Har Koi Dil Ki Hatheli Pay Hai Sehra Rakhe,
Kis Ko Sairaab Kare Wo Kise Pyasa Rakhe,
Umar Bhar Kaun Nibhata Hai Ta'alluq Itna,
Ay Meri Jaan Ke Dushman Tujhe Allah Rakhe,
Hum Ko Acha Nahin Lagta Koi Hum Nam Tera,
Koi Tujh Sa Ho Tu Pir Nam Bhi Tera Rakhe,
Dil Bhi Pagal Hai Ke Us Shakhs Se Waabasta Hai,
Kisi Aur Ka Hone De Na Apnaa Rakhe,
Kam Nahin Tuma Ebadat Bhi To Hirs-E-Zar Se,
Fuqr To Wo Hai Ke Jo Deen Na Duniya Rakhe,
Huns Na Itna Bhi Faqeeroon Ke Akele-Pan Par,
Ja Khuda Meri Tarah Tujh Ko Bhi Tanha Rakhe,
Ye Qinna'at Hai Ata'at Hai Ke Chaahat Hai 'Faraz'
Hum To Raazi Hain Wo Jis Haal Main Jaisa Rakhe ...