kiran ne jhaa.Nk ke dekhaa sharmaa_ii  dhu.Ndh sii chhab to yaad rahii kaisaa thaa cheharaa bhuul gayaa ha.Nsii ha.NSii me.n khel khel me.n baat kii baat me.n rang gayaa  dil bhii hote hote aaKhir ghaav kaa risanaa bhuul gayaa ek nazar kii ek hii pal kii baat hai Dorii saa.Nso.n kii  ek nazar kaa nuur miTaa jab ek pal biitaa bhuul gayaa jis ko dekho us ke dil me.n shiavaa hai to itanaa hai  hame.n to sab kuchh yaad rahaa par ham ko zamaanaa bhuul gayaa ko_ii kahe ye kis ne kahaa thaa kah do jo kuchh jii me.n hai  "Miraji" kah kar pachhataayaa aur phir kahanaa bhuul gayaa

tumhaare shahar kaa mausam ba.Daa suhaanaa lage  mai.n ek shaam churaa luu.N agar buraa na lage  tumhaare bas me.n agar ho to bhuul jaao hame.n  tumhe.n bhuulane me.n shaayad mujhe zamaanaa lage  hamaare pyaar se jalane lagii hai ye duniyaa  duaa karo kisii dushman ki bad_duaa na lage  na jaane kyaa hai us kii bebaak aa.Nkho.n me.n  vo muu.Nh chhupaa ke jaaye bhii to bevafaa lage  jo Duubanaa hai to itane sukuun se Duubo  ke aas paas kii laharo.n ko bhii pataa na lage  ho jis adaa se mere saath bevafaa_ii kar  ke tere baad mujhe ko_ii bevafaa na lage  vo phuul jo mere daaman se ho gaye mansuub  Khudaa kare unhe.n baazaar kii havaa na lage  tum aa.Nkh muund ke pii jaao zindagii 'Qaiser'  ke ek ghuu.NT me.n shaayad ye bad_mazaa na lage 

har shammaa bujhii raftaa raftaa har Khvaab luTaa dhiire dhiire  shiishaa na sahii patthar bhii na thaa dil TuuT gayaa dhiire dhiire  baraso.n me.n maraasim banate hai.n lamho.n me.n bhalaa kyaa TuuTe.nge  tuu mujh se bichha.Danaa chaahe to diivaar uThaa dhiire dhiire  ehasaas huaa barbaadii kaa jab saare ghar me.n dhuul u.Dii  aa_ii hai hamaare aa.Ngan me.n patajhar kii havaa dhiire dhiire  dil kaise jalaa kis vaqt jalaa ham ko bhii pataa aaKhir me.n chalaa  phailaa hai dhuaa.N chup ke chup ke sulagii hai chitaa dhiire dhiire  vo haath paraaye ho bhii gaye ab duur kaa rishtaa hai 'Qaiser'  aatii hai merii tanhaa_ii me.n Khushbuu-e-hinaa dhiire dhiire 

ham tere shahar me.n aaye hai.n musaafir kii tarah  sirf ek baar mulaaqaat kaa mauqaa de de  merii manzil hai kahaa.N meraa Thikaanaa hai kahaa.N  subah tak tujh se bichha.Dakar mujhe jaanaa hai kahaa.N  sochane ke liye ek raat kaa mauqaa de de  apanii aa.Nkho.n me.n chhupaa rakhe.n hai.n juganuu mai.n ne  apanii palako.n pe sajaa rakhe hai.n aa.Nsuu mai.n ne  merii aa.Nkho.n ko bhii barasaat kaa mauqaa de de  aaj kii raat meraa dard-e-muhabbat sun le  ka.Np-ka.Npaate huye ho.nTho.n kii shikaayat sun le  aaj izhaar-e-Khayaalaat kaa mauqaa de de  bhuulanaa thaa to ye iqaraar kiyaa hii kyuu.N thaa  bevafaa tuune mujhe pyaar kiyaa hii kyuu.N thaa  sirf do-chaar savaalaat kaa mauqaa de de 

