Khushbuu jaise log mile afsaane meiN,
ek puraana Khat kholaa anjaane meiN,
jaane kis kaa zikr hai is afsaane meiN,
dard maze letaa hai jo duhraane meiN,
shaam ke saaye baalishtoN se naape haiN,
chaaNd ne kitnii der lagaa dii aane meiN,
raat guzarte shaayad thoRaa vaqt lage,
zaraa sii dhuup uNdel mere paimaane meiN,
dil par dastak dene ye kaun aayaa hai,
kis kii aahat suntaa huN viirane meiN.