Dil kuuN gar martabaa ho darpan kaa,
muft hai dekhnaa siriijan kaa,
ai zubaaN kar madad ki aaj sanam,
muntazir hai bayaan-e-roshan kaa,
hikmat-e-ishq Bu Ali suuN na puuchh,
nain vo qaanuuN shinaas is fan kaa,
aaiinaa tujh se ho ke ham-zaanuu,
Ghairat-afzaa hu’aa hai gulshan kaa,
amn meN tujh nigaah so haiN be-daar,
Khauf naiiN muflisoN ko rahzan kaa,
tuk “Wali” ki taraf nigaah karo,
subh suuN muntazir hai darshan kaa.