**aap ko dekh kar dekhataa rah gayaa ** aap ko dekh kar dekhataa rah gayaa  kyaa kahuu.N aur kahane ko kyaa rah gayaa  un kii aa.Nkho.n me.n kaise chhalakane lagaa  mere ho.nTho.n pe jo maajaraa rah gayaa  aise bichha.De sabhii raah ke mo.D par  aaKharii ham_safar raastaa rah gayaa  soch kar aao kuu-e-tamannaa hai ye  jaaneman jo yahaa.N rah gayaa rah gayaa  **har shaam jalate jismo.n kaa gaa.Dhaa dhuaa.N hai shahar**  har shaam jalate jismo.n kaa gaa.Dhaa dhuaa.N hai shahar  mar-ghaT kahaa.N hai ko_ii bataao kahaa.N hai shahar  phuTapaath par jo laash pa.Dii hai usii kii hai  jis gaa.Nv ko yaqii.n thaa ki rozii-rasaa.N hai shahar mar jaa_iye to naam-o-nasab puuchhataa nahii.n  murdo.n ke sil-sile me.n bahut meharabaa.N hai shahar rah rah ke chiiKh uThate hai.n sannaaTe raat ko  jangal chhupe hue hai.n vahii.n par jahaa.N hai shahar bhuuchaal aate rahate hai.n aur...

**ab kii baras bhii vo nahii.n aayaa bahaar me.n**  ab kii baras bhii vo nahii.n aayaa bahaar me.n  guzaregaa aur ek baras intazaar me.n  ye aag ishq kii hai bujhaane se kyaa bujhe  dil tere bas me.n hai na mere iKhtiyaar me.n  hai TuuTe dil me.n terii mohabbat teraa Khayaal  Khush-rang hai bahaar jo guzarii bahaar me.n  aa.Nsuu nahii.n hai aa.Nkho.n me.n lekin tere baGair  vo kaa.Npate huye hai.n dil-e-beqaraar me.n  **ham dostii ehasaan vafaa bhuul gaye hai.n**  ham dostii ehasaan vafaa bhuul gaye hai.n  zindaa to hai.n jiine kii adaa bhuul gaye hai.n Khushbuu jo luTaate hai.n masalate hai.n usii ko  ehasaas kaa badalaa ye milataa hai kalii ko  ehasaas to lete hai.n silaa bhuul gaye hai.n karate hai.n muhabbat kaa aur ehasaas kaa saudaa  matalab ke liye karate hai.n iimaan kaa saudaa  Dar maut kaa aur Khauf-e-Khudaa bhuul gaye hai.n ab mom me.n Dhalakar ko_ii patthar nahii.n hota...

asar usako zaraa nahii.n hotaa  asar usako zaraa nahii.n hotaa  ra.nj raahat fazaa nahii.n hotaa tum hamaare kisii tarah na hue  varanaa duniyaa me.n kyaa nahii.n hotaa  naarasaaii se dam ruke to ruke  mai.n kisii se Khafaa nahii.n hotaa  tum mere paas hote ho goyaa  jab koii duusaraa nahii.n hotaa  haal-e-dil yaar ko likhuu.N kyo.n kar  haath dil se judaa nahii.n hotaa  kyo.n sune arz-e-muztarib ae 'Momin'  sanam aaKhir Khudaa nahii.n hotaa  **Dar to mujhe kiskaa hai ke mai.n kuchh nahii.n kahataa ** Dar to mujhe kiskaa hai ke mai.n kuchh nahii.n kahataa  par haal ye afshaa.N hai ke mai.n kuchh nahii.n kahataa  naaseh ye gilaa hai ke mai.n kuchh nahii.n kahataa  tuu kab merii sunataa hai ke mai.n kuchh nahii.n kahataa  kuchh Gair se ho.nTho.n me.n kahe hai pe jo puuchho  to vahii.n mukarataa hai ke mai.n kuchh nahii.n kahataa  naaseh ko jo chaahuu.N to abhii Thii...

