ايک مشکل سی بہر طور بنی ہوتی ہے

ايک مشکل سی بہر طور بنی ہوتی ہے 
تجھ سے باز آئيں تو پھر خود سے ٹھنی ہوتی ہے 

کچھ تو لے بيٹھتی ہے اپنی شکستہ پائ 
اور کچھ راہ ميں چھاؤں بھی گھنی ہوتی ہے 

ميرے سينے سے ذرا کان لگا کر ديکھو 
سانس چلتی ہے کہ زنجير زنی ہوتی ہے 

آبلہ پائ بھی ہوتی ہے مقدر اپنا 
سر پہ افلاک کی چادر بھی تنی ہوتی ہے 

دودھ کی نہر نکالی ہے غموں سے ہم نے 
ہم بتا سکتے ہيں کيا کوہ کنی ہوتی ہے 

آنکھ تو کھلتی ہے کرنوں کی طلب ميں ليکن 
زيب _ مژگاں کسی نيزے کی انی ہوتی ہے 

دشت _ غربت پہ ہی موقوف نہيں ہے تابش 
اب تو گھر ميں بھی غريب الوطنی ہوتی ہے