Aah Poetry

Go ham se mile tum na to kuchh ham na mar gaye

Kahne ko baat rah gayee aur din guzar gaye

Author : QAAEM


Dil-o-dimagh ko ro loo_nga aah kar loo_nga,

tumhare ishq mai_n sab kuch tabah kar loo_nga.

Author : Akhter Sheerani


Deed -e-Laila ke lieye deeda-e-Majnu_n hai zaroor,

Meri aankho_n se koi dekhe tamaasha tera.

Author : Unknown


Ik tiri deed chhin gai mujh Se,

Warna duniya mei_n kya nahi_n baqi.

Author : Faiz


Maana ke teri deed ke qaabil nahi_n hoo_n mai_n,

Tu mera shauq dekh, mera intezaar dekh.

Author : Iqbal


Aah jo dil se nikaali jaaegi,

Kya samajhte ho ke khali jaaegi.

Author : Akber Allahabadi


Idhar se bhi siwa hai kuchh udhar ki majboori,

Hum ne aah tau ki, un se aah bhi na hui.

Author : Jigar


Aah hoti mere lab par na yeh naala hota,

Ek bhi tu ne jo armaan nikaala hota.

Author : Rasa


Aah ka kis ne asar dekha hai,

Hum bhi ik apni hawa baandhte hai_n.

Author : Ghalib


Meri aah ka tum asar dekh lena,

Woh aaeinge thaame jigar, dekh lena.

Author : Dagh


Behtar tau yehi hai hansta rah, tu koh hai, khud ko kaah na kar,

Yeh ban na pare tau kam se kam khamosh he rah, aur aah na kar.

Author : Josh


Kaasa-e-chashm le ke joo_n nargis,

Hum ne deedaar ki gadaai ki.

Author : Mir Taqi Mir


Nazzare ko yeh jumbishe-mizhgaan bhi baar hai,

Nargis ki aankh se tujhe dekha kare koi.

Author : Iqbal


Dil ko niaaz-e-hasrat-e-deedaar kar chuke,

Dekha tau hum mei_n taaqat-e-deedaar bhi nahi_n.

Author : Ghalib


Aah ko chahieye ik umr asar hone tak,

Kaun jeeta hai tiri zulf ke sar hone tak.

Author : Ghalib