**apane Khvaabo.n me.n tujhe jis ne bhii dekhaa hogaa** apane Khvaabo.n me.n tujhe jis ne bhii dekhaa hogaa aa.Nkh khulate hii tujhe Dhuu.NDhane nikalaa hogaa zindagii sirf tere naam se mansuub rahe jaane kitane hii dimaaGo.n ne ye sochaa hogaa [mansuub = related] dost ham us ko hii paiGaam-e-karam samajhenge terii furqat kaa jo jalataa huaa lamhaa hogaa [paiGaam-e-kam = message of kindness; fuqat = separation] daaman-e-ziist me.n ab kuchh bhii nahii.n hai baaqii maut aa_ii to yaqiinan  use dhokaa hogaa [daaman-e-ziist = fabric of life; yaqiinan = surely] raushanii jis se utar aa_ii lahuu me.n mere ai masiihaa vo meraa zaKhm-e-tamannaa hogaa

**aaj phir un kaa saamanaa hogaa**  aaj phir un kaa saamanaa hogaa  kyaa pataa us ke baad kyaa hogaa aasamaa.N ro rahaa hai do din se  aap ne kuchh kahaa sunaa hogaa do qadam par sahii teraa kuuchaa  ye bhii sadiyo.n kaa faasalaa hogaa ghar jalataa hai raushanii ke liye  ko_ii mujhasaa bhii dil jalaa hogaa **aap se gilaa aap kii qasam**  aap se gilaa aap kii qasam  sochate rahe.n kar na sake ham  us kii kyaa Khataa ladavaa hai Gam  kyuu.N gilaa kare.n chaaraagar se ham  ye navaazishe.n aur ye karam  fart-w-shauq se mar na jaaye ham  khe.Nchate rahe umr bhar mujhe  el taraf Khudaa ek taraf sanam  ye agar nahii.n yaar kii galii  chalate chalate kyuu.N ruk gaye qadam  **mere qariib na aao ki mai.n sharaabii huu.N**  mere qariib na aao ki mai.n sharaabii huu.N  meraa sha_uuf jagaao ki mai.n sharaabii huu.N  zamaane bhar kii nigaaho.n se gir chukaa huu.N ...

**jis tarah kii hai.n ye diivaare.n ye dar jaisaa bhii hai** jis tarah kii hai.n ye diivaare.n ye dar jaisaa bhii hai sar chhipaane ko mayassar to hai ghar jaisaa bhii hai [mayassar = available] us ko mujh se mujh ko us se nisbate.n hai.n beshumaar merii chaahat kaa hai mahavar ye nagar jaisaa bhii hai [nisbat = relations/expectations; beshumaar = countless] [mahavar = centre/focus] chal pa.Daa huu.N shauq-e-beparvaah ko murshad maan kar raastaa pur_pech hai yaa pur_Khatar jaisaa bhii hai [murshad = guide; pur_pech = winding/full of turns] [pur_Khatar = dangerous] sab gavaaraa hai thakan saarii dukhan saarii chubhan ek Khushbuu ke liye hai ye safar jaisaa bhii hai vo to hai maKhsuus ik terii mohabbat ke liye teraa 'Anwar' baa_hunar yaa be_hunar jaisaa bhii hai [maKhsuus = special] **raat aa_ii hai balaao.n se rihaa_ii degii** raat aa_ii hai balaao.n se rihaa_ii degii ab na diivaar na zanjiir dikhaa_ii degii [balaa=danger; riha...

daalaano.n me.n kamaro.n me.n ulajhaaye huye rakhanaa kuchh kaam me.n apane ko bahalaaye huye rakhanaa duniyaa ke masaa_il me.n ulajhaa huaa jab aa_uu.N tum ghar ke masaa_il ko sulajhaaye huye rakhanaa sanduuk ke kapa.Do.n ko kuchh dhuup dikhaa denaa tum sahan me.n jaa.De ko phailaaye huye rakhanaa mai.n dhuup ke saharaa se jhulasaa huaa aa_uu.Ngaa shaano.n pe ghaTaao.n ko Thaharaaye huye rakhanaa ho jaaye.n kabhii shab me.n bachcho.n se bhii do baate.n pariyo.n kii kahaanii ko doharaaye huye rakhanaa dhundhalaa na kahii.n kar de kuchh ghar kii pareshaanii aa_iinaa-e-ruKh apanaa chamakaaye huye rakhanaa ik umr pe bhii us kaa andaaz vahii 'Anjum' kamare me.n qadam rakhanaa sharmaaye huye rakhanaa

