Jo safar ikhtiyar karte hein
Voh hi darya ko paar karte hein
Sach to yeh hai ke khud musafir ka
Raaste intezaar karte hein
Un se bichde to phir huya mahsoos
Voh hamen kitna pyaar karte hein
Ham to apnon se kha gaye dhokha
Aap ko hoshiyar karte hein
Jhoothe vaadeh kiya na kar ham se
Ham tera aitbaar karte hein
Ham to us dil Nawaz dushman ko
Doston mein shumaar karte hein
