Urdu Poetry World

اثر عشق سے ہوں صورتِ شمع خاموش یہ مرقع ہے مری حسرت گویائی کا چمنِ دہر میں ہر پھول رہا پیش نظر کھینچنا تھا ہمیں نقشہ تری رعنائی کا نظر آتی ہے مجھے حسن کی دنیا بے حس کس کو افسانہ سنائوں شبِ تنہائی کا بارہا ڈوب کے ابھرا مرے دل سے نشتر راز پھر بھی نہ کھلا عشق کی گہرائی کا

ہو چکا ناکامی دل تک بیان ِ زندگی عشق نے اب کی مکمل داستان زندگی ایک آہ سرد میں مضمر ہیں لاکھوں واقعات مختصر یوں کر رہا ہوں داستانِ زندگی ہو چکی ہر بار گو اے شمع پروانوں کی خاک ذرہ ذرہ میں ہے پنہاں اک جہان زندگی حشر بھی شامل ہے اے دل واقعات عشق میں آپ کہئے گا کہاں تک داستانِ زندگی

پھر اعتبارِ عشق کے قابل نہیں رہا جو دل تری نظر سے گرا دل نہیں رہا نشتر چبھوئے اب نہ پشیمانی نگاہ مجھ کو تو شکوۂ خلش دل نہیں رہا موجیں اُبھار کر مجھے جس سمت لے چلیں حد نگاہ تک کہیں ساحل نہیں رہا کیا کہئے اب مآل محبت کی سرگزشت یاد اُس کی رہ گئی ہے مگر دل نہیں رہا

مرا حال تھا جہاں تک وہ ادا کیا زباں سے جو کہیں گے اشک رنگیں وہ الگ ہے داستاں سے نہ سمجھ سکے ہم اب تک وہی فیصلہ تھا دل کا جو کہا تری نظر نے جو سنا تری زباں سے نہیں امتیاز ناصح تری پند بر محل کا یہ مقام بے خودی ہے مجھے چھوڑ دے یہاں سے مرا ہر نفس بیاں ہے، مرے اشک ماجرا ہیں یہی شرح مدعا ہیں وہ سنیں جہاں جہاں سے

مری خموشی مجبور پر بھی ایک نظر زباں سے جو نہ ادا ہو وہ ماجرا ہوں میں نشان دو مجھے اے کوئے یار کے ذرو یہیں کہیں کوئی شئے آج کھو چکا ہوں میں اس اضطراب پہ قربان اک جہان سکوں کوئی سنبھال رہا ہے تڑپ رہا ہوں میں اسی سے کیجئے رفتار کا کچھ اندازہ  نظامِ دہر بدلتا ہوا اٹھا ہوں میں

سوز و گدازِ شمع کو بیکار دیکھ کر تڑپا ہوں صبح تک یہی آثار دیکھ کر حشر آفریں ہیں کوئے محبت میں ہر قدم ہم تو بڑھے تھے راہ کو ہموار دیکھ کر گرتی رہیں تبسم پنہاں کی بجلیاں ہم کو مشاہدہ کا طلب گار دیکھ کر اے حُسن جو سزائے تمنا ہو وہ قبول لیکن مری نظر کو پھر اک بار دیکھ کر تم تو سکون خاطر ناشاد بن گئے سمجھا تھا میں کچھ اور یہ رفتار دیکھ کر تقویٰ بھی آج ہو گیا قربان میکدہ ہر جام میں بہار کے آثار دیکھ کر

MiT gayaa jab miTne vaalaa phir salaam aayaa to kyaa , dil kii barbaadii ke baad un kaa payaam aayaa to kyaa, chhuT ga_ii.n nabze.n ummide.n dene vaalii hai.n javaab , ab udhar se naamaabar leke payaam aayaa to kyaa, [naamaabar=messenger] aaj hii miTnaa thaa ai dil hasrat-e-diidaar me.n , tuu merii naakaamiyo.n ke baad kaam aayaa to kyaa, [hasarat-e-diidaar=desire to see] kaash apnii zindagii me.n ham ye ma.nzar dekhte , ab sar-e-turbat ko_ii mahshar-Khiraam aayaa to kyaa, [turbat=tomb; mahshar=day of judgement; Khiraam=walk] saa.Ns ukharhii aas TuuTii chhaa gayaa jab rang-e-yaas , naamaabar laayaa to kyaa Khat mere naam aayaa to kyaa, mil gayaa vo Khaak me.n jis dil me.n thaa armaan-e-diid , ab ko_ii Khurshiid-vash baalaa-e-baam aayaa to kyaa. [Khurshiid-vash=sun-like face]