ye raaz hai merii zindagii kaa  pahane huye huu.N kafan Khudii kaa  phir nashtar-e-Gam se chhe.Date hai.n  ik tarz hai ye bhii dil dahii kaa  o lafz-o-bayaa.N me.n chhupane vaale  ab qasd hai aur Khaamoshii kaa  maranaa to hai ibtadaa kii ik baat  jiinaa hai kamaal mu.ntahii kaa  haa.N siinaa gulo.n kii tarah kar chaak  de mar ke sabuut zi.ndagii kaa 

ye mujh se puuchhiye kyaa justajuu me.n lazzat hai  fazaa-e-dahar me.n tahaliil ho gayaa huu.N mai.n  [justajuu=search; lazzat=taste; dahar=world; tahaliil=immersed]  haTaake shiishaa-o-saagar hujuum-e-mastii me.n  tamaam arsaa-e-aalam pe chhaa gayaa huu.N mai.n  [arsaa-e-aalam=whole world]  u.Daa huu.N jab to falak pe liyaa hai dam jaa kar  zamii.n ko to.D gayaa huu.N jo rah gayaa huu.N mai.n  [falak=sky]  rahii hai Khaak ke zarro.n me.n bhii chamak merii  kabhii kabhii to sitaaro.n me.n mil gayaa huu.N mai.n  samaa gaye merii nazaro.n me.n chhaa gaye dil par  Khayaal karataa huu.N un ko ki dekhataa huu.N mai.n 

chaman roye ha.Nse shabanam biyaabaa.N par nikhaar aaye  ek aisaa bhii nayaa mausam mere paravar-digaar aaye vo sar khole hamaarii laash par diivaanaavaar aaye  isii ko maut kahate hai.n to yaa rab baar baar aaye sar-e-gor-e-Gariibaa.N aao lekin ye guzaarish hai  vahaa.N muu.Nh pher kar ronaa jahaa.N meraa mazaar aaye bahaa ai chashm-e-tar aisaa bhii ek aa.Nsuu nadaamat kaa  jise daaman pe lene rahamat-e-paravar-digaar aaye qafas ke ho liye ham to magar ai ahal-e-gulashan tum  hame.n bhii yaad kar lenaa chaman me.n jab bahaar aaye na jaane kyaa samajh kar chup huu.N ai sayyaad mai.n varnaa  vo qaidii huu.N agar chaahuu.N qafas me.n bhii bahaar aaye "Qamar" dil kyaa hai mai.n to un kii Khaatir jaan bhii de duu.N  merii qismat agar un ko na phir bhii aitabaar aaye

chaman kii bahaaro.n me.n thaa aashiyaanaa  na jaane kahaa.N kho gayaa vo zamaanaa  tumhe.n bhuulane kii mai.n koshish karuu.Ngaa  ye vaadaa karo ke na tum yaad aanaa  mujhe mere miTane kaa Gam hai to ye hai  tumhe.n bevafaa kah rahaa hai zamaanaa  Khudaaraa merii qabr pe tum na aanaa  tumhe.n dekh kar shaq karegaa zamaanaa 

**aap jin ke qariib hote hai.n**  aap jin ke qariib hote hai.n  vo ba.De Khush-nasiib hote hai.n jab tabiyat kisii pe aatii hai  maut ke din qariib hote hai.n mujh se milanaa phir aapakaa milanaa  aap kis ko nasiib hote hai.n zulm sah kar jo uff nahii.n karate  un ke dil bhii ajiib hote hai.n **baiThe huye dete hai.n vo daaman se havaaye.n allaah kare ham na kabhii hosh me.n aaye.n** baiThe huye dete hai.n vo daaman se havaaye.n allaah kare ham na kabhii hosh me.n aaye.n beKhud yuu.N hii rakhe.ngii hame.n shoKh adaaye.n jab saamane ho.n aap to kyaa hosh me.n aaye.n pallaa rahe dono.n kaa mohabbat me.n baraabar utanii hii vafaaye.n bhii ho.n jitanii ho.n jafaaye.n ho lutf-e-inaayat kii ik had bhii muqarrar rone lage ko_ii na yahaa.N tak vo ha.Nsaaye.n aur is ke sivaa "Nooh" ko aataa nahii.n kuchh bhii yaaro.n me.n vo baiThe huye tuufaan uThaaye.n

