Unse rishta raha nahi'n baqi
ZINDAGI MEIn MAZA NAHIn BAQI
sach se usko hai kis qadar nafrat
ghar mei'n ik aaina nahi'n baqi
Shakh par phool ki hifazat ko
koie kaNta raha nahi'n baqi
Usne qasid ko ik gulab diya
aur tau kuch kaha nahi'n baqi
Aehd e hazir ki bad naseebi haie
ishq ka falsafa nahi'n baqi
ANkho'n aNkho'n mei'n ho gayi'n bate'n
kuch bhi kehna raha nahi'n baqi
Dar ta'aaqub ka kyu'n ho phir KHURRAM
jab koie naqsh e paa nahi'n baqi