Skip to main content

Waaiz Poetry

Tujh ko masjid hai, mujh ko maikhana,

Waaiz apni, apni qismat hai.

Author : Mir Taqi Mir

---------------------------------

Mujhko khush aati hai masti, sheikh ji ko farbahi,

Mai_n hoo_n peene ke lieye, aur woh hai_n khaane ke lieye.

Author : Akber Allahabadi

---------------------------------

Zaahid sharaab peene de masjid mei_n baith kar,

Ya who jagah bata jaha_n par Khuda nahi_n.

Author : Dagh

------------------------------------

Ghalib bura na maan jo waaiz bura kahe,

Aisa bhi hai koi ke sab achha kahe_n jise.

Author : Mirza Ghalib

-------------------------------------

Agarche mai_n rind -e-muhtaram hoo_n,magar ise sheikh se na poochho,

Ke un ke aage tau is zarnaane mei_n saari duniya jahannumi hai.

Author : Akber Allahabadi

-----------------------------------------

Hui hai hazrat-e-naasih se gufatgoo jis shab,

Woh shab zaroor sar-e-koo-e-yaar guzri hai.

Author : Faiz Ahmad Faiz

-------------------------------------

Kahaa_n maikhana ka darwaaza, Ghalib, aur kaha_n waaiz,

Par itna jaante hai_n kal woh jaata tha ke hum nikle.

Author : Mirza Ghalib

-------------------------------------

Seekh duniya hi mei_n waaiz, hoor se milne ke dhang,

Warna roega ke jannat mei_n bhi ruswaai hui.

Author : Hafeez

---------------------------------

Umeed-e-hoor ne sab kuchh sikha rakhkha hai waaiz ko,

Yeh hazrat dekhne mei_n seedhe saade, bhole bhaale hai_n.

Author : Allama Iqbal

---------------------------------

Gar ho sharaab-o-khilwato-mahboob-e-khoobroo,

Zaahid qasam hai tujhko Jo tu ho tau kya kare.

Author : Sauda

-----------------------------------

Sab haseen hai_n zaahido_n -ko na-pasand,

Ab koi hoor aaegi un ke lieye.

Author : Ameer Minai

--------------------------------------

Zauq, Jo madarse ke bigre hue hai_n mullah,

Unko maikhane mei_n le aao, sanwarjaaenge

Author : zauq

--------------------------------

Hazrat-e-naasih gar aawe_n, deeda-o-di1 farsh e-raah,

Koi mujhko yeh tau samjha do, ke samjhawe_nge kya.

Author : Mirza Ghalib
-------------------------------

Popular posts from this blog

husan e zan thi or phul chun lke laati thi

 

dasht-e-shab par dikhai kya dengi

dasht-e-shab par dikhai kya dengi silawaten roshani main ubhrengi ghar ki diwaren mere jane par apni tanhaiyon ko sochengi ungaliyon ko tarash dun phir bhi adatan us ka nam likkhengi rang-o-bu se kahin panah nahin khwahishen bhi kahan aman dengi ek khushbu se bach bhi jaun agar dusari nikahaten jakar lengi khirkiyon par dabiz parde hon barishen phir bhi dastaken deng

Main hoon dar-e-abbas hai aur meri jabeen hai

HAZRAT ABBAS (A.S) Main hoon dar-e-abbas hai aur meri jabeen hai Sab kehne ki baataian hai falaq hai na zameen hai Main hoon dar-e-abbas hai aur meri jabeen hain Zakhmi hai magar kerbala kitni haseen hai Jannat kahian duniya mein agar hai to yahian hai Main hoon dar-e-abbas hai aur meri jabeen hai Utna he yaqeen hai teri imdad ka muj ko Jitna mujy zehra ki duaoon ka yaqeen Main hoon dar-e-abbas hai aur meri jabeen hai Kyon medhat-e-abbas mein luqnat hai zaban ko Daikhoo kahian mehfil mein sakina to nahian hai Main hoon dar-e-abbas hai aur meri jabeen hai Kab maskh chedi yaad hai abbas ko lakin Kab kat gae shaane ye unhian yaad nahian hai Main hoon dar-e-abbas hai aur meri jabeen hai Humrah-e-imam ayain gian abbas bhi aik din Is baat ka her toote hue dil ko yaqeen hai Main hoon dar-e-abbas hai aur meri jabeen Zakhmi hai magar kerbala kitni haseen hai Jannat kahian duniya mein agar hai to yahian hai