Sochta Hoon Kya Use Neend Bhi Aati Hogi

 

 

 

Sochta Hoon Kya Use Neend Bhi Aati Hogi,

Ya Meri Tarah Faqat Ashq Woh Bahati Hogi,


...

Wohi Meri Shakal,

Mera Naam Bhoolne Wali,

Apni Tasweer Se Kya Aankh Woh Milati Hogi,



Shaam Hote Hi Wo Chokhat Pe Jala Kar Shamaein,

Apni Palkon Pe Kayi Khwaab Woh Sulati Hogi,


Hoti Hogi Meri Khushboo Ki Talab Mein Pagal,

Jab Bhi Zulfon Mein Koi Phool Sajati Hogi,

 

Mere Tareek Zamanon Se Nikalne Wali,

Roshni Tujh Ko Meri Yaad Dilati Hogi,
 

Dil Ki Masoom Ragein Khud Hi Sulagti Hongi,

Jb Bhi Meri Tasweer Ka Kona Woh Jalati Hogi
 

Roop De Kar Mujhe Us Mein Kisi Shehzade Ka,

Apne Bachchon Ko Kahani Woh Sunati Hogi