Urdu Poetry World

ايک مشکل سی بہر طور بنی ہوتی ہے  تجھ سے باز آئيں تو پھر خود سے ٹھنی ہوتی ہے  کچھ تو لے بيٹھتی ہے اپنی شکستہ پائ  اور کچھ راہ ميں چھاؤں بھی گھنی ہوتی ہے  ميرے سينے سے ذرا کان لگا کر ديکھو  سانس چلتی ہے کہ زنجير زنی ہوتی ہے  آبلہ پائ بھی ہوتی ہے مقدر اپنا  سر پہ افلاک کی چادر بھی تنی ہوتی ہے  دودھ کی نہر نکالی ہے غموں سے ہم نے  ہم بتا سکتے ہيں کيا کوہ کنی ہوتی ہے  آنکھ تو کھلتی ہے کرنوں کی طلب ميں ليکن  زيب _ مژگاں کسی نيزے کی انی ہوتی ہے  دشت _ غربت پہ ہی موقوف نہيں ہے تابش  اب تو گھر ميں بھی غريب الوطنی ہوتی ہے

 DEE HAI WAHSHAT TOU YE WAHSHAT HEE MUSALSALL HO JAAEY...  RAQSS KARTA HUEY ATRAAF MEI'N JUNGLE HO JAAEY...   AEY MREY DASHHT MIJAAJO !YE MRI AANKHEI'N HAIN...  INN SEY RUMAAL BHEE CHHU LO TOU YE BAADAL HO JAAEY...   CHALTAA REHNEY DO MIYAA'N SILSILLA DILDAARI KA...  AASHQEE DEEN NAHIE'N HAE KEH MUKAMMAL HO JAAEY...   HAALAT-E-HIJRR MEIN JO RAQSS NAHIE'N KAR SAKTA...  OOSS KEY HAQ MEI'N YEHEE BEHTAR HAE KEH PAAGAL HO JAAEY...   MERA DILL BHEE KISSI AASEIB ZADDA GHARR KEE TRAAH...  KHUD'BA'KHUD KHULNEY,KHUD HEE MUQAFFAL HO JAAEY...   DOOBTI NAAO MEI'N SAB CHEEKH RAHEY HAIN TAABISH..  ORR MUJHEY FIQRR GHAZZAL MERI MUKAMMAL HO JAAEY..

چھیڑ وہ نغمہ اے جنوں جس سے ہو روح مشتعل مستِ نشاط ہو، دماغ، ولولہ آفریں ہو دل پھونک دے اے جمال یار ، خرمن آرزو مرا اپنا مجھے دکھا مگر، جلوہ کیف مستقل اس کے حریم ناز کا پایہ بہت بلند ہے کم نہیں اپنا بھی مگر، حوصلہ جبینِ دل اس کی عنایتیں نہاں ، اس کے ستم میں ہیں مگر ہو جو نگاہ جلوہ سنج، ہو جو ادا شناس دل تیرے نشاط درد کی چاہئے ایک لہر، بس  پھر نہ یہ جان ہو ملول، پھر نہ یہ دل ہو مضمحل جس کا ہر اک ذرہ ہے رقص گہ جمال قدس ہے وہی آستاں مرا، سجدہ گہہ نیاز دل ہے وہ شرارِ معنوی ذرہ خاک میں مرے جلوۂ روح قدسیاں، جس سے ہے پست و منفعل

ٹھکانا مل گیا، دار و رسن سے ہم کو منزل کا وفور شوق میں ورنہ خدا جانے کہاں جاتے بڑی مشکل سے سنگِ آستاں سے بچ کے ہم نکلے جبینِ شوق سے سجدوں کو دھلوانے کہاں جاتے عنایت ہے یہ طوفاں کی اسی نے آبرو رکھ لی سفینہ اپنا ہم ساحل سے ٹکرانے کہا ں جاتے وفا کی شان الفت سے ہے اپنی آبرو باقی وگرنہ ہم چمن میں آج پہچانے کہاں جاتے بہاریں ہی نہیں بلکہ خزاں بھی رنگِ قدرت ہے یہ دنیا گرچمن ہوتی تو ویرانے کہا ں جاتے عروسِ غم کا احسان کم نہیں ہے حضرت آسیؔ نہ ہوتی یہ تو اپنے دل کو بہلانے کہاں جاتے