Na raastoN ki taraf or na manziloN ki taraf Mera junooN mujhe le aaya wehshatoN ki taraf MaiN daikhooN paaoN ki zaNjeer, faasiloN ki taraf Wo daikhay dil ki taraf.. dil ki dhaRkanoN ki taraf Nazar na aayi kahiN koi roshni ki kiran MaiN daikhta hi rha baNd khiRkioN ki taraf MaiN hijratoN maiN juda ho gya qabilay se maiN ban kay kooNj ab uRtaa hooN baadloN ki taraf Meri kahaani ko paRhna hay tau kabhi daikho KhizaaN raseeda daraKhtoN ki tehnioN ki taraf Wo jis nigaah maiN gehraayi thi samundar ki MaiN lehr lehr bahaa us kay saahiloN ki taraf MaiN aks aks sar-e-aaina bikharta tha So aaj bikhtay huway daikho kirchioN ki taraf MuhabatoN hi se fursat mujhe nahiN milti Gumaan jaaye tau kiyuN kar kadooratoN ki taraf Meri uRaan falak maiN shigaaf kar de gi Zamin phaiNk de nishtar mere paroN ki taraf Mujhe tau WARD kay raNgoN ka aks dikhta hay Jo daikhta hooN maiN khush raNg titlioN ki taraf

Mili na is liye dehleez-e-aagahi ab tak Khirad na le saki wehshat pe bartari ab tak Wo barf baari tahayyur ki tham chuki laikin Badan pe phir bhi hay taari wo kapkapi ab tak Wo aabgina-e-ummid kitna naazuk tha Keh Tootne ki sada bhi nahiN suni ab tak Na teergi na ujaala shafaq pe Thahray hay BhaTak rahi hay shab-e-dil maiN roshni ab tak Chaman maiN WARD ki khushbu simaT nahiN sakti Ye aur baat hawa hi nahiN chali ab tak

Dasht-e-tishna maiN teri raig tah-e-aab karooN Aa tere jism nahiN rooh ko sairaab karooN Dil kay maNdir se har ik dard kay but ko toRooN Masjid-e-kaif bnaaoN tujhay mehraab karooN Loh-e-imkaaN pe ho hansti huwi ayat jaise MaiN tabasum ko tere zaivar-e-a'eraab karooN CharKh-e-ummid hay misl-eshab-e-mahroom-qamar Aa teri yaad ko maiN soorat-e-mahtaab karooN Taira ehsaas samundar ki tarah phaila hay MaiN ye chaahooN teri har lehr ko gardaab karooN Chaahtaa hooN teri is darja paziraayi karooN pehle maiN aankh banooN phir maiN tujhe khwaab karooN Phir tere zikr se mosim ko halaawat bakhshooN Phir kisi sookhay huway WARD ko shaadaab karooN

بھیگتے ایک ساتھ بارش میں بھیگتے ایک ساتھ بارش میں رہ گئے تشنہ ہم تو خواہش میں ایک عالم میں ہوگئے رسوا بے محل آپ کی ستائش میں سادگی کے ہنر کو بھول گئے کھو گئے لوگ سب نمائش میں ہر طرف گونجتے ہیں سناٹے کون رہتا ہے اس رہائش میں کتنی  عذرائیں زخم خوردہ ہیں کتنے وامق ہیں آزمائش میں جلتے خوابوں میں رات بیتی ہے جلتے خوابوں میں رات بیتی ہے کن عذابوں میں رات بیتی ہے قصۂ غم سنا تھا تابہ سحر دلگزاروں میں رات بیتی ہے بے خودی گہری ہوتی جاتی تھی میگساروں میں رات بیتی ہے وہ جہاں روشنی نہیں ہوتی ان مکانوں میں رات بیتی ہے کون سی سوچ میں رہے وامق کن خیالوں میں رات بیتی ہے معافی نامہ کرب کے بے کنار صحرا میں دُھول اُڑاتا ہوا ایک معافی نامہ آیا ہے جس میں لکھا ہے مجھے معاف کردونا زندگی ایسے ورق پلٹتی ہے جیسے کوئی بے باک ناری رُسوا ہو کر گاوں سے نکلتی ہے اور بدنما چہروں کو آئینہ دکھاتی ہے