محدود ہوں, نہیں ہوں کسی انتہا میں میں

محدود ہوں, نہیں ہوں کسی انتہا میں میں
مجھ میں خدا نہیں ہے, نہیں ہوں خدا میں میں   

دیکھ آج آ گئی مری پرواز عرش تک
کل تک دکھائی دیتا تھا غار_ حرا میں میں

بچے اگر ہوا میں تو میں آسمان پر
بچے اگر زمیں پہ تو تحت الثرا میں میں

مجھ پر برس رہی ہیں ہر اک لمحہ رحمتیں
رہتا ہوں والدین کی ہر اک دعا میں میں

جاوید جانتا ہوں شہادت کا مرتبہ
لونگا مزہ حیات کا جام_ قضا میں میں