تلوار لے رہے تھے حمایت میں پھول کی
پت جھڑ کے مورچوں میں عجب ہم نے بھول کی
اپنے لہو سے شام کو سیراب کر دیا
دن بھر کے انتظار کی قیمت وصول کی
بکھرا ہے اس طرح سے ہر اک ذرّۂ وجود
صورت نہیں ہے کوئی بھی اپنے حصول کی
ہمدردیوں کو تیر سے زخمی نہ کر مزید
ہم نے تو خود چُنی تھیں یہ راہیں ببول کی
خوشبو کی طرح ہم ہیں خرابی میں دہر کی
یہ شاخِ گل پلی تھی فضائوں میں دھول کی
Talwar le rahe the hemayat me phool ki
patjhar ke morcho'n mei'n ajab hamne bhool ki
apne lahoo se hamne shaam ko serab kar diya
din bhar ke intezaar ki qeemat wasool ki
bikhra hai is tarah se har ik zarrae wajood
soorat nahii hai koi bhi apne hasool ki
hamdardiyo'n ke teer se zakhmi naa kar mazeed
hamne to khud chunii thee yeh rahe' n babool ki
khushboo ki tarah ham hain kharabi mei'n dahar kii
yeh shakhe gul palii thee fazao'n mei'n dhool ki
