Skip to main content

Us ne haNs kar hameN pukaaraa kya

Us ne haNs kar hameN pukaaraa kya
Ho gayaa phir se woh hamaaraa kya?

 Jashn sa shahr e jaaN me kaisa hai
Aa raha hai wo maah paaraa kya?

 Aarzoo, khaab, aas, mahroomii !!
Hausla phir bhi hum ne haaraa kya

 Meri aankheN udaas rahti haiN
Ab na aaye ga wo dobaaraa kya?

 AsmaaN par nazar nahi aataa
Khogaya hai mera sitaaraa kya

 Dard  ki  saltanat pe baithaa hai
Koi  farma-N-rawaa dobaaraa kya

 Ae dil e beqarar -  rahne de!!!
Shahr e taskeen me hamaaraa kya

 Chaar aansu bahake sab chup hain
RayegaaN qatl hai hamaaraa kya
Labels:

Popular posts from this blog

husan e zan thi or phul chun lke laati thi

 
Post a Comment
Read more

Ik taluq ko bikharne se bachane ke liye

 
Post a Comment
Read more

Kaha woh tha charagha'n har ek ghar ke liye,

Kaha woh tha charagha'n har ek ghar ke liye, kaha charaGh mayasar nahi shahar ke liye, yaha darakhto'n ke saye mai'n dhoop lagti hai, chalo yaha se chale aur umer bhar ke liye, na ho qamiz to ghutno'n se pet Dhak lenge, ye log kitne munsib hai'n is safar ke liye, Khuda nahi na sahi adami ka Khwab sahi, koi hasin nazara to hai nazar ke liye, wo mutmain hai'n ki patthar pighal nahi sakta, mai beqarar hoo'n awaz mai'an asar ke liye, jiye to apne baghiche mai'n gulmohar ke liye, mare to Ghair ki galiyo'n mai'n gul_mohar ke liye.
Read more