Sab Ka Ehsaan Uthane Ki Zaroorat Kiya Hai

 

Sab Ka Ehsaan Uthane Ki Zaroorat Kiya Hai
Saath Ho Tum To Zamane Ki Zaroorat Kiya Hai,

MAsla Dono Ka Hai Tay Bhi Karenge Dono
Shaher Ko Beech Mein Laane Ki Zaroorat Kiya Hai,

... Dil Se Tay Kar Kay Kisi Roz Ek Ho Jaao
Chorna Hai To Bahaane Ki Zaroorat Kiya Hai,

Khawahishen Dil Se Nikal Aaen To Hsarat Kaisi
In Parindon Ko Thikhane Ki Zaroorat Kiya Hai,

Kiya Howa Is Se Jo Pehle Saa Taluq Na Rahaa
Shaher Ko Chor K Jaane Ki Zaroorat Kiya Hai,

Ghol Chiriyon Ka Tumhen Kiyoon Nahi Acha Lagta
Jheel Mein Zaher Milane Ki Zaroorat Kiya Hai.