Hai saare jag ka tu Daata yeh zimma le liya tune
Magar jo jiske kaabil hai wahi usko diya tune
Kissiko deke daulat tune uski chheen li neenden
Kissiko muflisi dekar bharosa de diya tune
Kissiko ishq dekar saari duniya loot li uski
kissiko sabr dekar saara aalam de diya tune
Main apni zaat par jab gaur karta hoon to kahta hoon
Bahot kam ke mai kaabil tha bahot kuch de diya tune